مرحبا كيفكم بنات ... و أخيرا رجعتوا التميتوا... الحمدلله مو حلو الملف افتح كل يوم و ما لاقي حدا عم يشارك ... الله يديم المحبة و الجمعة الحلوة ...
مية أهلا و سهلا عروس الشام .... انت بقطر ... اديه صرلك متغربة؟؟؟
و الله اللي حكيتوه عالاجازة تاري كلنا بنحس فيه و خاصة اللي ما عندهم بيت .. و الله ردك يا سما كأنه عم تحكي عليي ... بس أنا عكسك ببقى بعد زوجي و اللي بدهم يحكوه مدام هو رضيان ما حدا دخلو ....
بس انا متلك تمام يامين تراني رايحة بكيس و راجعة بكيس .... و الغرفة نفس الشي ببيت حماي و نفس الوصف ..... حسيت انك عم تحكي عني .....
و عروس الشام كمان .... الحمد لله .. و برجع بقول الحمدلله احسن من غيرنا في ناس مو صاححلن ينزلوا اجازة حتى ... الحمدلله....
انت وين متغربة سما ...؟؟؟ عندك غير يمان الله يسلمو ... سلامة قلبك و إنشاالله يتحسن شعرك انت وساجدة و الله زعلتوني ..... يلا كله بثوابه و متل ما قالت ساجدة بس تخلصوا رضاعة انشاالله يتحسن...
آية سلامة قلبك و ما ع قلبك شر ... و متل ما قالت هنودة اشربي ليمون و عسل .... و متل ما قلتي و الله لو اتسكرت هالجمعة الحلوة بطق...
هنودة انشاالله بالسلامة و الله دمعوا عيوني لما قريت ردك .... و الله يوصلكم بالسلامة و هيلين و بنت الشيشان الله ييسرلكم الطريق و لا تنسونا من الدعاء و إن شاء الله لاحقتكم عن قريب....
عروس الشام لما تنزلي عالشام قولي بركي كنا لسا بالشام....
باقي البنات وين؟؟؟ نور صرلها زمان ما طلت ... و مزون كيفك و كيف الحمل ؟؟؟؟ الله يقومك بالسلامة انت و كل البنات ....
و خليكم دايما هيك .... مجتمعين.....
بحاول طل عليكم قبل السفر أو من الشم بإذن الله .....
سلام لأحلى جمعة بنات ..... و شو بتوصوا؟؟؟؟

كيفكون بنات انا ماشي حالي عم دفش
نيالكون نازلين الا انا والله طقت روحي من هالقعدة بالصين شي بيقرف ومشتهية انزل من ناحية بيت احمايي مافي اطيب منهن كتييير بيحبوني بس مابحسن اعقد عنهون هههههههههههه لانو بيتهون صغير كتير بس والله جمعتهون حلوة وكمان مابخلى الامر من تلطيش الحكي اخ والله مشتهية يرجع الزمن لورا بس سنتين بس
قررت اولد بالصين وما انزل لبعد سنتين شو خايفة من الولادة لاني لحالي هديك المرة كانت ماما عندي بس هلق لحالي ماحدا معي يعني اذا عم يجيني الطلق مابعرف ماما كانت بتعرف كل شي ورحنا على المشفى بالوقت المناسب وكتير كانت سهلة بس بهالحمل التعب هد حيلي وخايفة لاني مابعرف شي عن جد لازم الوحدة تكون جنبها امها وكل يوم عن يوم عم يزيد خوفي ويمكن انا بالشهر السابع لانو بشهر خمسة 23 كنت بنص الخامس و23 -6 بنص السادس معناتو انا تقريبا بالسابع او بعد ايام قليلة بفوت بالسابع
ودايق خلقي ماعم يسليني شي لا ان اطلعت عم اتسلى ولا ان حكيت عم اتسلى عم يضل دايق خلقي وماعم اهدا على تنظيف وطبخ ومسح ومدري شو هدا كلو غير ابني اللي عم حوص فيه طول النهار وهم المستقبل والاشتياق للأهل والكوابيس اللي عم شوفها والرعد والبرق والمطر الي عم يضربو على المبنى هلق يلي بتحسن تفسر حالتي الها مكافأة مجزية (((5 ليرات سورية مشان تشتري بوظة هههههههه))) تعبت حتى الكتابة ماعم تسليني
يلا خلوني روح كبست المطرة والغسيل توسخ سلام

بنات المرة الجاية بدي نزل صور للصين المقرفة مشان اللي كتير حابين يشوفو النعيم اللي انا فيه هههههههههههههه عن جد هالمطرة قوية ان شاء الله بنزلكون الصور شي يومين تانيات

كيفك دانية ... الله يهدي بالك و يفرجها عليكي.... و الله يهون عليكي و يقومك بالسلامة .... يعني هالمرة أمك مو جاية ....
شغلتي بالنا عليكي .... شو صار معك مو ع اساس نازلة نهائي و هلأ صار لبعد سنتين .... الله يهون عليكي ...
بس شو الهيئة اسمعتي نصيحة ساجدة و رح تلزقي بزوجك...:)يلا اضحكي و فرفشي و ما ادايقي حالك ما شي مستاهل .... و قولي الحمدلله على كل حال .....
و احكي اللي بقلبك لترتاحي و نحنا هون كلنا أخوات إن شاء الله ...

عن جد نزلي لنا الصور ومو وعدتينا تنزلي صورة المنظر من عندك عالبرندة؟؟
و طولي بالك و الله يعييناا عالغربة اللي ما بيعرف بفكرنا عايشين بالنعيم......و الله مو قليلة تكوني عايشة و متغربة ببلد اجنبي .... انا بقول انتو المتغربين اكتر مننا ... نحنا على الاقل ببلد عربي و قراب عالشام ..... انا بحب زور الصين لاتعرف على هالبلد الكبير بس .... الله يهون عليكي ... و حاولي تعملي اي شي مفيد تغيري جو و تفرفشي شوي .... و طبعا القرآن بهدي كتير و إن شاء الله تتيسر أمورك كلها ....ع فكرة انا و انت عالخط ...