أحلى مسا لأحلى صبايا

شامو: كيفك ياقلبي حاسة حالي بعرفك أنت من وين من سوريا أنا بالإمارات من لما كان عمري 3سنين ::04:

عاشقة : حبيبتي في شي غريب بغربتك يعني تسع سنين وما اتأقلمت مع الجومع إنو نحن ببلد عربي ومسلم وين جيرانك وين رفقاتك بالشغل أو نسوان رفقات زوجك مالك رفيقة مقربة منن ، طيب بأبو ظبي كيف الحياة الاجتماعية ؟ وكيف بتقضي وقت الفراغ
الساجدة : سوسو ما تواخزيني يمكن خربطت بينك وبين وحدة حلبية بالموضوع القديم تبع السوريات
ويا ستي بتشرف كون رفيقتك وأختك كمان ، مأحلاك إنت عم تحكي عالساعة البيولوجية تبعيتي
نسيت قلك إنها خربانة من سنين وما فاضي صلحا :time:
أية أنا بشارع الوحدة وقريب حديقة المجاز إزا شي يوم تمشيتي فيا وشفت وحدة عم تلف حواليها
مكان المشي ولابسة عباية بكون أنا :10:
بدي إسألكن سؤال مشان نثري الموضوع وما يكون بس سلامات ومجاملات إحكو شوي عن الهوايات
والإهتمامات :3_3_103: :7_5_122: حتى نستفيد من بعض أكتر ونعزز العلاقة أكتر يعني مثلا شو آخر كتاب قريتي وشو استفدتي منو....الخ :cool:

أي شو هالنشاط بفوت بلاقي رايح عليي كتير يا أنتو متنشطين يا أنا صايرة كسلانة وحدة من التنتين

هيلين كيفك الله ييسرلك يارب بالنسبة للأملاح الحمد لله وضعي طبيعي وتحاليلي منيحة بس مشكلتي مشكلة ضغط ضغطي عم ينزل ولذلك عم حس بالدوخة والتعب الحمد لله على كل حال ،وبالنسبة للبنوتة ففعلا عاجبتني ومتمنية كون حامل ببنت الله يختار الخير

هنودة كيفك ياقمر شو أخبارك وأخبار شغلك الله ييسرلك ويفرحنا فيكي عن قريب

شام ياذا السيف مبارك ماعملتي بمناسبة انتهاء الاختبارات والله فرحة بس هلأ لحقيلون مشوير وطول مو قاعديين دايق خلقنا وبدنا ننطلع من البيت

عاشقة الحب كيفها بنوتك ضحكتيني كيف بدها هدية على كل امتحان مدللة حالها والله يلا شدي الهمة وجيبيلا أخ أو أخت مشان تتسلى معهون

سر الورود ماشالله حولك طلتك حلوة وأثبتي وجودك بيناتنا بسرعة وبالنسبة لفكرتك كتير حلوة بس أنا للأسف صرلي زمان ما قريت شي وصايرة كسلانة مع أني قبل ما أتجوز كنت كل يوم أقرا كتاب وضل سهرانة عليه للصبح لحتى خلصو وهاد يلي شجع زوجي وقت أجىخطبني لأنو هو بيحب القراية كتير
بس بعد ماتجوزت وتغربت ماعاد ألي خلق لشي والحمد لله

آية أنا منيحة أنتي كيفك وكيف البنوتات الله يسلمون

الساجدة لله كيفك وكيف القمرات الله يسلمون اليوم انتبهت أنك مغيرة بلد الإقامة والله فرطتيني من الضحك على البلد الجديد وفعلا معك حق الله يعينكون ويكون بعونكون بس إن شاء الله مو مأثر عليكون بشي ، وبالنسبة لنزلتك الله ييسرلك ياها يارب وتتهني بشوفة أهلك والقعدة بيناتهون

بنت الشيشان عظم الله أجركون والله يجعل مثواهون الجنة

وباقي البنات يلي ماعادو بينو طمنونا عنكون جميعا

كيفك مزون وكيفن أهل السعودية ، بس ما تقوليلي إنك ما بالسعودية وتطلع معلوماتي غلط إيوه
شكرا كتير على الإطراء وهاد من زوقك وعيونك الحلوة ، بس ليش بطلتي القراءة يا ستي بلا ما تخلصي الكتاب بفرد ليلة إنتي التاني :icon30: خلين ليلتين :sad: :lookaroun عم بمزح
يعني قريلك كم صفحة كل يوم قبل النوم ، بس ما تقطعي بالمرة الله يخليك مشان أبو الشباب الله يخليلك
إياه :arb: يضل مبسوط منك :32:

أهلا بسر الورود شكلك سهرانة متلي أهل السعودية مناح ومعلوماتك صح مالك غلطانة
وياستي مشكلتي مع القراية مشكلة صايرة مالي خلق امسك كتاب مع أنو بابا الله يخليلي ياه عندو دار نشر وكل نزلة عالشام بيدعمني بمجموعة كتب بس المشكلة بالخلق يلي داق دوبي مدابلة مع ابني طول النهار والمسا بجي بدي نام بتشتغل معي الحرقة يلي هالكتني من أول الحمل بترك التخت كلو وبقوم مشان أنساها وهاتي يجي النوم بعدها خلص بيهرب
شو بدك بطولة السيرة بالغربة الواحد بيتخربط وبيصير ليلو نهار ونهارو ليل
وفوق منها صار معي اليوم موقف ماعم أحسن أنساه وطيرلي النوم من عيوني نازلة أنا وجارتي نتمشى ونمشي ابني يلي داق خلقو من الحبسة بالبيت ونحنا ساكنين بسكن تابع للمستشفى يلي بيشتغل فيها زوجي قعدنا شوي وتركت ابني عم يلعب مع الولاد قريب مني
ومالاقيلك إلا سيارة فيها اربع شباب الله لايوفقهون فايتة على مكان لعب الولاد ودارت حولين ابني دورتين وأنا كان فيي عقل وطار ومابعرف كيف ركضت لعندو وحملتو وجبتو وهنن عم يضحكو والله من هداك الوقت وأنا مرعوبة وماعم تروح القصة من بالي قلت مشان حضرتون يتسلو بيهبطولي قلبي
لاتواخذيني انبحتت بالحكي فرد مرة بس عن جد مو حسنانة نام شي من الحرقة وشي من هالموقف البايخ يلي تعرضتلو وحبيت فش قلبي

أهلين مزون حبيبتي
سلامة قلبك حبيبة قلبي .. الله يتملك حبلك عكل خير وتقومي بالسلامة مجبورة القلب والخاطر
يبعتلن حمى إلاهي هدول الشباب .. الله يحفظه لأبنك ويحميه .. والله لايوفقون إلاهي على فورة القلب يللي سببولك ياها
بتعرفي حبيبتي أنا كمان طاير النوم من عيوني ومالي حسنانه نام منوب و صرلي يومين على هالحالة .. هدا غير ديقة الخلق يللي صايبتني بهاليومين .. الله يروق بالنا ويصلح كل أمورنا
والله يا بنات بحاجة دعائكن ..

سر الورود يا مية أهلا وسهلا حبيبتي .. آه والله كلامك مظبوط بالصيفية الواحد بيكون مالو طايق حالو .. بس شبدنا نعمل هيك الحياة لازم الواحد يحاول يستفيد من وقتوا قد ما بيقدر .. وسبحان الله البركة في البكور.. الله يعينك عالنومة بكير

بنت الشيشان : عظم الله أجركم و عوضكم عما فقدتم خيرا منه و إنا لله و إنا إليه راجعون.
و فعلا متل ما قالت ميس صاير الواحد كل ما بيسمع بحادثة وفاة لحدا بيزعل عحاله أكتر مما بيزعل على الميت و بيراجع حاله و بيفكر بأعماله بهادنيا و يا ترا وين راح توديه لجنةأو لنار و العياذ بالله

عاشقة .. والله كلك ذوق حبيبتي الله يجبر بخاطرك ولا يحرمنا هالطلة الحلوة إلاهي

آيه حبيبة قلبي الله يفرج همك وهم كل بنات المسلمين , إنشالله رح قلها للماما تدعيلك .. وأمانه تبقي تطمنينا عنك

سوسو حبيبة قلبي كيفك يا عمري .. الله ييسرلكن النزلة عالشام ويجمعك بأهلك وحبابك عكل خير
كيفن حبيباتي ماسه وتقى خانم ؟ بوسيلنا ياهن

ميس حبيبة قلبي كيفك ياروحي وكيفن حبيباتي عمر وعلي الله يحميلك ياهن .. وكيف بيت حماك ؟
الله يقدملكن يللي فيه الخير ويسر قلبكن وخاطركن إلاهي

نور حبيبة قلبي وينك يا حلوة دخيل عيونك طمنينا عنك .. والله يفرجها عليك وعلينا وعكل مكروب

شو شـــــــــــام ولوليا خانم مبين متل ما قالت ساجدة (يا ملاقي حبابك ... يا ناسي صحابك)
الله يهني قلوبكن إلاهي بشوفة الأهل والحباب ويطعم كل مشتهي إلاهي الروحة عالشام

باقي البنات الله يسمعنا عنكن كل خير وينولكن يللي ببالكن .. آميـــــــن

إنشالله ماكون طولت عليكن ،، يلى بخاطركن
سلالالالالالالالالالالام:26: