صحي أيوش وين بالشارقة؟؟ أنا كنت عايشة بشارع جمال عبد الناصر..
و على فكرة الشي الوحيد يللي بحبه بالشارقة حديقة الممزر.. إلها ذكريات حلوة و هونيك تعرفت على كم وحدة سورية :)
و شو أخبار الإيجارات عندكون؟؟ أكيد نار.. جوزي أحياناً بيفكر يرجع و بضل قلوا هونيك مو أحسن من هون. الدنيا صايرة نار وين ما كان..
و سؤال أجدب شوي.. هلأ سالك مشوها بس على جسر القرهود و شارع الشيخ زايد و لا حطوها كمان على شارع الوحدة على الجسر يللي بالنهدة؟؟
لأنه مو معقول يللي بدو يروح من بر لديرة أو العكس يدفع و يللي جاية من الشارقة ما يدفع.. ما هيك؟؟ لأنه أساساً أهل الشارقة سببوا أزمة السير بدبي..
يبعتلوا حمة شارع الوحدة, كل ما بتذكروا بيغم على قلبي.. كنا نوقف عليه بالساعات.. تنذكر و ما تنعاد

سلاام لا حلى بنات شكرا اية ونور ونايس وساجدةعالترحيب الحلو والتفاصيل انو نزلت عاسورية 40 يوم وطلعت اجيت السبت المسا عاويندزور والحمد لله كتير انبسطت بالشام ولقيتها متحسنة وحليانة وقت شفت اهلي بالمطار كلن عم يعانقوني ويبوسوني وانا جايتني حالة من الذهول خاصة انو كان عندي شغل كتير قبل النزلة ومانمت كل السفرة وولادي هلكوني فيها الله يحميهن وتمت حالة الذهول شي 3 او 4 ايام وانا مالي مصدقة انو اخيرا شفتهن بعد غياب قريب اال5 سنين
سبحان الله مرقو هال40 يوم متل الحلم هلا بعد ما رجعت بقول لحالي هل عنجد كنت بالشام انا سبحان الله العمر شلون بيمرق بسرعة الله يختملنا بالايمان واهلي دللوني اخر دلال الله يخليلي ياهن الحمد لله كتير انبسطت وبيت حمايي كمان الله يجزيهن الخير ماقصرو سبحان الله مااحلى هالشعور وقت الواحد يشوف المحبة بعيون كل يلي حوالي وهي التفاصيل يللا خبروني انتو شو عملتو بهالفترة

حنين وغربة يا مية اهلا وسهلا فيكي بيناتنا انا مغتربة بكندا صرلي 5 سنين ووهلا نزلت عالشام لاول مرة بعد هالغيبة ورجعت السبت المسا وعندي بنوتين صغار 3 و4

هلين عروس حبيبتي طولي بالك على الاولاد والله امبارح من كتر ما جننتنب ايةضربتها قتلة لو كنت باميركا لحبسوني ههههههههههههه وبعدين طبعا بندم وبشغر اني ام قاسية ............الله يطول بالنا يا رب............يا ستي انا ساكنة عتد دوار الاتحاد هاد يلي جنب السوق المركزي واطلاتي على البحيرة.........الاجارات طبعا ناروكلو نار ............زسالك بس بدبي مافي على شارع الوحدة الحمدلله...........زالحمدلله شو تانية ختى الهوا بدن ياخدو حقو مصاري
..........سؤال عالماشي اخو زوجي جاييه شغل بقطر مدير مالي لشركة مقاولات وسالوه اديش بدو معاش وهو مو عرفان اديش الغلا بقطر هو متجوز وعندو بنتين فاديش وسطيا لازم يكون معاشولحتى بعيش مرتاح ويصمدلو شوي

أهلين عروس الشام .. كيفك حبيبتي لكن أنت بقطر ؟؟
أنا كمان أختي بقطر لأنه جوزها بيشتغل بقناة الجزيرة الرياضية وساكنه بالدوحة بس مو كتير مبسوطة مع أنو صرلها 3 سنين عم تقول إنو الكويت كانت أحسن لأنه رفقاتنا فيها كانوا كتار بس الحمدلله صارت معها شغلة ولا بالأحلام طلعت جارتها بنت عم رفقيه إلي الروح للروح وهلأ هي وياها صحبه وكتير مبسوطين الحمدلله
وبالنسبه لحكيي لا تستغربي حبيبتي أنا طول عمري بغربه وكل رفقاتنا وحبايبنا من الشام وكنا نحس إنو نحنا قراب منن وقت نحكي سوري لهيك أنا متأكده إنك إذا حكيتي معي وماكنت بتعرفي إني مصرية مارح تصدقي إني مصرية
بتعرفي إلي رفيقة غالية كتير على قلبي سورية من حماة وهي عايشة بالكويت نحنا رفقة لأ قولي أخوات لأنو أمي رفيقة لأمها وأبي بيعرف كل عيلتن وهنن ما شاء الله عليهم صرلن زمان بالكويت وأختها الصغيرة إجت لعنا زيارة بيبتنا بمصر وطول قعدتها كانت تقول والله ماني مصدقة إنكن مصريين حتى لو حكيتوا مصري قدامي شفتي سبحان الله لما الواحد بيحب حدا بيتأثر فيه لدرجة كبيرة .. وأنا سبحان الله بحس إنو السوريين أقرب شعب لألنا

لوليا .. أهلين حبيبتي الله يبارك فيك الحمدلله يلي اطمنتي على أهلك بعد هالغيبة الطويله ،، وإن شاء الله دائما بين أهلك وحبايبك .. والله يباركلك في بناتك ويعينكم عالغربه لأنه فعلا الغربه ببلاد الغرب أصعب بكتير من الغربة بالبلاد العربية

حبيبتي آيه كيفك يا حبيبتي اليوم ،، ما بتتصوري قديش أنا سعيده بمعرفتكن والله ذكرتوني برفقاتي الغاليين كتيير عليي

وسامحوني طولت بالحكي

كيفكم بنات هاي ارجعت طل عليكم على السريع ...وراسي عم يوجعني متل العادة من قلة النوم

امممم ماعندي شي احكيه بس حبيت طل ...الله يخفظكم ويعينكم جميعا