سلام للكل كيفكم

شام يا حبيبتي والله كانو عم تحكي على ابني بس ابني يمكن لان اصغر 7 سنين عمره على اخف شوي

فنة الصبح ومابده يروح على المدرسة عادي كل يوم .. وبعصب كتير وبصرخ علي وهذاك اليوم انزعج مني قال احسن شي اتصل بالشرطة يجوا ياخذوكي " لان سمع ان وحدة عضت ابنها مدري عم تلعب معه يمكن المهم عرفت المدرسة الظاهر فحكوا للشرطة الي اجت ورمت الام يومين بالسجن " الله لا يوفقهم ..الاسلام بوصي بالام وبيمنع الاولاد يقولوا لها مجرد كلمة صغيرة مثل اوف وهنن قال بحطوها بالسجن يومين والله شي بيقهر كتير


انا عم حاول سايسه وراعيه ..امبارح كانت المدرسة عاملين حفلة بماكدونالد وزوجي راسه عم يوحعه فاخذته انا مشي وتركت معتز واخوه الاكبر منه بالبيت .. مشيت بيجي ربع ساعة او اكتر لوصلت ..واكل وراح عند اللعب ويلعب ويلعب اقول له خلص امشي على البيت هلا معتز بكون فاق وصار يبكي وهو و لا برد وبيهرب مني وانا عم احكي ولا كانو ..لك والله انزعجت وانا واقفة تجي الام الامريكية تقول لولدها يلا على طول حاضر ويطلع يلبس برجله ويمشي ...كتير ناس اجو وراحو وانا عم ناديه وهو ولا كانو واخر مرة قال لي هاي اخر مرة ودخل وما عاد طلع ..لحتى بعتت اخته تناديه ... وفعلا فاق معتز وفقع بكي وزوجي يتصل والافندي ما بده يطلع

بس الصراحة انا ما عندي ثقة بنفسي ولا بتربايتي بقول يا ترى انا الغلطانة الي ما عرفت ربيه ... نقطة ضعفه الوحيدة لما بشوفني عم ابكي ..براضيني وبيتاسف ...بس شو انا كل يوم بدي ابكي قدامه ليحس ...الحمد لله على كل حال

واكثر شي قهرني وفقعني من القهر قال مرة رايحين على المول فشاف علبة بيبسي على الارض في الشارع فراح بده يشيلها ... قلت له وليش قال بالمدرسة قالوا لازم ننظف الإرث ...وقتها كنت رح صرخ في الشارع وخلي العالم كلها تسمعني قلت له بالبيت بتشوف الشغلة على الارض بترميها برجلك وبتكمل وبرا في الشارع بدك تنظف الارض ...بالله مو شي بيرفع الضغط

طبعا زوجي بقول لي انتي ما عرفتي تربي ...وهالكلمة لحالها بتموت ... بس ما عندي قول غير الحمد لله على كل حال

اما الهوم وورك لحااااله قصة وقتال ومضاربة ليحله وبالاخير يا ما بحله يا بحله والشاطر يفهم شو كتب ....

والعذاب الحقيقي وقت النوم اااااااااااااااااااااه ااااااااااااااااااااه

يمكن انا ما عطيته كتير من وقتي لما كان صغير وهذا السبب الي طلع هيك ...دائما بقول الله يعنني عليه ويلهمني حسن تربايته والحمد لله عندي اخته الي بقعد معها دقيقتين بس بنسى كل هم ابني من كثر مانها مرضية ... الله يخليهم كلهم يارب ويعننا على تربايتهم

سوري كنت داخلة بس حط لكم انشودة حلوة سمعتها امبارح بس لما شفت كلام شام تقولوا قتبلة وانفجرت


المهم شام اهم شي حاولي تورجيه اشقد انتي عم تتعبي والله ابني اكثر شي اتاثر لما شافني وانا حامل بمعتز اشقد تعبت وقلت له لما كنت حامل فيك تعبت هيك ...حستيه وقتها شعر بتعبي معه واشقد عم يعزبني ...حاولي دائما تورجيه انك بتحبيه وان عم تتعبي مشان هو ينبسط ..وبعدين لا تركضي فيه من ارنه لارنة .... يعني ماعنده العاب يتسلى فيها ... " اكتر شي بسلي اولادي الكمبيوتر والاكس باكس والتلفزيون

والله بدي انصحك واقول لا تعصبي وتنهمي بس فاقد الشئ لا يعطيه ... الله يكون بعونك

يلا روقي دمك واسمعي هاي الهوارة الاسلامية .. هي مناظرة بين العلم والمال .. يمكن هيقديمة بس انا اول مرة بسمعها امبارح

http://download3-8.files-upload.com/2007-05/08/17/Ful_Wa_Yasmeen_D_-_08_-_Al-Hawaarah.mp3

بنت الشيشان الله يجزيكي الخير كلامك درر
فتاة سورية الله يقويكي والله صعبة كتير وبدي قلك الأنشودة ما اشتغلت :)

حبيبتي نور الدرب الله يسلمك ويجزيك الجنة :26:

وأختي فتاة سورية أهلاً وسهلاً فيك ياغالية بس متل ما قالت نور الدرب الأنشودة ما أشتغلت ليش ؟؟:26:

مرحبا غالياتي

الله يخليلي ياكن ما ويحرمني من هاللهفة الحلوة

راجعتلكم بتفاصيل أكتر بإذن الله بس بدي قوم ساوي البيت والطبخ

فتاة سورية ابني قد ابنك تقريبا ومتشابهين بالتصرفات ...بعد شهرين بصير 8 سنين الله يسلمهم كلهم
كأن أول ولد بعزب اهله كتير سبحان الله أكتر من الولاد التانيين

ربي يحفظهم ويهديهم إلاهي

مرحبا شام والله ماأقدرت نام وأنا عم فكر فيكي الله يرضى عليكي طولي بالك ولاتعصبي كلو بيروح من جسمك وأعصابك ومتل ماقالتلك بنت الشيشان وقت بيعصب عملي حالك مومنتبهة وتجاهليه ولاتحكي معه يعني اذا بدك مثلا ياكل وهو مابدو حطي الاكل ولاتقولي له شيء وبعد شوي خدي الأكل اذا أكل أو ماأكل حتى لو عصب لاتحكي معه وشوفي الصح وساويه بدون ماتاخدي رأيه بأي شي مرة مرتين وان شاء الله بيصير متل مابدك وأحسن