أهلين أختي آيه تسلمي حبيبتي ،، أنا هلأ بالبحرين من بعد ما تركت الكويت رجعت على بلدي كملت دراستي ورجعت سافرت عالبحرين لأنو أبي شغله هون بالبحرين
حكيي السوري ممتاز لأني بفضل الله على تواصل مع رفقاتي السوريات ودائما بنحكي مع بعض
حتى في كتير بيفكروني سوريه لكن أنا مابحب غش حدا وبقول إني مصرية لكن بحس حالي كمان سورية وكنت بتشرف لوكنت سورية لأن الحمدلله كل اللي عرفتن من سوريا ماشاء الله عليهم وبتمنى يجي اليوم اللي أزور فيه سوريا وأرجع أشوف رفقاتي كمان مره .. الله يحميهم ويبارك فيهم حببوني في سوريا وأهلها ،،الله يذكرهم بكل خير
وهذه قصة حياتي مو بس الc.v وأي شي تاني أنا تحت أمرك
وإذا بدك ياريت انت كمان تعرفيني على حالك.. وبتمنى أتعرف على كل وحده بهالجمعة الطيبة

حابه اسأل الأخت نور وين كنت عايشه بالكويت ؟؟ إذا ما بيضايقك وبأي مدرسة كنت والله حاسه إني بعرفك
لأنو أختي الأكبر مني بسنتين كانت معها وحده بالصف كتير حبابه أسمها نور وأختها كانت معي بنفس الصف وكنا أنا وياها رفقات بس إنشالله يطلع إحساسي مظبوط
والله حاسه إني بعرفك،، سبحان الله أو يمكن لأني عرفت إنك كنت عايشه بالكويت؟؟

اختي حنين انا طبيبة اسنان حاليا ربة بيت متزوجة من 4 سنين وعندي بنتين اية 3سنوات ونور 5شهور وعايشة بالشارقة

أهلا بك أختي آيه .. ما شاء الله الله يبارك ببناتك .. واسمع عن الشارقة إنها بلد خير
إن شاء الله تكوني مبسوطه فيها .. وفرحت كتير بمعرفتك

صباحوووو.. كيفكون يا عسولات؟؟
أنا دايق خلقي و منرفزة اليوم خير الله.. هدا غسون حبيبي حيجيبلي الجلطة من قد ما بيكره الأكل.. لك تعبت و أنا أركض وراه بالأكل و هو يبزقه..
و كل شوي بهدده اني عاقبه لحتى صار يحس الأكل عقاب.. و الله تعبت و قرفت و اليوم حسيت حالي بدي اضرب راسي بأكبر حيط.. شي بيديق الخلق.. و المشكلة أحياناً بتفلت أعصابي مني بس يبزق الأكل على الأرض لأني أنا عندي الأكل شي مقدس و نعمة كبيرة و بحس راسي حينفجر اذا كبيت أكل بالزبالة.. المهم ضربته اليوم و ندمت كتير و الله.. مع ان الضربة مو قوية بس لأني ضربته على تمه :(
حدا يصفقني قتلة كرمال الله لأني بستاهل.. كتير بندم بس ارفع ايدي على غسون.. و من زمان و أنا ماشية معه على Time out... بس اليوم عن جد كانت نفسيتي تعبانة.. بس شو ذنبه المسكين؟
ايه هلكتكون مهيك؟؟ صايرة كل ما حكيت مع حدا من رفقاتي بغم على قلبها.. ما تزعلوا مني.. المفروض نجي هون نفرفش..

يللا تعوا لنشوف شو كاتبين..

