سوسو حبيبة قلبي نسيت قلك الله يبارك بعمرك إلاهي وعقبال عندك إنشالله إنت وكل البنات الحبابات
كلك ذوق والله .. سلميلي على البنات وبوسيلي ياهن وإنشالله تفرحي فيهن

سلامااااااااااااات يا صبايا...كيفكن جميعا
صارلي زمان ما شاركتكم بس صدقوني عم تابع أخباركم جميعا و مبسوطة لهاللمة الحلوة ربي يديمها على طول بس مشكلتي أنو من قلة مروتي ما عم بكتب لأنو الحمل تاعبني شوي و الجو عنا هون كتير بيساعد يخزي العين على أنو تكون نفسيتو حلوة :09: الله وكيلكن ما بنحزر عليه كل ساعة شكل ..الله بيعين

بس حابة أسلم على كل حبايبنا اللي مسافرين على سورية و قللهم رح نشتاقلكم كتير و الله...انبسطوا قد ما فيكم و حاولو تستغلوا كل لحظة بالأجازة و كلو فلافل و عرانيس و مدلوقة قد ما فيكن>>>>>وحدة بتحب بطنها كتير

بس أهم شي أنو تديروا بالكم لأنو في موجة حر كتير قوية جاية على سورية...الله يستر
و أمانة ما حدا يزعل مني لأنو ما رديت عالكل وحدة وحدة بس صدقوني ما صدقت أنو هزيت حالي و كتبت ....:icon28:
و بدي قوللكم جميعا أنو ربي يشهد ربي أنني أحبكن في الله جميعا...ربي يوفقكم و ييسر أموركم و يحقق لكم كل اللي بتتمنوه بجاه الحبيب المصطفى:26:

لآتنسونا من الدعاء و أنتو في طريق السفر:(

مرحبا يا صبايا حبيت سلم عالكل وقول للمسافرين توصلو بالسلامة ............تعبانة كتير ومكربة حالتي حالة سلام

مرحبا حبيباتي .. كيفكن كلياتكن يا تقبروني

شو هاد نايس سمايل عنا اى يا مية أهلا وسهلا
كيفك نايس حبيبة قلبي وكيف الحمل معك والله عم نشتقلك الله لايحرمنا هالطلة الحلوة
كيفها شهوده خانم .. الله يحميلك ياها
والله يا نايس حاسه حالي مو جايني نوم من فرحتي يا الله شو مشتاقة للشام وأهلها
الله يطعم كل مشتهي يا حق،، وقاعده عم عد الساعات صحي سفرتي بكره بس مالي مسدقة حالي
عن جد الدنيا مو سايعة فرحي ومشتاقة كتير لأبن أختي الله يحميه يا الله شو مشتاقة ضمه لقلبي وبوسه
خلص حاجتي بلشت دموعي تنزل .. الله لايحرم حدا من شوفة أهله وحبابه

آيه حبيبة قلبي سلامة قلبك إنشالله ،، والله يسلمك يارب
حبابه ديري بالك على حالك واشربي ليموناضة وحليها بالعسل وإنشالله ماعقلبك شر
الله يشافيك ويعافيك ويحميك من مكروه

صحي بنات وينها نور حبيبة قلبي ومزون صرلي زمان مو شايفتن إنشالله يكونوا بألف خير

حبيباتي أستودعكن الله الذي لا تضيع ودائعه ،، وأمانه ديروا بالكن على حالكن واللي مارح يصحلن يسافروا هالصيف بدي قلن حاولوا تستغلوا العطلة بشي يفرفح قلبكن ,, يعني حاولوا تساوو أي تغيير بركدن بتقدروا تستفيدوا من وقتكن والله يفرجها عكل مكروب ويجبر بخاطركن وينولكن يللي ببالك وإنشالله مارح إنساكن من الدعاء وقد مابقدر رح فوت مشان اطمن عليكن

يلا بأمان الله ،،
وداعــــــــــــا يـــــا أحبتنا وداعـــــــــــــــــا.. وداعـــــــــــــا والقلوب على اتصـــــــــــــــــال:26:

مساء الخير و لا قول صباح الخير حاكم قلبت الساعة بعد نص الليل؟

كيفكون يا أمورات؟؟؟؟؟ظ ما شاء الله شديتوا الهمة و تنعنش الملف..
لك أنا جدوبة من زمان بقول لازم اكتب بالملف و اتواصل معكن بس بتكسلن.. هالكسل وبااااء.. يبعتلو حمة ما عم أعرف اخلص منه..

ايه المهم.. أول شي هنودة تروحي و ترجعي بالسلامة.. بما انك مسافرة بكرة معناتها ما بلحقك, لسه بدي شهر لصير بالشام..

هيلين.. تسلميلي يا قلبي.. شكراً على المعلومة, و الله اليوم كنت عم حاول اتذكر شو اسم الجمعية يللي بياخدوا الأكل و كنت عم فكر انو فكرتهم عبقرية.. شكراً انك ذكرتيني..
و انت كمان نازلة هلأ!!
معناتها ما رح لحق على حدا :(
مين نازل بشهر آب؟؟
بس بيني و بينكون و الله ماني عرفانة اذا حافضى شوف حدا أساساً.. انو في كم وحدة من رفقاتي هون نازلين على الشام و من هلأ جوزي قالي ما ترتبطي مع حدا بدنا ناخد أهلي (أهله يعني) و نطلع على اللاذقية.. و أنا سمي و موتي شي اسمه اللاذقية.. شوب و رطوبة و الكل بينبسط و بيسبحوا لأنهم كلهم شباب و أنا بقعد لوحدي بتفرج عليهم و بموت من الشوب.. بكره روحات البحر.. و بكره أكتر انو في بنات بالبيكيني على الشط و أنا غيورة :( ماني عرفانة شلون بدي افقس طلعة اللاذقية.. من هلأ عم خطط :)

ساجدة.. هلا و الله.. الهيئة شرحووووووو.. ما رح لحقك.. يللا خليها على الله... و شكراً على المعلومات عن الجمعية..

سما, اسمك بيجنن.. بعرف وحدة صغنتوتة اسمها سما بس بتاخد العقل ما شاء الله.. حببتني بالاسم..
و انت متلي.. أنا كمان بنزل ببيت حماي بأوضة عندهم.. و أنا مشكلتي انو جوزي كل اخواتو شباب ما عندون بنات.. باختصار, حجابي من وقت ما فتح عيني لغمضها ما بينقام من على راسي.. حتى جوزي بينسى شكل شعري بالاجازة :)

و معك حق أنا كمان بضحك بس شوف البنات يللي مقهورين انهم ما تزوجوا.. هلأ أنا بحب جوزي و مبسوطة معه بس لا يخلو الأمر من المشاكل و خصوصاً مشاكل الأهل يللي ما بتخلص.. و بعدين حاسة اني مقيدة من وقت ما تزوجت.. بيكفي اني سجلت لكمل دراسات عليا بأول السنة و ما قدرت كمل أسبوع لأن الدنيا كلها انقلبت على راسي..
يعني لو برجع بالزمن, بشتغل و بكمل دراستي (لأن هدا حلمي) و بعدين بتجوز.. بس شو بدك تقولي, وقعت بالحب متل ما بيقولوا و أول ما قلي منعمل العرس باليوم الفلاني, قلت حاضر.. و أول ما قالي تركي شغلك, قلت حاضر.. عن جد بس تكون الوحدة بتحب, بينزل عليها غباء الدنيا كله!!