كيفكم يا جماعة وشو اخباركم


سمعت في سيرة كبة دخلت رأسا هههه

انا كمان ما سمعت عن الكبة بمية البندورة مع اني حلبية .... اساسا انا صرت اعمل الكبة بطريقتي الخاصة

صرت بس اخلط اللحمة مع البرغل والبهارات واعملها دوائر مثل الكوكيز واقليها ...وكان الله يحب المحسنين .....

عملتها مرة هيك وعجبت زوجي فصرت اعملها هيك دائما وارتحت من الحشي والكبكبة

هنودة لا تشكي لي لابكي لك

قال بدي اعمل ريجيم وعملت موضوع طويل عريض ومسابقة وبعد ما نزلت شي 20 باوند من اول ما جبت معتز وبقي لي شي خمسة وبرجع متل ما كنت ...زوجي قال ما عاجبه وقال صرت "عصموصة"

فرحت بعد ما سمعت هالكلام خبصت الريجيم وصرت اكل ورجعت طلعت خمس باوند ....

ناوية انزلهم ان شاء الله بس بالمشي مو بالريجيم وتاني مرة اذا فكرت اعمل شي رح اعمله لحالي مو الو لان هالرجال ما بيعجبهم شي

مرحبا بنات كيفكون رواء الاسلام هلا فيك نورتينا يلا هاتي سيرتك الذاتية عرفينا عنك اكتر شام ياذا السيف تسلمي حبيبتي سلامة ابنك وان شاء الله الله يرزقك ببنت صالحة وانا كمان لسه ماحملتي هنودة تسلميلي الله يوفقك يارب وربي يرزقك بعريس يسر قلبك وخاطرك شام عزيزتي انا بحبك كتير وعن جد اشتقت لكلامك الحلو الله يبارك فيك يارب تسلمي وبالنسبة للاخت يلي عم تسأل على الكبة مابظن بتظبط لان الكبة معروفة طريقتها ومابتتغير والا بتصير شي اكلة تانية غير الكبة متل ماقالت اختي شام نحنا بنعملها اما مشوية او مقلية او لبنية بالبن الزبادي وممكن تكون بالصينية كمان هاد يلي بعرفو باقي البنات وينكم شو عم تعملو هل الايام سلام للكل بأمان الله

تسلمولى يارب اخواتى وحبيباتى بنات سوريا الحبيبه الله يديمكم ويسعدكم ويرجعكم لبلادكم بسلامه الله والله لايحرمنى منكم
:26: :26: :26: :26: :26: :26:

مرحبا حبيباتي سلامي لالكن وحدة وحدة ............شام وشام2 وساجدة وهنودة وبكرى احلى ...........ولوليا ونور الدرب وفتاة ...............حبيبتي كلبيزو ..........على فكرة انا رفيقة اشطر وحدة........المهم فيك تعملي كبة بمية البندورة ............خالتي بتعملها مع انو نحنا من الشام ..........بس انا ما كتير بحبها اللبنية اطيب.............
هنودة كيفها عاتكة؟ الله يعافيها ويخليها لزوجها واولادها