ياقلبي يا دانيه اليوم اول موعد الي عند الدكتوره بجوز حامل شهر مو اكتر
وهاد اول بيبي الي انا متزوجه من سنه و10 شهور
بس اني دلال هاد عم اتدلل ع حالي ههههههههه زوجي بغيب عن البيت مده طويله وخطي لما بيجي عالبيت بكون فارط بس بده ياكل وينام بقا ان شاء الله اقدر انزل ع حماه مالي غير اهلي وبيت حمايي يدللوني

مرحبا صبايا كيفكن كلياتكن حبيبات قلبي
فايته سلم عالسريع وقلكن والله عم اشتقلكن كومايات
وبدي بارك لحبيبة قلبي بطه
لك إنشالله ألف مبرووووووووووووووووك والله يتملك عكل خير وتقومي بالسلامة مجبورة القلب والخاطر ..

دانية حبيبة قلبي آى اطلعي وغيري جو والله نحنا هون طاقق قلبنا من الشوبات
وامبارح كنت كتير معجوقه بشغلي واليوم بعزال البيت!!!!!
يلا ربك بيعين

ساجده حبيبة قلبي مية أهلا وسهلا ياعمري .. يسلملي لسانك شو حلو الله يجبر بخاطرك إلاهي

باقي البنات حبيبات قلبي كيفكن إنشالله الكل بخير
مزون الغاليه (تشتقلك مكه ياحق)..
آيه حبيبتي ربي يفرجها عليك ويهنيك (طمنيني حبيبتي كيف صايرة) والله الماما بتسلم عليك
هلين وين هالغيبه يا بنت الحلال عم نشتقلك والله ..
نايس سمايل حبيبة قلبي طمنيني يا حبيبتي كيف صايره صحتك (الله يقويك يارب)
ميس حبيبة قلبي قربت سفرتك ما؟؟ الله يهني قلبك ويكتبلك كل الخير
نور الدرب كيفك يا عمري وكيف حبيباتي لين وشامو الله يعطيك الصحة والعافيه ويقويك
سر الورود شو يا حلوة وينك .. لا تغيبي علينا
بنات والله اشتقت للمزه وسما ايجبت وزنزون ولوليا وعاشقة وفتاه وشـــام ولا للكآبه الله يسمعنا عنن كل الخير .. إنشالله ماكون نسيت حدا
يلا بخاطركن

هاااااااااااي رجعت بس ماساويت شيبالبيت لهلأ ههههههههههه
حبيبتي ام ريان الله يسامحك لا تطفل ولا شي مابدها انا بقلك بالشام روحي على صالون اسمو مارسيل
او صالون جورج مارديني هيك اسمو بس بتساوي فيه وحدة وفي قسم لغير المحجبات
هدول الصالونات تقريبا بالقصاع قدام ساحة العباسيين بعد الساحة بكتير كل اللي بتسأليهون بيدلوكي كتير هدول الصالونات ممتازين بكل شي ومشان افضل نوع اكيد الماكييرة بتخدمك وبنصحك بهالصالونين لاني بيوم عرسي عملت شعري عند مارسيل وطلعت خييييييييييييييلة واكيد في كتير بنات بيفيدوكي بس انا هدول اللي بعرفهون
يلا السلام عليكم

مرحبا صبايا
شو هالأخبار الحلوة كترانين الحوامل ان شاء الله بتقوموا بالسلامة مجبورين الخاطر
اسمعوا هالنكت وفرفشوا شوي
سألت بنت والدها عن معنى الزواج فكر الأب واحتار بالاجابة وخطر بباله أن يحضرألبوم الصور ويتصفح معها صور زواجه بوالدتها ومن ضمن الصور كانت صورة للاب يمسك يد زوجته ويدخلا عش الزوجية (باب البيت)وهنا سأل الأب ابنته هل عرفت معنى الزواج فردت البنت أعتقد ذلك هو ذلك اليوم الذي بدأت فيه أمي العمل لدينا .
دخلت امرأة وزوجها المريض لعند الطبيب وبعد الفحص طلب الطبيب من الزوجة أن تأتي الى مكتبه والزوج بالخارج
وقال لها: زوجك مريض جدا ويمكن أن يتوفى
فانزعجت الزوجة وقالت: هل يوجد علاج لهذا المرض
فقال لها الطبيب :العلاج الوحيد في يديك
قالت الزوجة: وكيف ذلك
رد الطبيب عليك أتباع الخطوات التالية: حينما يستيقظ زوجك يجب أن تكوني مبتسمة ويكون الفطور جاهز وعندما يعود من عمله يكون البيت مرتب وهادئ والغداء صحي وخفيف والعشاء يكون رومانسيا على ضوء الشموع وأن تكوني متألقة ويجب أن تحرصي على التنزه معه للترفيه عنه
وعندما خرجت الزوجة سألها زوجها عماأخبرها الطبيب قالت له :قال الطبيب انك ستموت قريبا

مسا الخير
كيفكن يا صبايا ، بس حبيت سلم عليكن وبارك للحوامل الجدد :icon28:

ساجدة : الجو عنا نار ، رطوبة ، قرف يعني ما بتقدري تاخدي نفس ، يعني مافي غير المراكز المكيفة
بتقدري تتمشي فيها ، وهنيك الطامة الكبرى ,,,,, زحمة يادنيا زحمة وهنوووود وجاليات
الله أعلم فيها هادا غير إنو احفظناها بصم للمراكز ماعاد فيها شي يغرينا كلو متل بعضو:unhappy:
بقى اعزريها لآية معها حق وأنا متلها نفس الشي ، بس شو هالصوت إلي إلك سوبر ستار:nerd:
سبحان الله الفن بيجري بدمك وبكل مشاركة إلا تترنميلنا بشي مقطع بس المرة الجايةبدنا إياك
تطرقيلنا شي موال على زوقك
آية : اسمعي أنا كل ما بطلع من البيت بحاول إقنع حالي بفكرة المصالحة مع الطبيعة يعني
اطلعي وشمي هوا رباني شو ما كان ، وإزا عرقت بقول أحسن بكون عم بتخلص من السموم
يعني شو بدنا نعمل بدنا نبربك على حالنا شوي ونمضي الصيفية
يا بنات : اليوم كرهاني حالي سمناني وماني عرفاني شو أعمل :icon33: وكل ما بدي روح مشوار الله وكيلكن الخزانة كلا بتنزل بقيس هاد وزت هاد وبالآخر يابطل روح يا بوصل آخر العالم :44: ومتل ما بتعرفو إلي بيقعد بالبيت على طول هيك :f226: المشكلة إنو زوجي كمان بدو ريجيم ضروري ومع شغله صعب تنظم مواعيد
الأكل بقى شو الحل برأيكن:(