LILAC
يا الله شو بحب هالزهرة أنا مية أهلين فيكي وبالفعل هي القصة كتير تأثرت فيها لما قريتها يسلمو هالإيدين
شام يا ذا السيف
ميس الله يتلطف فيها لبنت حماك ويخفف عنها ويصبركن ،، وفصل ابنك غير شكل الله يحميه ،، بس الصراحة الحق على المدرسة ،، أنا كنت اشتغل بحضانة اي والله كان في أبلة عند الولاد وأبلة عند الباب والحارس كمان برا يعني وإذا اجا حدا جديد ياخد الولد مثل خالتو عمو مثلا ما بيعرفوه بيتأكدو أول ,,, لأن هي مسؤوليتهن ... يا الله منيح الله حفظه وحماه الحمد لله ...
بنت الشيشان
ما شاء الله حولك ما عم تنسي حدا ،،، طمنينا عنك وكيف بتقضي وقتك؟؟؟
آية
كيفك وشو أخبارك وكيفها نور وآية ؟؟؟ الله يحميهن يا رب
هنودة
مية أهلين أنا عم قول الكل مكانو محفوظ بالتمشاية:) صحيح كيف دوامك؟؟؟ رجعت الوالدة بالسلامة إن شاء الله؟؟؟؟
شام
يا حلوة وينك طمنينا عنك
فتاة سورية
يسلمو عالنشيدة كتير حلوة هي شكلها لموسى مصطفى والتاني ما عرفت مين اللي معه ،، بتعرفي خرج تصير اسكتش تمثيلي وغنائي بنفس الوقت ،،، ذكرتيني بالذي مضى :26:
مزون
مية أهلين حبيبتي أكيد كلنا بنتمشى سوا إذا رب العالمين يسرها يا ريت سبحانه ربي قادر على كل شي ،، كيف البيبي وكيفو أويس الله يحميه ..؟؟؟؟

لوليا وساجدة والباقي وينكننننننننننننن

بسم الله الرحمن الرحيم

السلام عليكم ورحمة وبركاته

أنا منيحة كتير ياحلوين ياقممير يلي عم تسألوا :26:

شام ياذا السيف \\\ الله يكون معكن ويساعدكن ويارب هيك بشي معجزة ربي يشافيها ويعافيها

وإزا صارلها شي ياحبيبتي فإن الموت حق على كل إنسان مننا ولذلك أدعولها الله يغفر لها ويهون

عليها (( حبيبتي الله يكون معكن ))

هنودة الحبوبة \\\ عم تتأخري علينا برسائلك ياقمورة ........أشتقنا نشوف اسمك

والله يخليكي ويجزاكي كل الخير ....أبني منيح كتير الحمد لله ............ بيبوس أيدك

ومشان التوقيع مقدم ياغالية

نور الدرب \\\\ أنا أحمد الله منيحة كتير

زوجي بالمدرسة للساعة وحدة ونص وأنا وأبني بالبيت وإزا ما كان عندي شغل بالبيت أوطبخ بكون

دائماً قدام هل كمبيوتر, وأيام العطل بنطلع مشوار أو مشوارين على الفجيرة أو عجمان أو راس

الخيمة

بنقضي برا من صلاة العصر إلى ما بعد العشاء , وكنا نروح نشم هوا على البحر بس هلأمن كتر

الشوب لا عم نشم هوا ولا شي , وهاد بإختصار كلشي عم يصير كل الأسبوع يعني روتين بروتين

وأنا هلأصرت بعرف ((نور الدرب - هنودة الحبوبة - شام ياذا السيف - مزون 84 - شام -فتاة سوريا -helen - lilac -

آية 2006 بس مو عاطيتني وجه مدري ليش!! ))

وحابة أتعرف على البقية يلي عم تذكروا اسماءهن ................

والسلام ختام

لك مية أهلا وسهلا بنور حبيبة قلبي .. أنا هيك كمان عم قول إنشالله رب العالمين يجمعنا كلياتنا ونطلعلنا شي مشوار ونتفتل بالشام يقبرني ترابها إنشالله:42:
حبيبة قلبي الحمدلله شغلي تمام على كيف كيفك ..
والماما تقبر قلبي لسه مارجعت والله:( .. الله يجيبها سالمة


أختي :26: LILAC.. بدك ما تواخذيني حبيبة قلبي نسيت رحب فيك لك يا مية أهلا وسهلا فيك بيناتنا وعن جد القصة كتير أثرت فيني يسلمو هالإيدين إنشالله ..

بنت الشيشان .. أهلين حبيبة قلبي والله كلك ذوق تسلميلي إنشالله إنت وابنك الله يحميه وتشوفيه شب مشورب.. والله حبيبتي بدك ما تواخذيني بالتأخر بالرد بس والله هاليومين كتير مشغوله الماما الله يديمها فوق راسي مسافره والله وكيلك البيت كله فوق راسي هادا غير إني عم اشتغل بس والله ربك بيعين وبيسر الأمور بقى بدك ما تواخذيني

فتاه حبيبة قلبي يسلمو ايديك عالنشيد والله بياخد العقل وأنا كتير بحب اسمع لموسى مصطفى كمان كتير بحب نشيدة (طلو الغوالي) يللي بنفس الشريط
إنشالله بيسلموو هالإيدين يا حق:26:

كيفكن يا صبايا ، تسلمولي إن شاء الله على دعواتكم و يارب تكون صادفت و قت إجابة ، و الله يشافي و يعافي مرضاكم و مرضانا و مرضى المسلمين
آمين أمين أمين


حبيبتي قلبي يا نور ، و الله امبارح اتصلت بالمدرسة و حكيت مع المديرة و نزلت فيهم و قلتلها ، بدي افهم بس ، كيف بيطلع من الصف و ما حدا بيقلوا لوين رايح و مع مين ، و قالت لي بدها تحقق بالموضوع و تشوف كيف صارت القصة ، الله يحمي هالاولاد و يحفظهم ، و الله بيكونوا معي بالسوق و ماسكة إيديهم طول الوقت و إذا غلطت و تركت إيديهن خمس ثواني ، بيختفوا من إدام عيوني .

بنت الشيشان أهلين فيكي مرة تانية و الله يحمي لك ابني و يجعله ولد صالح و تفرحي فيه يا رب
و نحنا هون متل الأخوات و دايما منسأل على بعض إذا حدا ما طل و أكيد الغايب عذره معه ، بس إن شاء الله يكون المانع خير .


بنات لاحظت إنو في منكن عم يكتبوا إن شاء الله هيك ( إنشاء الله ) بقى انتبهوا حبيبات قلبي

مرحبا حبايبي كيفكن تمام...............بنت الشيشان والله حقك عليي ..............ولو ........نحنا جيران وانا بالشارقة كمان...............بس والله هاليومين كنت شوي مشغولة ولقحت بنتي الصغيرة وشوي تعبانة لذلك ما عم حس حالي مركزة بالنت كتير ................انت وين ساكنة بالشارقة؟انا عند السوق المركزي.............