لا تواخذوني ، بنت الشيشان و عصفورة دمشق ، ما رحبت فيكن ، انشغلت بالحكي عن حالي

على كل حال ، أهلا وسهلا فيكن و إن شاء الله بتنبسطوا معنا و الله يهون علينا الغربة .


أن اسمي ميس ، حلبية و عندي ولدين ( عمر و علي ) و عايشة بأبوظبي.

بسم الله الرحمن الرحيم

السلام عليكم ورحمة الله وبركاته

رح أبدا بكل البنات الحلوين يلي هون

1 - شام ياذا السيف \\\ حبيبتي وأنا تشرفت أكتر بمعرفتك ياغالية (( وما راح عرفك عل حالي لأنك أكيد

أنت قريتي السي في تبعي ))

2 - مزون 84 \\\ الله يخليكي ياعمري أنا بالفعل مبسوطة بيناتكن , كنت مسجلة بشي ثلاث منتديات من

كتر الملل بس هلأ ما بشوف غير هل منتدى كرمالكن ياغاليات .........

3 - فتاة سورية \\\ حبيبتي مشان الرابط حبيت قلك شغلة هوي صحيح الغنية مافي بكلماتها شي مو

منيح بس الموسيقا يلي فيها حرام (( الله يخليكي لا تزعلي مني بس هي كلمة الحق ولازم تنقال ))

وأنتو صرتو بمعزّة أخواتي وأنا بنصحكن متل ما بنصح أخواتي ...........

ولزلك نصيحة من أخت بتحبكن كتير هادي الأغاني يلي فيها موسيقا محرمة شرعاً

( وبالتالي كلشي راجع إلك إما تقبلي النصيحة أو ترفضيها )

((( اللهم هل بلغت اللهم فاشهد ))) ولك خالص حبي وتقديري

4 - LILAC \\\ أول شي تشرفت بمعرفتك ياغالية

وثاني شي الله يخليكي كتبي بالعربي والله محسوبتك ما بتعرف غير كم كلمة بالإنجليزي مشان هيك

مافهمت عليكي شي ..... وثالث شي شكراً كتير على القصة الحلوة كتير بتجنن ........

5 - لحبيبتي شام بقول الله يكون في عونك ويساعدك يارب (( والله مبارح مع دعاء الوتر دعيتلك الله

يهدي أبنك ويساعدك ))

6 - \\\\ لكل وحدة فيكن عندها ولاد الله يصبركن ويهدي أبني وولادكن وترجعو للوطن بخير وسلامة \\\\

وتحياتي للجميع والسلام مسك الختام

شام يا ذا السيف الله يرحمها برحمتو ويخفف عنها ويصبركم يا رب ادعولها .......

مرحبا صبايا كيفكن حبيباتي
ميس حبيبة قلبي وكلو أمركن لرب العالمين وإنشالله رب العالمين يرحمها برحمته الواسعة وكتروا من الدعاء وإذا بتعرفوا حدا رايح عالعمرة قريب وصوه يدعولها كتير وإذا بيقدروا يجيب معن مي زمزم وتقرأوا عليه قرآن وتشربوا بيكون كتير منيح واتوكلوا على رب العالمين وفوضوا أمركن للكريم الرحيم وإنشالله ما بتنضامو
ونحنا إنشالله رح ندعيلها إنو الله يحميها ويحفظها لأهلها ويشافيها ويعافيها ويجعل كل تعبها بميزان حسناتها

شـــــــام وفتــــــاة حبيباتي الله يقويكن على ترباية الولاد ويجعل كل تعبكن بميزانكن ويحميلكن ياهن ويجعلن مرضيين بارين وتشوفهن بأحسن حال

بنت الشيشان ما شالله عليك شو هالنشاط إنشالله هيك دائما نشيطة .. كيفو ابنك الله يحميلك ياه
كتير حلو توقيعك ماشالله

مزون حبيبة قلبي كيفك يا عمري وكيفو أويس أفندي الله يحميلك ياه .. ولا يهمك حبيبتي إنشالله مكانك محفوظ معنا بالتمشايه ولا شو رأيكن نور وهلين خانم:42: .. والله ناطف قلبي عالشام الله لايحرمنا شوفتها

والله يامزون كلامك مظبوط ميه بالميه حوينتن الولاد مالن ذنب الله يهديهن ويرقق قلوبن ويجعلن بارين مرضيين ما بيكفي الغربة !!.. الله يعين الأهل عالتربايه والتوجيه والله موسهله القصه منوب:icon33: :(

حبيبات قلبي الباقين المزه وزنزون ولا للكآبه وبطه ونايس سمايل وسما ايجبت وعاشقه وساجده وينكن الله لايحرمنا طلتكن الحلوة ودعائكن بظهر الغيب

يلا بنات حاجتي لعي :42: الله يحميكن ويبارك فيكن ويديم هالمحبه..:26: :26:
سلالالالالالالالالالالالالام:27:

اللهم رب الناس اذهب البأس اشف أنت الشافي لا شفاء إلا شفاؤك شفاء لا يغادر سقما
اللهم اشف أخت زوج ميس شفاءا عاجلا غير آجل واحمها وارحمها برحمتك الواسعة وخفف ألمها واجعل كل توجع تتوجعه في ميزانها اللهم ارفع به درجتها وحط عنه به سيئاتها .. وتولها برحمتك يا أرحم الراحمين

نسأل الله العظيم رب العرش العظيم أن يشفيها ويعافيها
نسأل الله العظيم رب العرش العظيم أن يشفيها ويعافيها
نسأل الله العظيم رب العرش العظيم أن يشفيها ويعافيها
نسأل الله العظيم رب العرش العظيم أن يشفيها ويعافيها
نسأل الله العظيم رب العرش العظيم أن يشفيها ويعافيها
نسأل الله العظيم رب العرش العظيم أن يشفيها ويعافيها
نسأل الله العظيم رب العرش العظيم أن يشفيها ويعافيها
هي وجميع مرضى المسلمين

اللهم آميـــــــــــن.. آميــــــــن.. آميـــــــــن