مرحبا بنات كيفكن حبيبتي هيلين النكت كتير حلوين واحلى وحدة التانية حكيتها لزوجي قام قلي بدك تعمليلي متلها قام قلتلو رد الطبيب يعني مثلناها سوا وفرطنا ضحك ههههههههههههههههههههه
والله فعلا هالنكت بيخلو الواحد يفرفش لا تنسي تحطيلنا كم وحدة كمان اي الله يسعدك
سر الورود وين هالغيبة ؟؟ الله يعينك نحنا اليوم وقفت المطر وصار الجو يعني ها ماشي الحال مقبول وانا بعد نص ساعة رايحة على السوق بس لحالي ماحدا معي الا مترجمتي يالله الغربة شو صعبة بس الصراحة السوق اللي رايحتلو حلو وما بيسكر الا على 10 بالليل ادعولي بركي بيرضى زوجي يروح معي ((( فايقة ورايقة الاخت ههههههه))) والله الروحة على السوق لازم يكون معي حدا ولا بحس حالي متل الجدبان هههههههههههه
يالله رايحة جهز حالي سللللللللللللللام

صباح الخير لكل الحلوات ...............كيفكن حبيباتي .........زهنودة شو اخباك واخبار الوالدة سلميلي عليها وقوليلها لا تنساني من دعائها حاكم مافي متل دعاء الام............ساجدة شو اخبارك واخبار بيتك انشالله اتظبط .................هيلين كيفك حبيبتي شو ايمتا نازلة عالشام..............سر الورود ........زانا بتصالح مع الطبيعة مو مشكلة بس بناتي حرام ما بيقدرو يصالحوها لساتن صغار ...........والله اليوم فايقين انا وجوزي دايق خلقنا ومو عرقانين شو نعمل ............مولات مستحيل متل ما قلتي زحمة يا دنيا زحمة شي بينسي الواحد اسمو..................يلا بتهون دندون .............انشالله بتتوفقي بالسوق بس حلوة هي شغلة المترجمة شو دايما معك..........؟؟؟؟؟؟؟؟؟؟انا جوزي سافر السنة الماضية عالصين حبها كتير ولما قلي انو كان معو مترجمة اضحكت عليه اتاريها عادي بالصين............انشالله السوق عندكم مو زحمة متل عنا ................؟؟؟؟؟؟؟؟؟عاشفة وينك ما عدت طليت؟؟؟؟وميس خانم شو اخدتلك عقلك تركيا؟؟؟؟؟؟بطة ديري بالك على حالك حبيبتي ولا تتعبي حالك خاصة اول 3شهور لحتى يثبت الحمل...............نو الدرب كيف وحامك والله دايما ببالي وكل ما قرب موعد يلي ما تتسمى بتذكرك وبيرجف قلبي ههههههههههههههه
بنات هداك اليوم كتبيت رد طويل عريض عن المسلسلات بس انمحى ............والله حاليا عم شوف وشاء الهوى هو مظبوط بيسلي بس فعلا كتيييييييييييييييييييييير هابط ومستواه الاخلاقي تحت الصفر ............وبعدين ملاحظة انو صايرين بمسلسلاتنا دايما بيطلعو المتدين اهبل ومشرشح وساطلها وغليظ وبيحكي بالفصحى ...............ولا مرة حطو المتدين بصورة منيحة ........وهاد يلي مجاكرني فشو رايكن ؟؟؟؟؟؟؟؟؟؟؟؟؟؟؟

كيفكن يا بنات ، أن شاء الله الكل بخير

أنا بلشت جهز شوي مشان السفر ، يعني اغراض ألي و للأولاد و هلق عنا تنزيلات الصيف و قلت استغل الفرصة .

و هالعطلة بيت حماي جايين لعندي من العين و رح يقضوا كام يوم عندنا ، و الحمدلله كتير فرحت لما شفت حماتي نفسيتها أحسن و رجعت تضحك و تمزح متل أول.

بطة ألف مبروك الحمل يارب و الله يتمم لك على خير و يرزقك الأولاد و البنات الصالحين يارب.

و باقي البنات سلام لكل واحدة بس ع السريع لإني رايحة شوف ضيوفي

يالله ........ سلام.

مساء الخير حبوبات
مبارح كان اول موعد الي عند الدكتوره الحمدلله وضع الحمل كويس بس مع الجنين في شوية دم قالتلي بدك راحه
والاسبوع الجايه عندي موعد تاني مشان اسمع صوت نبض الجنين ان شاء الله وقالتلي بس نطمن ان نبض الجنين بلش بتقدري تسافري ع سوريا وعطتني دواء فوليك اسيد ودواء تاني عباره عن فيتامينات
اكله كمان هم نزلة السوق لازملي كومة اغراض الله ييسر بس

بدي اسالكم في وحده منكم صار معاها بوحامها وجع معده متلي وشو عملت لترتاح امانه انصحوني

يالله تصبحو على خير واحلام سعيده للجميع

بنات سامحوني على الدخول بينكم بس حابه اسئلكم عن الاوضاع عندكم بسوريا وايش لون لاني الشهر الجاي باذن الله جايه على سوريا وكثير خوفونا بيقولو الاوضاع مو كويسه واحب اسئلكم عن اسواق الماركت وينها غير السيتي سنتر لاني جيت سوريا عشره مرات بس مااعرف وين الاسواق الكويسه غير الصالحيه والحمراء وباب توما وين سوق ابو رمانه وين المطاعم البيوت الدمشقيه القديمه والله يحفظها ويرزقها الي بتعرفني على الاماكن