مجرد فضفضه

السلام عليكم
الموضوع مجرد فضفضه ابي منكم دعوه صادقه لتفريج همي حاليا امر بعدة ظروف نفسيه ومسببه ضغط كبير على نفسيتي وانا انسانه كتومه جدا يعني ما أحب اتكلم عن مشاكلي لأي احد خصوصا اهلي مع ان الكل ملاحظ وأختي تسألني اكثر من مره وعلى طول اشتكي من القالون العصبي بسبب الضغوطات النفسيه
لكن الله كريم مع اني محافظه على الصلاه وداخله دار للتحفيظ بس احس ان اللي يصير معي بسبب ذنب احيانا أقول انا وش سويت علشان يصير معي كذا مو مرتاحه ابداًً لكن الله يفرجها علي وعلى كل مسلم
اروح لاهلي ابي ارتاح من ضغوطات بيتي لكن اهلي مايتحملون أولادي بسبب شقاوتهم وأحس اني ارجع متضايقهً اكثر فصرت أفضل اجلس بيتي
المكان الوحيد اللي ارتاح فيه التحفيظ احس براحه عجيبه أنسى فيه كل همومي وأتمنى اني اجلس فيه على طول
انا مدري الغلط مني لأَنِّي انسانه مره حساسه صايره ما أتحمل من احد اي كلمه على طول دموعي تنزل اعرف اني ضعيفه بس مو قادره أغير من نفسي مع اني تعرضة لموقف من بعده ما أتحمل احد يكلمني واستمر الوضع معاي وزادته المشاكل الحاليّه
أبوي وأختي توفوا بحادث بيوم واحد الله يرحمهم ويغفر لهم كانت صدمه نفسيه قويه وثلاث ايام العزاء كنت على المهدئات ومن بعدها وانا احس اني ضعيفه أبوي كان كل شي بحياتي وحياة اخواني سبحان الله الطيب عمره قصير
مع ان الحادث مر عليه اكثر من سبع سنوات لكن لحد الحين احس اني مو طيبه
انا ابي أكون قويه و يا جبل مايهزك ريح وأكثر شي أفكر فيه عيالي ما ابي يكونوا مثلي ابيهم اقوياء وشخصيتهم قويه
يابنات الله يفرج همكم محتاجه منكم دعوه في ظهر الغيب
ومعليش اعتبركم مثل خواتي علشان كذا قلت افضفض شوي يمكن ارتاح
والله يرزقني راحه البال