شوفوا يابنات أبي أقول لكم كلكم بدون استثناء .
أحنا هني كلنا همنا واحد ومشكلتنا وحدة .
مهما اختلفت اعمارنا وثقافتنا وظروفنا وأوضاعنا الاجتماعية
الشي الوحيد اللي مشترك بيننا هو همنا وتأخر زواجنا .
او خلوني أقولكم :عدم زواجنا.
بس على الرغم من أنا همنا واحد
إلا انا كل وحدة فينا:تشوف انها أتعس الجميع .
يابنات أنا مثلكم ضعيفة وساعات تصيدني لحظات احباط.
بس مادامني اليوم نفسيتي متحسنة خلني أقولكم :
الحمد لله الحمد لله الحمد لله
ألف ومليون مرة بتقول على شنو ؟
أنا بقولكم ، عاد انتو عدو معاي:
أولا :على نعمة الاسلام :
يعني احنا كان ممكن ننولد كفار والعياذ بالله
أو على مذهب غير مذهب أهل السنة والجماعة.
بس شوفي نعمة ربج اختارج من بين ملايين ومليارات من البشر
وأنعم علج بنعمة الاسلام .
قولي :أشهد ان لاإله إلا الله
محمد رسول الله .
ثانيا : نعمة الصحة وهي بروحها تسوى الدنيا بكبرها:
يعني تخيلي لو انا أو انتي لا سمح الله معاقين أو مشلولين أو مرضى بهالأمراض الخبيثة اللي نسمع عنها كل يوم الله يكافينا الشر.
وقولي :الحمد لله .
نعمة الأمان :
عايشين في بلادنا آمنين معززين مكرمين لانخاف من صوت القنابل ولا يرعبنا منظر اعدانا ولا حد يذلنا بكلمة أو فعل.
نعمة الأهل ...نعمة الستر ... نعمة العلم... ونعمة العقل ... ونعمة الشبع .. ونعمة ونعمة ونعمة ........
بس محرومين من شي واحد ولعله حرمانه منه خير لنا .
والله في متزوجات لين أشوف حالهم أقول الحمد لله اني ماتزوجت .
لاتتوقعون اني أعقلكم أو أكثركم رضا بالقضاء والقدر .
بس أحاول أخفف عنكم وأخفف عن نفسي بعد .
والله اللي خلقنا ماراح يضيعنا.
واسفة إذا كنت طولت عليكم .
ولاحول ولا قوة إلا بالله
شوفوا يابنات أبي أقول لكم كلكم بدون استثناء .
أحنا هني كلنا همنا واحد ومشكلتنا وحدة .
مهما...
بالنسبة للوظيفة بداوم يوم الخميس ان شاء الله.
وللأسف وصلت لي أخبار أن الوضع متأزم في المدرسة اللي أشتغل فيها.
الادارة كلها متغيرة ومدرسات وايد مقدمين استقالتهم ووووو.
الله يستر بس يوم الخميس انشالله بيبان كل شي وببلغكم أول بأول .
دعواتج يالغالية.