أيوش.. لك بتعرفي بنت خالتي اسمها آية و بحبها كتير لأني ربيتها على إيدي (صرنا ختايرة!)
سلامتك يا قلبي من الكريب.. شربي فيتامين سي قبل ما تكربي.. أنا أول ما قوم من النوم و لاقي حالي تعبانة, قبل ما اعطس و قبل ما اسعل و قبل حتى ما حس بأي شي, بيكفي حس حالي تعبانة.. بشرب فيتامين سي ضغري.. و الحمدلله ما بمرض كتير..
أنا ولدانة بالشام.. عمري 26 و صرلي عشرين سنة بقطر.. بس بتذكر كل شي صار معي بالشام قبل ما نجي. أحياناً بفاجئ ماما انو بتذكر رفقاتي تبعون الحضانة و بتذكر شكل الحضانة و وين كنت اقعد و كل شي.. و طلعتي دكتورة سنان لكن :) تعي صلحيلي سناني معناتها :) مشكلة الخليج انو اذا مو عاملة دراسات عليا و عندك خبرة كبيرة ما بيشغلوك العيادات.. جوز رفيقتي دكنور سنان و عم يشتغل باتصالات لأن أحسن شغل عرضته عليه عيادة عطوه 4000 درهم بس!! مسكين حيجن و يشتغل باختصاصه.. هلأ قرر يعمل دراسات عليا بركي بيمشي الحال..

سما... شو شل باطو و طباخ روحو.. ولييييي... حتهربيني من الموضوع هاه.. أكتر أكلتين ما بطيقون.. كنت ابكي كل ما ماما تطبخون.. و المقلوبة معون كمان.. ما صدقت ايمتى اتجوزت و منعت هالأكلات من البيت نهائياً.. يللي بدو ياكلها يطلع ياكلها برات البيت.. ما بطيق حتى ريحتها... بس اليوم ما بعرف ليش خطر على بالي كوسا محشي..ممممممممم.. المشكلة جوزي ما بيحب الكوسا.. بقول لماما تطبخلي ياها الجمعة بس زورها..
و ليش قاعدين ببلجيكا اذا ما في شي متل العالم و الناس؟؟ تعوا على الخليج.. شو بدك بالحكي, هلأ قطر شادة و شركات كتير عم تفتح و في شغل منيح بس المشكلة انو الدنيا غليانة كتيييييييييير.. الإيجارات صارت نار.. فلو بدو يشتغل هون أحسن شي يدور على عقد عمل شامل السكن مشان يرتاح من موضوع الإيجارات.. اذا بدك قوليلي شو اختصاص جوزك و بدلك على الشركات الكبيرة يللي عم تدور على موظفين..

فتاة سورية... الله يعينك.. مرت الدكتور حياتها صعبة.. لأن شغل الدكتور كله مناوبات و بيشوف الممرضات أكتر ما يشوف مرته.. ما بتخيل كنت اتجوز دكتور بنوب.. أنا جوزي عم يتأخر أحياناً بالشغل بيرجع بيلاقيني مادة بوزي شبرين..

لوليا الحمدلله على السلامة.. على فكرة أنا مشبهة عليكي.. نحن حكينا بشي موضوع قبل هالمرة؟؟ ولا هديك غير لوليا؟


نور.. نورتي كندا يا قلبي.. أنا عندي كتير رفقات بكندا.. معظمهم بتورنتو.. و في وحة بلندن.. وحدة بكيوبيك بس هلأ عم تفكر تغير الولاية.. و عنكون الفلسطينين محتلين البلد.. رفيقتي بتقلي انو عاشت أربع سنين بتورنتو لأن كانت عم تدرس بكونكورديا.. المهم طول هالفترة ما رافقت كنديين من كتر ما في عرب حواليها.. لك حتى المطعم يللي جنب بيتها كل يلي بيشتغلوا فيه عرب.. سواق التاكسي معظم الأوقات بيطلع عربي.. قالتلي كنت رح انسى الانجليزي هونيك من قد ما تعرفت على عرب :)

حنين و غربة :blink: صدمتيني.. انتي مصرية؟؟؟؟؟؟؟ أول مرة بشوف مصرية بتحكي سوري هالقد منيح.. بعرف وحدة متجوزة فلسطيني فحكيها نص مصري على فلسطيني.. بس انتي ما شاء الله حكيك مية مية :)

يللا بيكفي لعي يلعو قلبي..ديروا بالكون على حالكون و دائماً طمنونا عنكون يا أمامير..
سلامات