اشكر لك ياساميه سرعه ردك

ومن ناحيه الامراض النفسيه فهي انسانه سوويه جدا وعقلها يوزن بلد بس تقول النفس عافته ولا عاد احس به كزوج احسه اي شي الازوجي ابيه يربي العيال ويصرف عليهم واذا ماصرف هي بتصرف عليهم لانه الله مغنيه من واسع فضله

ومعروف بين الجماعه انه يحبها ويموت عليها من اول ما تزوجها وهي كانت يحبه بس ماهو بقدر محبته لها !!

وللعلم هي جميله جدا جدا ونفسيتها تحسنت بعد ما تزوج عليها !!

ومن ناحيه الصرف هو يصرف على عياله وهي تربيهم والا ماهي محتاجه له لانها غنيه

وعلى فكرة هذا الوضع هو وضع سلفتي وحبيت اخذ رايكم به واعرضه عليكم

واحس انه هذا الوضع يقهرررر الزوج ويؤثر على علاقته بزوجته الثانيه وضرتها متضاايقه جدا من ها الوضه خاصه انهم يحضرون بالمناسبات مع بعض وتعالي شوفي الحكي لانه القصه معروفه وكلن يقارن بينهم !!

تخيلي انتي ياساميه بهذا الوضع كيف بتكون رده فعلك انتي والاخوات؟

شكرا للجميع

والله انا أعرف وحده كذا بس أقولك شيء لو ما كان يحبها كثير وهي واثقه أنه متعلق قلبه فيها كان ماتغلت عليه هي طبعاً100% غلطانه لأن له أحقوق بس هي ما شاء الله واثقه من نفسها وحبه لها وأنه يحبها كثير وأكيد انها عارفه أن حبها أكثر من الثانيه لأنها لوحب الثانيه أكثر وحست هي بكذا فصدقيني راح تستميت عشان ما ينصرف عنها وعشان تجذبه أكثر وعلى فكره في وحده جميله ورجلها يموت عليها بس مو نفس درجة حبها له يعني هي اقل تدرين وش تقولي تقول والله حرام أنا اقول الرجلي اعرس خذ من الارامل والمطلقات واكسب اجر قلت لها صاحيه اتشجعينه قالت وش فيها مو حلال قلت هو يطري لك العرس قالت لا انا أفطنه وبعدين خلي الوحده تروح وتطلع وتسافر على كيفها وعلى فكره هي كل اشوي تشتري من السيارات الفخمه لأنها غنيه وعندها ما شاء الله افلوس لنها وارثه من أبوها ورث وعشان هي وااااثقه انه يموت عليها

روج احمر

فهمتيني صح

والواثقه من نفسها تتصرف كذا وجهه نظري الخاصه

عندي سؤال اخر لاخواتنا بهذا الملف

ماهي رده فعلك لو علمتي انه الزوجه الاولى هي مشجعه زوجها على الزواج من اخرى بغيه التخلص من تحكماته بها ورغبتها بان تعيش حياتها بحريتها ووجه نظرها اخذت احسن ما عنده بصغرة وربى عيال والحين مالي حاجه به ما ابي احد يحاسبني على سفري وطلعاتي وضيوفي

ياليت تجاوبوني بصدق وبرحابه صدر

السلام عليكم ورحمة الله ,,

خواتي وزميلاتي الزوجات الثانيات ,, الضيوف الكرام والزوجات الأوائل ,, شرفتونا بحضوركن
قبل كل شي ,, حبيت اقولكم ان رضى الناس غاية لاتدرك وفي بعض المفاهيم من المستحيل ان تغيرينها في المجتمع مثال : نظرته للمطلقه !! للأرمله اللي توفى لها كم زوج !! لمدمن المخدرات ,, اما بالنسبه للزوجة الثانيه فنظرته لها أقل شموليه لأن مش كل المجتمع يرفضها ,, نظرة بعض النساء لها هي اللي ماتقدرين تغيرينها فقط اما بالنشبه لشرائح المجتمع الثانيه ممكن جدا ’’ وهذه النظره مش مقياس ولا أكبر الهم كون وجودها وحقوقها حفظت من قبل الشريعه السماويه فمالنا وللقوانين الوضعيه القاصره !!

