نور حبيبتي الف مبروك وانشالله بتقومي بالسلامة و6شهور كافية لشامو لتاخد مناعة ...........الحمدلله عالنعمة ............ومعك حق والله حاطة ايدي على قلبي .........خاصة انو انا بتعب كتير بحملي وبولادتي

هنودة سلامتك يارب طمنينا عنك

معلش بدي اسألكم شو الكوردون بلو ...وهل اله اسم تاني؟؟لان ماعرفته

نور قرأت ردك وعينيصارت كبر الفنجان ... الله يقومك بالسلامة وييسر لك ويعينك " عم تذكريني بحالي " الله يقويك

يييي ما صدقت قعدت شوي لاكتب ليكو ابني عم ينق ....بركي برجع بعدين لكمل قراءة ورد

شكرا آية وفتاة
صحيح فتاة نسيتك انتي كمان ديري بالك والله يقويكي
والله أنا انصدمت كتير سبحان الله كنت كتير عم اتعب وما لي عرفانة شو السبب سبحان الله لأن أنا وحامي كتير صعب فما تخيلت يكون هدا وحام :(
والله عم حاول ما ضايق حالي وفكر بالموضوع لأن كتير زعلانة ع شامو الله يحميها ,,,
وبالمناسبة رح أسألك شو نوع الحليب يللي بياخدو ابنك ؟؟؟؟ وأديش الكمية وكم مرة باليوم ؟؟؟ أنا ما عندي خبرة أبداً بهيك مواضيع لأن بنتي الكبيرة رضعتها سنة

والكوردون بلو بقى على ما أعتقد مو متأكدة أكلة فرنسية
وهي عبارة عن شرحات لحمة ( اسكالوب ) أو صدر دجاج حاشيتها إما مازرولا وفطر أو مرتديلا وتشيدر أو حسب رغبتك ,, مرة دقتها بالسبانخ والجبنة كمااااان ,,,
بعد ما تحشيهن بتقلبيهن بالبيض وبالبقسماط وبتقليهن بالزيت
وفي ناس بيحطو عليها صوص أبيض وجبنها طبعا خضر مسلوقة ع البخار ،، بس ما بعرف طريقة الصوص
ع فكرة أنا أكلتها بالشام من مطعم بأبو رمانة يا الله نسيت اسمه بس كتير لذيذة ,,

ياويل يا نورعلى الكوردون بلو ..كل هذا بدو شغل ... انا شكلي عجزت ماعاد فيني على وقفة المطبخ .... الله يعين

مشان شامو الله يحميها يارب ..يلا هلا هي والي بعدها ان شاء الله بصيروا متل التوأم ...بس الله يعين الكبيرة شو بدها تغار ..بدك تديري بالك عليها اكثر شي

مشان الحليب انا بمعتز المسكين كنت عم جرب فيه لانو الي كنت جيبه لخواته كانو ما زبط معه

انا كل ولادي عطيتهم good start بس مدري معتز ما زبط معه او هنن غيروا شي في الحليب ..لان لما عطيته ياه الله وكيلك بعد كل رضعه لازم غيره له .." يعني العفو منك بعد كل رضعة بيعمل النوع التاني " ... اي هالشي متعب كتير

فجربت له سيميلاك ..ويا حبيب البي شو ضعف كتير ... فاستقريبت بالاخير على Enfamil
ومكتوب تحتها LIPIL وكمان مكتوب with iron

العلبة لونها ذهبي ..عم اكتب لك التفصيل لان في انواع منه

هذا روعة عجبني كتير ولائم معدته وهلا ماعاد غيروا ...

بالنسبة للكمية ..انا عم اعطيه تقريبا كل 3 او 4 ساعات 7 oz ..يعني على حسب متى هو بكي وبده ياخذ

والصبح وقبل النوم برضعه انا ...

وعم اعطيه اكل مرتين او ثلاث مرات باليوم .. شي بسكويته او مرة هرست له جزر بعد ما سلقته بس ما عجبه ...ومرة كنت عند ناس وحسيته ما شبع من الحليب فطعميته بطاطا وقطع دجاج " طبعا هرستها اول" اي حبها واكلها كلها
وبحط له مقدار الاكل يعني شي ملعقتين او 3 كبار


بعد كل هالرغي حابة قول لك انتي شوفي على حسب شام الله يحفظها ..يعني في البداية حطي لها 5 او 6 oz .. اذا حسيتيها ما شبعت زيدي الكمية ..والاكل نفس الشي .. بسالاكل اذا لسا ما بلشتيلها فيه بلشي بملعقة وحدة وبعد كام مرة زيديها لها

اي وصحي انا احيانا معتز بنام 4 او 5 ساعات ما بفيق ليشرب اي ما بصحيه بخليه على راحته لان اذا جاع اكيد رح يقوم بقى لا تحملي هم اذا نامت وما قامت لتشرب

اه يا ايدي رغيت كتير اليوم ولسا بدي روح كمل قراء الردود

اهلين
نور
الف مبروك وأن شاء الله تقومى بالسلامه ,,
وما تزعلى كلنا صار لنا مثلك بثانى حمل
أنا حملت وكان ابنى محمد عمره ثلاث شهور ومسكين فطمته بدرى لأنى اتعب كثير فى الوحام ...
ولما أجت بنتى صاروا كأنهم تؤام لأنهم مولودين بنفس السنه يعنى قبل ما عمر ابنى يوصل السنه بعشرين يوم ...
بس تعرفى افضل شيئ لأن التعب حيكون واحد وراح يلعبوا مع بعض ,,
ما تكتأبى والف مبروك ..

بنات سوريا انا كنت بحب المسلسلات السوريه وخصوصا اللى باللغه العربيه تعجبنى كثير
بس ما بعرف ليش صار مستواها هالايام نازل
وتدعو الى الفاحشه ,,,
يعنى تفسخ اخلاقى وتعرى ولا حول ولاقوة ألا بالله
كمان شغلة التدخين مزعجه جداً جداً يعنى ما يفوت مشهد ألا والممثل أو الممثله يولع سيجاره
سبحان الله الاجانب منعوا التدخين وبيحاربوه بكل وسيله بس العرب بيدعوا ويروجوا له وكأن مفهوم التطور والضرر بصحة الاخرين هو هدفهم
الله يهديهم
اعرف ان مداخلتى مو محلها هنا
بس عن جد مقهوره من الاعلام العربى وحتى اللى كان فيهم امل نزلوا للاسفل ,,,
انا متعوده الصبح مع فطورى اجلس وأتكيف بمتابعة التلفزيون والاخبار الصباحيه واشوف مسلسل التاسعه صباحا
وهاليومين بيحطوا شاء الهوى
شفت منه حلقه او اثنين وكل المناظر يا اما تدخين يا اما مشاهد مش ولابد بين الممثل والممثله
ليش هيك ؟
الله يهديهم ويوجهوا اعلام نظيف وراقى للمواطن العربى بدل هذا الهدم للاخلاق والمبادئ ...
معليش فضفضت هنا لأن ما فيه حد اتكلم معه على الصبح ...

فى امان الله