مرحبا حبيباتي كيفكن كلياتكن :26: :26:
الله يجبر بخاطركن متل ماعم تجبروا بخاطري بحكياتكن الحلوين
والله كلكن ذوق ومالي عرفانه عبرلكن عن حبي الكبير .. الله يجعله خالص لوجهه الكريم ويجمعنا بالفردوس الأعلى في زمرة المتحابين في جلاله

لا للكابه والله عم تخجليني بذوقك تسلمي لقلبي إنشالله .. وأنا والله بحبك كتير لأني حبابه وبتفوتي عالقلب دغري الله يحبب فيك عباده

سما ايجيبت كيفك حبيبتي ولو مابقدر انسى يمان باشا الله يباركلك فيه وتشوفيه شب مشورب ورب العالمين يجعله ابن بار
ومتل ما قالتلك هلين تؤبش قلبي اشربي عصير جزر كتير سمعانه انو مفيد لهر الشعر ورب العالمين يروق بالك وهونيها بتهون
والله انا كمان من فتره قريبه كانت صايبتي حالة اكتئاب بس والله مالك غير مناجاة رب العالمين وما بتلاقي حالك إلا صرتي مرتاحه والله بيفرجها عليك وعلينا وعلى كل إمة محمد

هلين حبيبة قلبي .. الله يجبر بخاطرك تسلميلي يا عمري شو مذوقه
كيفك أنت ياروحي وكيف الولاد الله يبعتلك كل يلي يسر قلبك وخاطرك وإن شالله رب العالمين يمتع قلبك بشوفة الأهل والحباب
وكتير ممتازه فكرة المكياج وأنا كمان إنشالله نازله عالشام بنص تموز وإن شالله ناويه آخد هدايا هالسنه غير شكل تحف مثلا بتعرفي هون بمصر هالشغلات كتير حلوة وإنشالله تعجبن

مزون حبيبة قلبي أنا كمان كتير بتذكرني هي الكلمة بتيته الله يديمها فوق راسنا .. يالله شو كانت حلوة أيام الطفوله.. الله يحلي ايامنا بطاعته ورضاه
كيفك انت حبيبتي وكيف أويس أفندي الله يطعمك الخير ويجبرلك خاطرك ويسر قلبك..
حبيتي متل ماقالتك شام صلي استخاره وإنشالله ما بتلاقي حالك إلا عم تساوي الخير..
اسألي مجرب !! والله الإستخاره نعمة كبيره من عند رب العالمين وإنشالله الله يكتبلك الخير ولا تنسي توصي الأهل يذكروني بصالح دعائهن وهنن بالعمره أمانه هه!!

شــــــــام ياذا السيف.. كيفك يا حبابه شو أخبارك يا غاليه طمنينا عنك وكيف حبيباتي عمر وعلي الله يباركلك فيهن ويحميهن ويرزقك بنوته حلوة متلك.. والله البنات حناين حبابين مافي أحلى منن

lolia حبيبتي كيفك يا عمري طمنيني كيف صايره أمورك الله يفرج همك ويجبر بخاطرك ويبدل كل هم وحزن بقلبك فرح وسعاده وهنا إنشالله

كيفكن كلكن يا حبيبات قلبي شــــــــــــــام الحبيبة ونايس سمايل (كيف الشام يا حلوة) الله يمتع قلبك وعيونك بشوفة حبابك
ســـاجدة حبيبة قلبي كيفك ياروحي وكيف ماسه خانم وكيف تقى إنشالله ماعم تعذبك الله يديم عليك الصحة والعافيه والله لو كنت جنبك كنت اجيت عاونتك الله يبعتلك كل الخير
نـور الدرب وين غاطه ياحبابه وكيفن بناتك الحلوين الله يحميلك ياهن
المزة حبيبة قلبي طولتي علينا غيابك الله يسمعنا عنك كل الخير ويرضى عليك ويرضيك
أيوته كيفك ياروحي وكيف نور خانم بوسيلنا ياها
طمنيني حبيبتي كيف صايره حالتك إنشالله متحسنه ومود الكآبه إنشالله طلعتي منه.. الله يروق بالك ويصلحلك كل أحوالك
كيفكن كلكن يا حبيبات قلبي
فتاه وعاشقة ووحيده بالغربة وبطه وبكرا أحلى وينكن يا حبيباتي ماعاد بينتو إنشالله المانع خير
سامحوني طولت عليكن بالحكي بس ماشالله عليكن كترانين إنشالله ماكون نسيت حدا
وإذا صار سامحوني .. وكالعاده رح قلكن لا تنسوني بصالح دعائكن
يلا سلالالالالالالالالالالالالالالالالالام:26: :26:

