كيفك مزون... و كيف الحمل؟؟؟
انشاالله بتقومي بالسلامة .... و كيف التقل انشاالله اتحسن....
بتعرفي على سيرة الكوردون بلو مبارح كل النهار بعد ما قريت الردود و انا جعبالي .... مو معقول هي اكتر مرة بحس انه كتير اجت على بالي أكلة من الشام ... و عم قول الله يسامحك يا مزون ... و لما اجا زوجي سألته وين في كوردون بلو طيب بدبي .... مشان نروح ناكل عنده قلي شو صايرلك ؟؟؟
بتعرفي ولا مرة خطرلي ساويه بالبيت ... كيف بتعمليه؟؟؟
انا اخباري مافي شي .... كان الكمبيوتر معطل يوم منيح و عشرة لأ.... و كمان كان عندي شوية ظروف و اكتئاب ... الحمدلله
و انتو شو أخباركم اشتقتلكم كتير ....
ساجدة لا تعتبي عليي ... الي رجعة برد طويل الك.... خصوصي

كيفكن يا بنات ، شو صاير فاتحين سيرة الطبخ و النفخ ، و أنا صار لي كام يوم مالي خلاق مد إيدي على شي بالبيت و الحمدلله أإنو أولادي بيتغدوا عند بيت جدهم قبل ما آخدهم و زوجي ما بيدقر على الأكل كتير و كل ما بقلوا مو جاي على بالي اطبخ، بيقلي ساوي بيض مقلي.

بس و الله عجبتني هالكوردون بلو ، بلكي بجربها بالويك إند .

آية : أنا مرة دهنت الصالون و رحت اخترت لون الدهان و جبت عمال الصيانة دهنوا لي ياه ، بس ما اخترعت الكتير يعني اخترت لونين و حطيت كل حيطين مقابل بعض نفس اللون .
و في عندنا بأبوظبي محل إسمه True Value فيه دهانات أشكال و ألوان و فراشي و صرعات كتير مشان الديكور و عندهن ماكينة بتخلط لك اللون اللي بدك ياه.
زنزون: تسلمي حبيبتي و الله يخليلك عيلتك و ما تشوفوا مكروه إن شاء الله
دانية : طمنينا على المخللات ؟ شو صار فيهم ؟ نجهز المجدرة و نجي ؟؟؟؟:42:
هنودة : سلامتك حبيبتي و ما على قلبك شر و متل ما قالوا البنات شوفي دكتور و لا تهملي حالك.
سر الورود: عجبتني ( ميس زات السيف) ، قولي ميس و ريحي حالك.
هيلين : أنا قريت شيفرة دافينشي و بصراحة الرواية حلوة و مشوقة و فيها شوية أفكار جديدة علينا ، بس بشكل عام استمتعت بقراءتها.

كيفكون بنات انا حبيت فوت تطمن عليكم وقلكون باركولي المخللات بيجننننننننننننو ممممممممممم كتير طيبين :icon28:
شام يا بتلحقي يا ما بتلحقي مابقيان كتير ها جهزي الطبخة وتعالي يمكن بقيان شي 10 مخللات واليوم بدي اقضي عليهن بس بساويلك غيرهون اذا بدك
بنات بدي اسال انو هالكتب من وين عم تجيبوها انا مقطوعة بالصين وكل شي بالصيني
والله مالي قلب اتعلم على قد مو مقرفة هاللغة بتلعي نفسي وبجي لاستفرغ لما بسمعهون عم يحكو
شام بدي قلك نيالك جوزك ما بيعذبك من ناحية الطبخ والله بدي جرب اعمل متلك بس بخاف وقت قلو مو جاية على بالي اطبخ يصير فيني شي هههههههههههههههه:22:
على كل انا كمان طبخي مش ولا بد يعني يادوبك من 5 شهور اتعلمت ما احرق الشوربة بالعدس ههههههه
بس طلعت عيوني لبين ما عرفت العيار مزبوط وصار جوزي كل ما ياكلها يدعيلي
والرز كان يطلع مرزرز والطبخات اغلبها مايكون ملحها ظابت :09:
مممممم وشوكمان :7_2_103v: اي وقت اقلي اواشوي شي ما يطلع مستوي الحمد لله هلق ايدي وايد زوجي بالطبخ مشان هيك كلو على الترم بس صرت اعمل كل شي بطعمة طيبة صحيح مو متل اصول الطبخة بس يعني مقبولة وان شاء الله يزبطو معي كل الطبخات على الولد التاني
يلا طولت بالحكي بدي روح على السوبر ماركت جيب اغراض مشان اطبخ
مع السلامة

مرحبا صبايا............كيفكم..................زنزون بعد زماااااااااااااااااااان كيفك مع الشوبات .............صرنا 2 مع الاكتئاب هو الشوب هيك بيعمل ...................يلا الله بيعين شو نازلة عالشام هالصيفية ولا متل حالاتي ..............ميس حبيبتي والله كلنا بالهوا سوا الله وكيلك كرهانة كلشي الطبخ والتنظيف وانا كمان جوزي ما بيدقق كتير بس مو زودها انا كمان..............زاليوم عملت جاج محشي برز وفريكة مع خضر اعملتهون بكيس الفرن ......................الله يستر وتظبط ما تطلع متل اليبرق ..................دانية حبيبتي صحة وهنا عالمخللات بس لا تكتري كتير ما بينفع..............

اهلين بأحلى سوريات
ويسلمو ع السؤال يا حلوات
ومية أهلين بالبنات الجدد ومبسوطة بقراءة أخبارهن
وجد اجا ع بالي المخلل والكوردون بلو
ولا تعيبو وتقولو عم تتوحم

ترى



جد



عم اتوحم ،،،، حامل وبالشهر الثالث ومن أسبوع بس اكتشفت القصة :)



كل الاكتئاب يللي مريت فيه
سببه الحمل وأنا ومو عرفاااااانة
يا الله وبنتي شامو لسة عمرها 6 شهور
سبحان الله ما زعلت إلا عليها ،، فطمتها وعم اعطيها حليب أطفال :(


بقى عرفتو ليش غطيت ؟؟ !! الله يستر
آية وساجدة ومين كمااااان ديرو بالكن ترى غلطة مطبعية وحدة بتكفي :) وبتوفي


ادعولنا وإلي رجعة بإذن الله بس عم اتعب بقى لا تواخذوني سلام يا حلوين:26: