مساء الخير ياحلوين
شلونك مزون حبيبة البي أنا بساوي كوردون بلو قريبة من am وهاد الرابط
http://forum.hawaaworld.com/showthread.php?t=156938
ان شاء الله تطلع طيبة
دانية يامية أهلا وسهلا بتعرفي عندي بنتي الكبيرة هالكتني بالصين واليابان بتحبهن كتير وحاطة ببالها أول بلد بدها تسافر عليه هو الصين بتحب الأكل الصيني والصمديات الصينية مابعرف ليش بتحب هالبلد كتيرالله يحميهن هالاولاد بيزحلوا عقل أهلهن قبل مايكبروا
سر الورود شوأخبارك ياقمر والله حاسستك اسم على مسمى بتعرفي من حوالي كم شهر قرأت شيفرة دافنشي قصة حلوة ان شاء الله يكون حدا من البنات قرأها حتى أعرف شو رأيه فيهابس صايرة كتير كسلانة بالقراءة بوصل لآخر الليل فارطة بفتح شي كتاب بتفوت الأسطر ببعضها من تعبي بحط راسي وبنام وبقول بكرة بقرأ والله مابعرف شلون نفدت معي شيفرة دافنشي من كتر ماسمعت عنه أنو حلو ضليت حاطة عليه لخلصتو
نسرين عيوني ان شاء الله العمر الك والله يصبرك على وفاة والدك صعبة كتير وقت بيكون الواحد بالغربة وبيسمع هيك خبر شو بدنا نساوي هاد أمر رب العالمين
هنودة وينك مالك مبينة اذا ماطليتي كل يوم مابنقبل ان شاء الله رب العالمين بيجبر بخاطرك أنت وكل البنات والله حاسة حالي عم بحكي مع أهلي وأخواتي
ساجدة وآية وفتاة ونور الدرب وميس ونايس وعروس الشام وعاشقة وبطة وكل البنات الأمامير لاطولوا علينا
HELEN
•
صباح الخيرات .. كيفكن حبيبات قلبي ..
فايته سلم عليكن عالسريع وقلكن لا تنسوني بدعائكن
و بدكن ما تواخذوني إذا عم اتأخر عليكن
صرلي يومين تعبانه كتير
جايني وجع رهيب بضهري والوجع مسمع على خصرتي والله وكيلكن ماقدرت نام طول الليل
إن شالله اليوم رايحه لعند الدكتور شوف شو القصة.. وإنشالله خير
فايته سلم عليكن عالسريع وقلكن لا تنسوني بدعائكن
و بدكن ما تواخذوني إذا عم اتأخر عليكن
صرلي يومين تعبانه كتير
جايني وجع رهيب بضهري والوجع مسمع على خصرتي والله وكيلكن ماقدرت نام طول الليل
إن شالله اليوم رايحه لعند الدكتور شوف شو القصة.. وإنشالله خير
صباحو بنات
كيكفم ان شاء الله بخير
سامحوني مارح اقدر رد على كل واحدة فيكم
اخباري متل العادة خدمة 24/24 وما بوصل لاخر الليل الا وعيوني يا دوب مفتوحة اي الله بيعين
سلام ولا تنسونا من الدعاء
كيكفم ان شاء الله بخير
سامحوني مارح اقدر رد على كل واحدة فيكم
اخباري متل العادة خدمة 24/24 وما بوصل لاخر الليل الا وعيوني يا دوب مفتوحة اي الله بيعين
سلام ولا تنسونا من الدعاء
السسسسسسسلام عليكم كيفكون بنات مزون حبيبتي لك الله يخليلي ياكي والله انا عم اقرأ عم ادعيلك وان شاء الله يظبط المخلل ساويت مخلل خيار وعم انتظر يصير كل يوم بعد بتطلع باقطرميز وقول بس تصير مالح تقعد غير بمعدتي هههههههههههههههه
ومشان الكوردون بلو والله انا ما بعرف اطبخها ولو كنت بعرف كنت ساعدتك وساويتها الي بس تعرفي شلون بيعملوها قوليلي ((((اخذت وش ))) ههههههههه
يلا بدي روح حط غدا لزوجي بدكون شي بخاطركن
ومشان الكوردون بلو والله انا ما بعرف اطبخها ولو كنت بعرف كنت ساعدتك وساويتها الي بس تعرفي شلون بيعملوها قوليلي ((((اخذت وش ))) ههههههههه
يلا بدي روح حط غدا لزوجي بدكون شي بخاطركن
الصفحة الأخيرة
كيف الجميع اليوم ان شاء الله الكل بخير
أجتني هالنكتة على إيميلي اليوم و حبيت أكتبلكم ياها منشان تفرفشوا شوي
آل كان في واحد اشترى سيارة ب م دبليو ,قاله البياع هي السيارة فيها مواصفات خاصة يعني لما يصير حادث بيطلع منها صوت بيقول (يا أيتها السيارة ال ب م ارجعي كما كنت ) وبترجع متل ما كانت .
أخد أخونا السيارة وخبطها بصخرة فعلا طلع منها صوت (يا أيتها السيارة ال ب م ارجعي كما كنت) واتصلحت السيارة ورجعت متل ما كانت ,وبعدين أخدها إلى قاسيون وصدمها بشجرة كبيرة وانطعجت السيارة وطلع منها صوت (يا أيتها السيارة الب م ارجعي كما كنت) ورجعت السيارة متل ما كانت واتصلحت ..................بعدين أخد السيارة وطلع فيها على قاسيون وبأكبر سرعة نط من عالجبل فسمع صوت عم يقول(يا أيتها النفس المطمئنة ارجعي إلى ربك ......)