يسلمو يا آية ، كتير حلوين

منيح خلينا نغير جو عن الشغل .

سلام لأحلى البنات
والله فرحت كتير بطلة ساجدة وهيلين وسر الورود ونايس سميل
دانية ع فكرة أنا لما تزوجت كان عمري 20 وزوجي أكبر مني بـ 12 سنة ولهلأ بقول الفرق كبير بس متل ما قالتلك دكتورة آية والله أنه إله محاسنه وأحسن من الرجال الطايشة ,,, صحيح كنت بدي أسألك أديش عمر ابنك ؟؟ وأديش إلك حامل؟؟؟ لأنه عم تقولي ورا بعض أنا بنتي عمرها 6 شهور وهلأ أنا بالشهر الثالث ,,,
شام يا ذا السيف الله ييسرلك كتير فرحتلك هيك أفضل وإن شاء الله بتتهني وبتنبسطي ,,,
حبيت سلم عليكن ع السريع واتشكركن لكلامكن الحلو وإلي رجعة
ولا تنسونا من الدعاء

مسا الخير.. كيفكن يا أحلى صبايا

ميس الله يهني قلبك وإنشالله تنبسطي بتركيا وبسوريا وربي يجعل إيامك كلها هنا .. برافو عليك والله

أيوته حبيبة قلبي كيفك يا عمري .. تسلمي لقلبي إنشالله والله الحمدلله ضهري متحسن بس وقت تقل عحالي بالشغل بيرجع الوجع.. بس عمحاول قد مابقدر إنو ريح حالي وربك بيعين
بالنسبة للدعاء تكرم عينك والله الماما عمتدعيلك من وقت ماقلتلها هديك المرة وأنا كمان
إنشالله الله يروق بالك ويرضيك ويفرجها عليك بأقرب وقت.. إنشالله يارب
يسلموووو ايديك والله نحنا بحاجة هيك شغلات لنغير جو.. حاجتنا كآبه

سر الورود أهلا وسهلا .. والله اشتقنا لهطلة الحلوة .. لا تطولي الغيبة هديك المرة مرئناها بس بعدين مامنقبل .. ههههههه

دانية حبيبة قلبي كيفك يا حلوة .. الله يهني بالك ويصلحلك كل أحوالك وينولك كل يللي بتتمنيه ويحميلك ابنك وتشوفيه شب مشورب مرضي بار فيك وبأبوه .. إنشالله يارب

نور حبيبة قلبي .. كيفك حبيبة قلبي وكيف الوحام معك ؟؟
الله يعطيك الصحة والعافية ويهونها عليك إنت وكل بنات أمة محمد.. وكيفن بناتك الحبابات الله يحميهن إلاهي

نايس سمايل .. كيفك يا عمري وكيف صايرة صحتك والله عمدعيلك من كل قلبي إنو الله يقويك ويشافيك ويعافيك وإنشالله كله بثوابه
حبيبتي كتري من الليموناضة ولا تتركي العسلات وإنشالله معافيه وما عقلبك شر
وابقي طمنينا عنك يا حبابه..

مزون حبيبتي وينك يا حبيبة قلبي .. إنشالله بخير

بنات بتعرفوا كتيرة مستفقدة لشــــــــــــام الله يطمنا عليها ويهني قلبها وعيونها بشوفة الأهل والحباب ،، ويطعم كل مشتهية شوفة أهلها وحبابها .. آميـــــن

باقي البنات الغاليات .. ساجدة وهليــن وزنزون والمــــــــزة وسما ايجبت وبكرا أحلى ولا للكآبه وبطة ولوليا وعروس الشام..
كيفكن حبيباتي الله يطمنا عنكن ويبعتلكن كل خير

يلا تصبحو عكل خير.. سلالالالالالالالالالالام

مسا الخير يا حلوات المنتدى
دانية : كيفك يا أمورة ، صحي ما قلتيلنا كيف بيعملو فول الصين العظيم بس ما يكون
بالصويا صوص كمان :unhappy: ، كيفك هلق بعد حكيات البنات روقي حبيبتي
سدقيني إزا قعدت تعدي النعم إلي ربنا عطاك إياها ما بتنعد وجربي وشوفي حالتك النفسية
كيف اتحسنت ، مثلا قولي أنا عندي الصحة ، الشباب ،الخلقة التامة ، الزواج ، الأولاد ، السفر
ألخ وغيري محروم منها وفي ناس عاشو وماتو بالهدنيا وما داقو طعم ولا وحدة منهم اتخيلي
والحمد لله على نعمة الإسلام وكفى بها نعمة ، وتزكري الحديث الشريف بما معناه
( من بات آمنا في سربه وعنده قوت يومه فكأنما ملك الدنيا وما فيها )
الرضا هو دواء الإكتئاب ، الصبر عند البلاء والشكر في النعماء ( عجبا لأمر المؤمن
إن أمره كله خير أن أصابته ضراء صبر فكان خيرا له ، وإن أصابته سراء شكر فكان
خيرا له ) بس ماكون تقلت دم عليك وشكرا عالنصيحة العبقرية :humm:
آية : الكتاب إسمه ( 90 % الأخرى ) انا كتبتو بمشاركة قديمة وأنت سألتيني عن محتوياته :dry:
وفي كتاب تاني إسمه ( أدب النجاح ) كتير أسلوبه سلس هاد من معرض الكتاب بالشارقة
اليوم كنت بالسوق المركزي وكتير إجيتي على بالي ن بتكون آية قاعدة بشي وحدة من هالبنايات :rolleyes:

