مرحبا وصباح الخير كيفكم........بطة ولو انت بالقلب دايما نسرين اهلا وسهلا فيك ......نورتينا ............باقي البنات وينكم؟؟؟؟؟؟؟ام محمد والله ونحنا كمان حابين نعرف كيف كان اللقاء تبع شام ولوليا انشالله يطلو علينا ويخبرونا........
يلا سلام اليوم رح اطبخ يبرق صرلي مليون سنة ما طبختو؟؟؟؟؟؟؟؟؟؟الله يستر سلام

هي انا رجعت واخباري اخ شو بدي قول لقول بس المختصر المفيد ((متل المي بطلوع )) يلي بتعرف معناها بتعرف شو حالتي على كل والله انا لح يطق قلبي صحيح الصين حلوة وفيها اماكن حلوة بس والله محبوسة بين اربع حيطان اعرفتوهن؟؟؟
على كل سلامي لكل البنات بدون استثناء وبدي اعرف من اللي نزلو على الشام شو صاير والله لح موت من الغربة
اتذكرت اذ شي وحدة منكن بتعرف كيف ساوي مخلل الله يوفقكن عم اتوحم على مخلل مشان الله لاتطولو عليي رح موت هون بالصين مافيني اشتري مخلل لانو الخل في خمر فبدي ساويه وما بعرف ومالي حدا ىغيركون وبدي ياه ينقرش ويهرش هرش ويكون حامض يا ريت مع المقادير والله يوفقها اللي بتكتبلي الوصفة والله عم ابكي مو طالع بإيدي ساوي المخلل لاني مابعرف بسرعة الله يوفقكن

كيفكون بنات أنا الحمد لله منيحة وعم أقرا ردودكن بس كنت متكسلنة مبارح شو أخباركون جميعا
حبيت رد عالأخت دانية لأني بعرف وقت الوحدة بتشتهي شي وما بيطلع بإيدها تساويه شو بيصير فيها
أول شي أنا ماعرفت منك أنتي شو حابة تساوي مخلل شو؟؟
إذا بدك تعملي خيار أو أتة فجيبي خيار واختاري الرفيع منو واغسليي منيح بعدين عبيهون بمطربان بحيث يكونو مرصوصيين منيح فيه وحطي تحتهون كم سن توم
يعني إذا مساوية 2كيلو خيار حطي تحتهون شي 8 سنان توم إذا التوم جديد خليه متل ماهو إذا قديم شوي وخافة ريحتو اقسمي كل واحد نصيين مشان تنتشر طعمتو بالمخلل بعدين حطي فوقهون مي كل كاسة كبيرة عبيها مي فاترة وحطيلا معلقتين ملح وكتيون فوق الخيارات لحتى يتعبى المطربان لفوق
وبعدها عالوش بتحطي معلقتين خل وبتسكري المطربان منيح وبتقلبيه بمقلوب لحتى تفوت المي والخل منيح بين الخيارات وبترجعي بتجلسيه وما بتفتحيه إلا لبعد 3 أيام وإن شالله بيطلع ظابط وعم يقرش

وإذا حابة تعملي مخلل لفت فنفس الطريقة بس بدون توم وواللفت بتغسلي منيح وإذا فيو خيوط بتقيمي محلون بس لاتقشريه كامل لأنو بعدين بيطرى وبتحطي معو لكل مطربان كم قطعة شوندر مشان يعطيه اللون الأحمر وإذا عندك أي استفسار من عيوني ، على فكرة أنا حخلص وحام بس بتعرفي على شو بتوحم بتوحم على أكلة كوردون بلو من الشام إما من عند بباي أو من عند a+m وزوجي بيقلي مالك سئلة منين بدي جيبو هاد وحليها إذا بتنحل عندك طريقة كوردون بلو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:p :cook:

أنا آسفة يا بنات بلدي اني ما عم لحق اقرأ ردودكون ولا اكتبلكون.. بعرف اني مقصرة.. اعذوروني
اليوم قريت هالرسالة و دمعت عيوني و الله.. آه يا بلد بس..
يللي جاي على بالها تبكي, تقرأ هالرسالة

رسالة من طفل سوري الى رئيس الحكومة..






