السلام عليكم و رحمه الله و بركاته
وصلني على ايميلي حادثه طلاق عروس عالهوا سوا و كانت بعد الخبر هذا الدعاء و عجبني فقلت انشره هنا
اللهم ارزقني زوجاً صالحاً يعينني على أمر ديني و دنياي و يحبني كحب محمد لخديجة و يأخذ بيدي إلى الجنة و يكون سكناً لي في الدنيا و الآخرة و يكون في قوة عمر و رقة أبا بكر و جمال يوسف و تقواه
بصراحه جداااا حلو الدعاء و الله يرزق كل واحده بالي ببالها :27:
السلام عليكم و رحمه الله و بركاته
وصلني على ايميلي حادثه طلاق عروس عالهوا سوا و كانت بعد الخبر...
كلما اغط كلما ايب لكم مصيبه اكبر من الثانيه
انا من فتره انخطبت ياريت ما انخطبت
هاي الخطوبه يابت لي مشاااااااااااااااكل مالها اول من تالي
المشكله اني يوم انخطبت فرحت بالاول خاصه لمن سالت عنه ومدحته الناس
بس استخرت ابدااااااااااا ما ارتحت باي شكل من الاشكل
بعدين الامر ماتم ورفضت
اولا اهلي: من اولهم امي وابوي لين اخر واحد بالبيت ضدي انقلبوا الموت انهم يشوفني
ثانيها الناس كلتني هاي مطلقه وانخطبت واحنا بناتنا قاعدات بالبيوت ماحد خطبهم
اهلي اللحين يمارسون ضدي كل اساليب التعذيب والاذلال والتعسف
والله اليهود مايسونه بالمسلمين
لاحول ولاقوة الا بالله
يعني هالانسان تصورا لو كان مش زين لي حتى لو قالت الناس عنه زين يمكن مايكون خير لي
شو اسوي
والله مرات اقول اقتل نفسي واريح هلي والناس مني
شو اسوي ......... اطر على باب المسيد اقعد اقول لله يامحسنين ابي زوج
شو بايدي اسوي
مرات اقول ليش ربي مبتليني بكل انواع العذاب ما شفت بحياتي لحظة وناسه كلها تعاسه في تعاسه
الكل يكرهني مايحب لي الخير ابد
هلي مايتمنون لي الخير ابد
الناس كلتني بعيونها الحين شويقولون عني كله تنخطب بس ما تبي كله ترفض
والله حتى المساس بشرفي اني انسانه مب شريفه
ليش ربي يشوف كل هاي يصييرلي ما يتغير اي يشي
انا اشوف اللي ظلموني هم مرتاحين انا حتى النوم محرمه منه شو اسوي اكثر من جيه
كلما دعيت اقول ياليت ما دعيت ربي
اول واحد تقدم لي بعد ما دعيت ودعيت ودعيت لين ملجت وفركشت
قلت بدعي مره ثانيه انخطبت مره ثانيه وصارت لي مشاكل من كل صوب
شو اسوي ادعي مره ثانيه بعد!!!!!!!!!!!!! تعبت ما ابي تجيني المشاكل احس مايتني المشاكل الا من بعد كل هالدعوات ياربي ممن دعائي ينقلب علي نقمه !!!!!!!!!!!!!!!؟؟؟؟؟؟؟؟؟؟؟؟؟؟؟