مرحبا غالياتي

ألف مبروك لمزون الحمل

مبارك يا رب .... الله يرزقك الذرية الصالحة الطيبة بإذن الله تعالى

بنصحك من كل قلبي لا تخاطري بحالك وتسافري .أول شي السفر بأول الحمل مو منيح أبدا
ولو مسافة قريبة
ولو متل ما عم تقولي حصبة وكذا .... يا ساتر شو بدك بوجع الراس

الله يفتح عليك ويخترلك الخير ويهون عليك انت وكل حامل

سماء ايجبت من زمان هالقمر ما بان
كيف يمون افندي ..الله يسلمه ويحميه

والله اشتقنالك

مشان شعرك في نسوان بهر شعرهم بالرضاعة هر مو طبيعي فلا تخافي

روحي قصيه

هي ببساطة ...... قصيه وقوي قلبك يعني شبر شبر ونص معلش

بيقوى وبخف الهر تبعه

ولو ما عندكم قصاصة منيحة خلي زوجك يمارس هويته ويفش قلبه بشعراتك .هههههه

الله يهدي بالك ويفرج همك وكربك يا رب

لا بقى تقطعينا الله يرضى عليك

آية طمنينا كيف الكآبة عندك .؟؟؟ الله يسعد قلبك يا رب

هنودة الحبابة الله يسلمك وحفظك مشتقتلك وما برتوحي من بالي
نفسي شي مرة شوفك واتعرف عليك

مين بيعرف الله أعلم .يمكن نلتقي شي يوم

جاية على بالي نحجز شي قاعة ونتجمع نحنا كلنا هلي بالمجلس هون ... ونطبق الحكي على الصورة

شو رأيكم

الله كريم

شام يا ذا السيف وينك انت كمان غاطة ؟؟

الله يهدي بالك ويخليلك هالعريسين

هيلين ...ميت اهلا وسهلا فيك

لوليا وينك يا حلوة غاطة طمنينا عنك

فتاة ونور وجودة والمزة وساجدة والكل .نورونا وزورونا ........

شــــــــام الحبيبة
الله يجبر بخاطرك يا حق.. والله أنت كمان مابتغيبي عن بالي أبدا ويعلم الله تعالى أني أحبك فيه تعالى
ومشتاقه كتير لشوفتك وشوفة كل البنات الحبابات .. فأسأل الله تعالى أن يكتب لنا باجتماع قريب فإن لم يكن لنا اجتماع في الدنيا فاسأله أن يجمعنا في زمرة المتحابين في جلاله على منابر النور وتلال المسك حيث يغبطنا الأنبياء والشهداء
وكتير حلوة فكرة هالقاعه .. اسم الله حولك وحواليك أفكارك دائما رائعه الله يهني حبابك فيك
ويجمعك بأهلك وحبابك دائما على كل خير ويكتبلك نزله قريبه عالشام ويمتع عيونك وقلبك بشوفة حبابك
الله يجبرك ويهني قلبك ويرضى عليك ويرضيك يا أختي الحبيبة ويديمك لولادك وزوجك ويباركلك فيهن ويقر عينك بهم ولايحرمنا منك أبدا أبدا

بما انه ابنك بسم الله عليه اربع شهور سيكون تساقط الشعر اكثر لان الهرمونات تتغير انا ولدت من شهرين واستعمل من الان زيوت مقوية لبصلة الشعر استعدادا لفترة سقوط الشعر

صباح الفل والياسمين حبيبة قلبي
انتبهي حبيبتي الحصبة الالمانية خطيرة على الحامل تسبب تشوهات للجنين
انا سمعت انه الامراض السارية انتشرت ببلدان كثيرة وحتى التهاب الكبد الوبائي كثر هذه الايام
انتبهي من الاماكن المزدحمة
اصبري الله بعينك حبيبتي وان شاء الله لما تلدي بخير وسلامة تنزلي انت والبيبي