عمو رئيس الحكومة الحباب..
أنا اسمي سلمى
بيضلو البابا والماما يتخانقوا فوق راسي
وبيضلو زعلانين ومكشرين
وعم يتخانقوا على المصاري

وأنا بخاف كتير لما بيعيط البابا
وبزعل وببكي كتير لما بتبكي الماما
ياعمو ليش ما بتزيدولهون المصاري شوي
لحتى يشترولنا بندورة وبيض وتطعمينا الماما جظمظ
أنا بحب الجظمظ كتير
وبحب اللحمة بس ما بيشترولي ياها أهلي إلا قليل
مبارح ياعمو أخي محمد كان مرضان كتير
والبابا اخدو على المستشفى بنص الليل
والماما كانت عم تبكي
ولما رجع كمان تخانق البابا والماما على المصاري
وعيط البابا كتير وقلها من وين بدي جيب حق الدوا بنص الليل
وأخي سخن كتير وأنا سهرت جنبه وحطيت مي باردة على راسو
والبابا كان عم يستنى يصير الصبح ومن بكير دق على باب الجيران
واخد منهون مصاري ليجب الدوا..
أنا يا عمو زعلانة كتير منك لانو سألت البابا من وين بتجيب المصاري
قلي من الشغل
قلتلوا ووين بتشتغل.. قلي عند الحكومة..
وأنا شفت صورتك مبارح بالتلفزيون معك كتير عالم عم يزقفولك وأنت وعم تقص شريط
وسألت الماما عنك وقالتلي هادا رئيس الحكومة..
يعني أنت رئيس البابا بالشغل
قلت لأبعتلك هل الرسالة بلكي بتعطيه للبابا مصاري أكتر
لأنو البابا بيستاهل وبضل يقول للماما انو تعبان من الشغل
وبيشتغل بالليل.. وبشوفوا عم يقرا ويكتب على وراق كبيرة اسمها ددابير (اضابير)
بيجيب ددابير وبياخد ددابير.. وبيتأخر كل يوم على الغدا..
يعني بيشتغل كتير.. ليش ما عم تعطوه مصاري.. حرام يا عمو البابا حرام
أنا بحبو كتير وبس أكبر بدي اشتغل وساعدو وأصرف على أخواتي..
بس ما رح اشتغل عندك بالحكومة..
بدي صير شرطية مرور متل جارنا أبو فيصل
كل يوم بياكلوا لحمة..
أو بدي صير مسؤولة متل أبوها لربا عنا بالمدرسة..
ويصير عندي سيارة وشوفير..
أنا كل يوم يا عمو برجع مشي والبيت بعيد..
وبخاف كتير وأنا عم قطع الشارع كلو سيارات..
مرة وأنا وصغيرة لما سألتو للبابا ليش ما عنا سيارة...
ضحك كتير وبعدين حاشني وبكي وبكيت معو وما فهمت شي..
وبعدين لما كبرت عرفت أنو السيارة بدها مصاري كتير والبابا مامعو..
وأنا هلأ عم جمع مصاري بدون ما قول للبابا بدي اشترليوا سيارة..
صار معي 13 ليرة ورح ضل صمد ليصير معي مصاري كتير..
يعني شي 50 ليرة واشتري لبابا سيارة..
ليوصلنا على المدرسة ويجيب الماما من الشغل الضهر..
لأنو الماما كمان عم تتأخر كتير..
أولت مبارح نطرتها أكتر من ساعتين أدام الباب بهل البرد..
وكل ما بسألها ليش بتتأخري بتقلي اسألي يلي عمل العطلة يومين..
بس ما يكون أنت يا عمو اللي عملت هيك..
حرام عليك الماما عم ينشغل بالها علينا كتير..
وما عم تلحق تعملنا غدا..
وأنا عم ابرد كتير بالشتي..
مع أنو الماما عم تلبنسي كنزة أخي محمد لما كان صغير تحت الصدرية..
بس ما عندي جاكيت والبابا صار بيوعدني من تلات عياد يشتريلي جاكيت..
وما اشترالي بآخر عيد شي.. وأنا قلت لحالي حرام وما ذكرتو..
يلا بس أكبر بدي اشتري لبس كتير..
واشتري لفحة وطاقية صوف كمان وكندرا زهرية وكولون أبيض جديد..
لصير أميرة وأتجوز أمير
وبدي اشتري تخت زيادة لانو اخواتي عم يحشروني كتير بالتخت يلي عم نام فيه..
وبدي اشتري لعبة فلة من عند سبيس تون..
وبدي زفت الحارة..
وركب حنفية فيها مي للشرب..
وبيت ما بتنقطع الكهربا فيه..
وبدي اشتري بيضة يلي فيها لعبة عرفتها هي يلي بتطلع بالتلفزيون
وبدي اشتري للبابا موبايل وللماما سوارة.. يالله أنا بحب الماما كتير..
الماما كتير زعلانة.. مبارح بالليل قعدت جنبنا ونحنا نايمين بالتخت تطلع فينا وتبكي..
شفت دموعها من تحت اللحاف..
كنت عاملة حالي نايمة.. غطيت راسي وبكيت..
يمكن سمعتني.. شالتني من التخت حاشتني الماما بتحبني كتير..
والبابا بيحبني كمان أنا أصغر وحدة بين أخواتي..
امبارح اشترالي صندويشة شاورما طعميتوا منها لقمة.. بس قلي لا تقولي لاخواتك..
بس أنا اشتهيتلون ياها كتير..
وهي شغلة كمان بدي اعملها بس اكبر بدي اشتري لاخواتي شاورما من عند عمو البياع