هنودة : شكرا على السؤال وعالتمريئة توبة ماعاد عيدا حرمت يا أبلة هند :laugh2:

نور الدرب : مبروك:scream: الحمل الله يقويك ويعطيك لحتى يرضيك قولي آمين

يلا باي تصبحو على خير بدي ناااااااااام

كيفكن صبايا وكيف الصحة شام حبيبتي كيفك وكيف صحتك ان شاء الله تكوني بخير :)
نور الدرب ياعمري لح قلك قصة حياتي بعد الزواج
اتزوجت انا عمري 16 كان عرسي اول سنة العاشر يعني لو كملت دراسة كنت عم ادرس عاشر بعد شهر من الجواز فورا حبلت بس لانو انتقلنا لشقة تانية اجهضت :icon33: المهم انا ماكنت بدي احبل بس كان جوزي طاير عقلو ما علينا المهم ضليت ما حبلت بعدين حبلت ب تاريخ الشهر 2 عام 2006 وولدت ب27 /11/2006المهم بعد شهر النفاس اجتني اللي ماتتسمى والشهر اللي بعدو حبلت:icon28: يعني بعد ولادتي بشهرين حبلت تخيلو العذاب:icon33: كان عمر ابني يمكن قريب يخلص الشهر التاني بس مافطمتو فورا :42: لا انتظرت حتى صار عمرو قريب يخلص ال4 شهور وهلق عمر ابني بالظبط 6 اشهر و 11 يوم يعني 7 تيام تانيات وبيفوت بالشهر السابع لانو ولد ب 17 / 11 وانا هلق حامل بالشهر الخامس يمكن اخرو والله اعلم هههههه وهي هيي قصة حياتي شو رأيك ؟؟؟ حلوة ماهيك ؟:biggthump
هنودة حبيبتي الله يجبر بخاطرك ويزيدك من نعيمو وكرمو يا رب بس بتعرفي مابدي جوز ابني بخاف تجيني كنة تطققني مع اني انا كتير بحب حماتي وحماتي حبووووووووووووووووبة كتير قد مابقلك مالح تصدقي وهيي طاير عقلها فيني لانو انا مرت ابنها مو البكر اللي اصغر منو بس بتحبني موت ودايما بتقول مرت ابني التاني مافي منها وكل مين بروح لعندون بيقولولي شو عاملة لحماتك حتى بتحبك كتير والله انا مو عاملة شي بس بحبها متل امي وبخدمها بعيوني وبابا يعني عمي كتتتتتتتتتتتتتتتيييير بيحبني وكل سيرة بيقول دانية ودانية الله يخليلي ياه والله محترمين وبنات حمايي ظراف وكلون بيحبوني لاني اصغر وحدة فيهون كلهون حتى سلفتي انا اصغر منها بشي 17 سنة لانو كلهون دارسين ومتخرجين بس سلايفين الشباب يعني اخوان زوجي واحد اكبر مني بسنة وواحد اكبر من اخوه بشي 3 سنين والصراحة بيحسوني متل اختون وانا كتير عاملة صحبة مع الكل والكل بيحبوني المهم طلعت عن الموضوع انا قصدي انو كما تدين تدان وانا بحب حماتي كتير بس خايفة لانو ماما بتحب حماتها وتيتي كتير بتكره امي مع انو امي متلي ولسا احسن بكتير بس الناس نفسيات وانا خايفة تجيني كنة تموتني على بكير
هلق منجيلك سر الورود (((بتعرفو صرلي ساعة عم اكتب واحكي وما داق خلقي او مليت ))) يلي بدها تقرأردي بعرف شو بدها تقول بدها تقول اني لعاية ماهيك ؟؟؟:icon31: ذكية انا بعرف حالي هههههههههههه :30: :
المهم حبيبتي سر الورود والله الصراحة كلامك صح ونعم رب العالمين لا تعد ولا تحصى وانا كتير بعد بفكر وبقول في كتير ناس اسوء مني بالنسبة لحياتهم بس برد بقول انو كل واحد بيحلم بالعيشة اللي بيتمناها من كل النواحي النفسية والمعنوية وعلى كل الحمد لله على كل حال صحي جربتي فكرتي العبقرية جربيها ما بتخسري:icon20: ومشان فول الصين اصلا بالصين وبالتحديد بالمدينة اللي قاعدة فيها
((كوانزو))) مافي فول من اصلو ههههه بعد بنتع معي فول وبساويه هون بالصين بس خلص من عندي وبس انزل على سوريا بطلع معي والله اعلم ايمتى بدي انزل صرلي من سنة 2005 ما شفت اهلي بس ماما طلعت لعندي بس ابي واخواتي كتير اشتقتلون لح يصير عندي ولدين وابي ماشاف اول ولد لسا والله حرقة قلب طيب انا بدي روح زوجي عم يناديني بس ماخلصت حكي هههههههههههه عم امزح تقلت عليكون لاتواخذوني بس طقت روحي ماعم احكي مع حدا متل الجدبان بعد بحكي مع ابني صحيح نسيت قلكون انو صار يناديني ماما ونانا لانو زوجي بيناديني دانيا فحفظ نانا هههههههههه ولهلق ما كان يقول بابا ههههههههههههههههههه بس شي حلو لما تسمعي ابنك عم يقلك ماما يلا خلوني روح لعيتلكون قلبكون
السلام عليكم