صبحكون ورد يا بنات طمنوني عنكون جميعا شو أخباركون
شام الله يسلمك يارب وطلتك هي الأحلى والله شوفة الأهل بتفش القلب حتى لو كم يوم بس بحس أنو الغربة تقسمت
شام ياذا السيف شكرا على دعواتك الحلوة وأنا هلأ بالشهر التالت ببدايتو الله يطعمك يل بخاطرك يارب
هنودة طمنيني عنك شو أخبارك يا نشيطة هالمجلس
الساجدة لله وحده زعلانة منك هيك ما بتبعتيلي سلام عم أمزح معك شو أخبارك وأخبار القمامير الله يسلمهون

بالنسبة للكبة بتنعمل بمرقة البندورة ومعها بصل جوانح وبتكون الكبة حميص وما بتتنزل بالمرقة إلا قبل الأكل بثواني حتى ماتشتش

عندي سؤال يابنات أنارحت عالدكتورة وطمنتني عالبيبي وسمعتني النبض بس قالتلي أنو كيس الحمل أكبر من حجم الجنين هي ماقالت أنو هالشي بيخوف بس أنا قاعدة عم احسبها ليش هيك كبير في وحدة صار معها هيك أو سمعت عن هيك حالة

مرحبا صبايا
تسلملي عينكن والله اشتقتلكن كتير وكل يوم اقرأ ردودكن بس مالي عرفانة ليش صايرة كسلانة وضايق خلقي المهم شلونكن الله لايحرمنا هالجمعة والله بترد الروح
هنودة العسل الله يسلم ايديكي ويجعل كل حرف بتكتبي في ميزان حسناتك ان شاء الله رجعت أمك من السفر الله يخليلك ياها من بعد الأم مافي حدا وبالنسبة لعاتكة شلون صارت ان شاء الله أحسن
ساجدة حبيبة البي شو أخبار بنوتاتك شو صار معك بحبوب الرضاعة أنا ماجربتها أبدا واللولب كان ماشي حالو معي والدكتورة قالتلي لازم حط لولب هرموني وأنا خايفة من هالقصة اسمه لحاله مخوفني الله بيعين
ميس سلامة علي الله يحميلك ياه من شهر أجاني ابني من المدرسة رجله ورمانة أخدتو على المستشفى طلع معه تمزق بالاربطة وحطلوا الدكتور جبس الله يحميهن هالاولاد كل يوم مشكلة والله ماكنا نعذب أهالينا مابعرف هالجيل شو صايرله
بنوتات برجع بعد شوي بكمل حديثي معكن رايحة حط الغدا

مرحبا صبايا
مزون شوأخبار حملك حبيبتي اذا قالتلك الدكتورة أنو وضعك طبيعي فلا تشغلي بالك وكونك بأول الحمل فمن المؤكد حيصير كيس الحمل مناسب لحجم الجنين بالأشهر الجاية الله يتمملك بخير وتقومي بالسلامة
آية شو أخبارك عيوني وكيف نور خانم أنا بحبها لأنها على اسم بنتي الله يحميلك ياها هي وأختها
بكرى أحلى الحمدلله على السلامة ان شاء الله انبسطي بالشام وامورك ان شاء الله تمام
شام كيف وجع راسك الله يرضى عليكي شوفي شو سبب الوجع ولاتتركي حالك لان الام دائما بتنسى حالها وبتفكر بولادها
نوارة حبيبة البي أنا عم ساوي ريجيم وصرت نازلة خمسة كيلو مالي مصدقة ايمتى يصيروا عشرة كيلو حتى جرب اكلاتك الطيبة ان شاء الله بيعيشوا ايديكي والمهم أنك ماعم تسمني من وراهن
زنزون ولاللكآبة ولولياو المزة وسما ايجبت وبطة وفتاة وعاشقة شوأخباركن حبيبات البي طمنونا عنكن

مرحبا حبيبات قلبي:26:
كيفكن حبيباتي.. يسلمي قلبكن شو مذوقين والله عم تخجلوقني بذوقكن الله يجبر بخاطركن بجاه حبيبو محمد:)

شــــــــــام حبيبة قلبي الله يهني قلبك حبيبتي بطاعته ومرضاته ويعينك ويقويك يا عمري ..
حبيبتي يلا عم استنى خاطرتك والله حكيك بيفوت على القلب دغري وبيأثر فيني كتير

فتاة حبيبة قلبي الله يجبر بخاطرك ويرزقك بكل يللي بيرضيك والله حبيبتي أنا الحمدلله نزلت 15 باوند بس كتير نفسيتي اتأثرت عم حس حالي صايره كتير مزاجيه.. ادعيلي ضايلي شي 5 باوند ووصل للوزن المثالي

بكرى أحلى يسلمي لسانك وعمرك حبيبة قلبي ويجبر بخاطرك ويصلحلك كل أحوالك أنت وزوجك يارب

آيه حبيبة قلبي أهلين ياعمري أنا الحمدلله تمام طايشه ولايشه وفايته بالحيط من دون الماما الله يحميها ويديمها فوق راسنا.. وإخواتي شباب الله يصلحلن أحوالن ماعم يساعدوني منوب عم يرجعوا عالبيت لياكلوا ويتحمموا ويناموا .. والله انهلكت بالبيت هلك هادا غير شغلي :( ..
بس والله ربك بيقوي وبيعين:26:
بالنسبه لعاتكه حبيبة قلبي لساتها متل ماهي عم تاخد أدويه هالكتها هلك لأنو مفعولها قووي وامبارح كنا عند الدكتور وقال لازم تيجي لعندوا يوم الخميس ليقرر شو بدو يصير والله يشفيها ويعافيها ويقويها ويخليها لزوجها هي حبيبة قلبي ماعندها ولاد إدعولها أنو الله يقومها بالسلامه ويرزقها الذرية الصالحة والله حالتها بتبكي:icon33: بس شبدنا نعمل هيك رب العالمين رايد .. والمؤمن مبتلى ومصاب الله يرزقها الصبر .. والله هي ماشالله عليها صابره ورضيانه ومافي بتمها غير الحمدلله

مزون حبيبة قلبي أهلين ياعمري يسلملي عمرك شو مذوقه يا بنت حارتي.. والله حبيبتي أنا تمام على كيف كيفك بس ادعيلي الله يقويني لبيل ما تيجي أمي تقبر عضامي بالسلامه
حبيبة قلبي بالنسبه ( أنو كيس الحمل أكبر من حجم الجنين ) لا تخافي حبيبة قلبي أختي هيك صار معها وكانت كتير خايفه حتى أنو بطنها كان كتير كبران وكل يللي كانوا يشفوها يفكروا إنو ببطنها توم وراحت لكذا دكتور لكن الحمدلله الكل كانوا يطمنوها والحمدلله ربك جبرها وهلأ ابنها يقبر قلبي ماشالله حوله وحواليه بياخد العقل:icon28:
عقبال عندك إنشالله .. الله يقيمك بالسلامة مجبورة القلب والخاطر

HELEN حبيبة قلبي مية أهلا وسهلا ياعمري والله عم اشتقلك وحاسستك كتير قريبه على قلبي الله يحميك ويبارك فيك وبولادك وسلامته لإبنك إنشالله هلأ صاير أحسن .. اه والله عقولتك مابعرف هالجيل شو صايبه انتزعت والله البركة من حياتنا الله يجيرنا ويرحمنا بهالزمان ويهدي ولادنا وولاد المسلمين ويجعلن صالحين بارين ..:26:
أما بالنسبه حبيبتي لأمي تقبر قلبي والله لسه مارجعت وما بتتصوري شلون صايره حالتي من دونها خصوصي أنا كتير قريبه على أمي ..آه والله بعد الأم ما في حدا.. الله لايحرمن منها أبدا ويديمها هي وأبي فوق راسنا ويقدرني على برهن ورضاهن.. آمين

باقي البنات كيفكن حبيباتي يلا ارجعوا وطمنونا عنكن الله يسمعنا عنكن كل الخير

حاجتي لعيت كتير:42: .. إنشالله ماكون دايقتكن بحكياتي
يلا حبيباتي بخاطركن.. ولا تنسوني معكن بصالح الدعاء
سلالالالالالالالالالام

صباح الخير يا بنات .

إن شاء الله الكل بخير

ينات اليوم الصبح لقيت مقال حلو كتير و جبت لكن الرابط تبعو .

إن شاء الله يعجبكن و خاصة إنه بيخصنا نحنا المغتربات

إقروه و خبروني رأيكن
http://www.syria-news.com/readnews.php?sy_seq=52918