شوف يا عمو مبارح وأنا عم رتب البيت شلت صباط البابا وشفتو مبخوش..
ويمكن صرلو زمان عم يلبسه هيك..
وإذا بدي قلو يشتري واحد جديد بدو يقلي ما معي مصاري..
والبابا موظف بالجامعة..
وعيب يروح على الجامعة هيك..
فبعتلك هل الرسالة ياعمو بلكي بتديني شوية مصاري.. بين ما اكبر..
لاشتري للبابا صباط..
يا عمو أنا بحبك كتير ومبين عليك كتير طيوب..
وما بترضى البابا يروح عل الشغل هيك..
ما تعملي مشاكل أحسن ما اشكيك لعمو الشرطي..
أو رح خليه يشتغل عند حكومة تانية..
هي تبع آه يا نيالي..
وقد ازعر (أعذر) من انذر..

صباح الخير
كيف أصبحتو اليوم وكيف المعنويات والنشاط :7_5_131:
نسرين : أهلا وسهلا فيك وبكل أهل لسعودية :arb: نورت يا قمر
دانية : وينك يا بنت الحلال طمنيني عنك والله شهتينى المخلل وجنبو صحن مجدرة مممممم يالطيف ماأطيبو :o شكلي رح ساوية اليوم
مزون : يسلمو حبيبتي على المخللات إيه شو هالمواهب المدفونة طالعين لهدول :23:
الكوردون بلو بعرف طريقة بس يمكن تكون غير شكل عن الي بدك إياها :biggthump
مكوناتها صدر دجاج محشى لحمة وفطر مغلف بالبقصماط ومقلي وفوقه باشميل وجبنة
موزاريلا ، إزا هاي هيي الوصفة مشان اكتبلك الطريقة بالتفصيل
آية : كيفك جارتنا لا تنسي تبعتيلي من اليبرق ياأما ما بتلاقيني إلا طابة عندك على الغدا ويا آتل
يا مأتول :30: ، العمى شبني انبحتت هالبحتة عالأكل :f226:
عروس الشام : أهلا وسهلا فيك ويسلمو على الٌقصة المؤثرة نورتينا
صباحو عاشقة ، ساجدة ، شام يا زا السيف ما تواخزيني حرف الدال إلى عليه نقطة عطلان :rotaeye:
وهنودة الحبوبة يالله باي