اللي حبيت اقوله أن مب كل زوجة أولى ملاك طاهر ولا كل زوجة ثانيه شيطان رجيم :09: كلنا في النهاية بشر نخطئ ونصيب ,, فيه زوجات أوائل مجرمات وفيه ثانيات أجرم بس بعد فيه زوجات أوائل محترمات وكذلك فيه ثانيات آدميات,, يعني الطيبه والدين والايمان والاحترام مايقتصر على الترتيب !!

المستغرب منه ان دائما اسمع حرام الزوجه الأولي تعاطفوا وياها و...... طيب الزوجه الثانيه شو ذنبها ؟ اذا اعتدت الأولى على الثانيه أو العكس مرارا وتكرارا هل معقول ان كلنا بنو البشر وبنفس الدرجه نقابل الاساءه بالاحسان دائما ؟! عيل نحن بنسمو من مرحلة البشر لدرجة الملائكة لكنها تمشي على الأرض ,, طبعا لا كل وحده منا لها طاقة احتمال وبعدين فيه قاعده في دينا الحنيف للي يؤمن به كله مش بعضه ويترك البعض الآخر اللي مايعجبه تقول : (( كلمة حق في وجه سلطان جائر )) وعليه تم قياس ان المؤمن الضعيف خير من المؤمن القوي وان الوقوف في وجه الظالم ايا كان امرأه أو رجل او سلطان او مدير أمر محمود ومطلوب بالعكس تركه يتسبب في جرائم ومشاكل اجتماعيه لأن فيه ان يتمادى الظالم بظلمه ويتفرعن مثل فرعون اللي ماحصل حد يلمه !!

بتكلم عنا نحن "الثانيات " بما انه نحن في ملفنا الخاص ,, لنا كامل الأحقيه بالمواضيع اللي نتناقش فيها ,, نشوف مشاكلنا وندور لها حلول ,, ننصح بعض وناخذ براي بعض ,, كل وحده منا تساند الأخري وما اعتقد ان فيه منا من قامت بإيغار صدر الثانيه على الأولي او ايا من هذه الأمور ولكن النفس ترفض الخنوع وترفض الظلم وترفض التعدي مافيها شي ولاهي جريمه ؟!!

أخيرا ,, بالنسبه للبعض من الزوجات الأوائل ,, ماشاء الله عليهم الحقيقه صادفت في المنتدي نوعيات تبارك الله قمة في كل شي لدرجه اني استغربت هل فعلا فيه زوجات أوائل بهذه المواصفات ؟!! وكذلك زوجات ثانيات روعه في الأخلاق والتعامل ,, وهذا اللي أكد لي قاعدة ان الزين والشين موجود في كل مكان بدون اي ضوابط وشروط ,,

والختام ,, أن نحن كلنا خوات بس للي يفهم معني الأخوه ,, وكلنا نتمنى نعيش بسلام لكن القاعده الأهم هي اذا بغيت تعيش في أمان كن مستعدا للحروب !! اتمنى ان مايفسر كلامي ويقوّل حسب الأهواء ولكن الوحده منا ماتطمح بأكثر من الاستقرار والأمان والحب مع من تحب ,,

ولجميع الزوجات الأوائل ,, الثانيات ,, الثالثات ,, الرابعات ,, الله يبعد عنكم الشيطان وشركه ويسخر لكم الأرض ومن عليها

مودتي

شوفي حبيبتي انا وضحتلك إذا نصحها وهي مو راضيه فاخلاص بسلامتهم...بس يعدل بيننا علشان ربي راح يسأله...وهي بصراحه غلطانه والله يهديها....
وسالفتك هذي حصلت بعائلتنا....والكل نقد عليها لأنه عادل ويخاف الله وبالأخير تطنشه وتطلع بدون مشورته ولاعليها منه....بصراحه عيييييييييييييييبب وقله حياء وادب انا أعدها