سلاماات يا صبايا...كيف الجميع ان شاء الله الكل بخير
هنودة..اشتقنالك كتير..كيف عم تقضي إجازتك ان شاء الله تكوني مبسوطة؟
نور عيني جنان..نور الموضوع..و الله و معك حق يمكن أصعب موقف تتعرضي له في الغربة هو الحمل و الولادة بس شو بدنا نعمل الحمدلله على قيامك بالسلامة و ربي يفرحك بسليمان و تشوفيه عريس

آية..سلامتك و ما على قلبك شر كتري من الليمون و البرتقال ما في أحسن منهم

نور..كيف الحمل معك ان شاء الله ما تكوني تعبانة
على فكرة أسم تيمة كتير حلو و الاسمين نفس المعنى بس أنا بعرف أنو تيم اسم لشاب مو لبنت ...أنا محتارة بين كم اسم كل يوم بقول بدي سمي بس هلأ عاجبني كتير اسم حلا بس مالي عرفاتنة كل ما بسمع اسم جديد بقول بدي أغير عن حلا

بتعرفوا يابنات البارحة صار معي فصل لهل مالي قدرانة أنساه... البارحة و أنا عم بتسلى عالنت طلع معي بالصدفة موضوع حاطة فيه وحدة مقطع فيديو لعملية ولادة قيصرية فأنا لا شعوريا ضغطت عليه و بلشت أتفرج ..مرت دقيقة و دقيقتين و كل شي طبيعي لحد ما بلش الدكتور يشق بطن الحامل ما عاد أعرف شو صارلي خفت كتير لأني بكره كتير منظر الدم و الجراحة منشان هيك رحت طفيتو مباشرة و ما كملت فرجة بس طول الليل ما رح المنظر من بالي لأني بخاف كتير :( و بضل بدعي أنو ربي لا يجربني العملية القيصرية ...

عودة سريعة..معليش تحملوني مالي غيركم
يا ريت يا بنات اللي عندها طريقة مجربة للسمبوسك و فطاير اللحمة تكتبلي ياها ..لأني كتير مشتهيتها و ما عم تزبط معي..لا تخجلوني

مراحب سما حبيبتي يلا طولي بالك بتهون...........هنودة كيفك يا قمر الله يسلمك يا رب .............دندزنة كيفك والله شو هالكسل انا هلكتو لجوزي بحملي كل شهر نطلي مرتين عالدكتورة ............نور حبيبتي كيف الحمل .............مزون حلو اسم تيمة بس اسالي حدا عن معناه تماما .....نايس حبيبتي الله يصلحك ليش شفتيهانا عملت عملتك بس بعد ما ولدت اية قيصرية وعرفت شو صار فيني وبالولادة التانية متت من رعبتي وهلكتن بغرفة العمليات ضليت نص ساعة عم ابكي واستفرغ من الرعبة لحتى بالاخير قدرو يخدروني يا ستي المهم تقومي بالسلامة لا تاكلي هم..........لوليل كيفك انت والبنوتات...........صحي يا بنات ما باركتولي نظفت اية واخييييييييييييييييييييييييييييييييييييييييييييرا يلا سلام

مسا الخيرصبايا كيفكم حبيت دردش معكم لانو جوزي سهر مع رفقاتو وهلا عم يتفرج على الجزيرة على برنامج عن دارفور:09: بحكي الكلمة 10 مرات لحتى اخر مرة يسمعني لذلك حردت واجيت فتحت النت ..............شو اخباركم سما خنم يلا طولي بالك ............شكلو ابنك مالو جواز سوري ؟طيب اسالو السفارة بركي الها حلة................هنودة ايمتا رايحة عالعمرة امانة لا تنسيني من دعواتك انت والماما ................نور يلا بدنا نعرف شو حتجيبي صبي ولا بنت .............ودانية كمان .................يلا حاجتي غر يالله شو دايق خلقي صرلي يومين بالفرشة ورح طق اليوم ما طلعت من البيت خفت انتكس .............زبكرة انشالله طالعة...............
بنات يلي عندها خبرة تفيدني نحنا هون بدنا نشتري سجادة حاكم نور خانم بلشت تزحف ورحنا عالمحل شفنا سجادة كتير عجبتنا حرير ووحدة تانية حرير مع صوف ..........المفاجاة نو الحرير ارخص بكتير من التانية ليش قال لانو الحرير ما بيتنظف بالمي بس بالبخار بس ياترى اذا صوف وحرير بتتنظف وا لا ؟انا طبعا بدي سجادة بتتليف لانو معلومكن استفراغ وشغلات تانية............:09: شو قصتي لعيتلك نفسكم يلا سلام

كيفكن بنات ان شاء الله بخير يا الله انا هلق فقت من النوم وشايفة منام بشع ومتضايقة كتير كتير عن جد وايدي مدري شبها ما عم احسن حركها حاسستها مخدرة او مو من جسمي وراسي لح ينفجر
المهم كيفكون انتو ؟
سما حبيبتي الله يعينك اذا هيك انا مجربة جوزي تركني 10 وراح على دبي وبعدين راح شي 5 ايام على مدن مصانع والله حموت لانو اول مرة كنت لحالي وتاني مرة كنت ولادة من شي اسبوع واضطر يسافر
وكمان اول ما اتجوزنا تركني هون شي 10 ايام وراح على السعودية والله مانام من الخوف والقلق وديقان الخلق الله يعينك ويقويكي يا رب
نايس سمايل والله ما بعرف كيف السمبوسك بس ان شاء الله بيساعدوكي ذوات الخبرة هههههههه وبيعطوكي الوصفة والله وانا جاية على بالي بس بقول بدي طوف المطبخ ويا تزبط يا لاء وما في عجين فبطل ولما تروحي على المطعم شي روحة اطلبي سمبوسك حل حلو ما هيك ؟؟
اية حبيبتي كيفك ؟ والله انا بحس الفحص الضروي واللي انا بركض عليه 2 اول الحمل بشوف كم شهر حامل وبسمع دقات قلب الجنين واذا كل شي تمام وما بروح لصير بالتامن او اول التاسع احسن بحسها الروحة بلا طعمة وتكلفة وخصوصي هون حاكم بتبلش الدكتورة لازمك ابرة تثبيت وبكون بالشهر الخامس قال لازم مشان ما يسقط ههههههههههههه ولازمك دم معك نقص بالكريات الحمراء وتعي لمدة 3 ايام خدي سيروم مقوي اي يحلو عني بجيب فيتامين تبع الحوامل وبداوم عليه وصلى الله على سيدنا محمد والله بهكل هم روحة المشفة لانو مو دايما الاحوال ميسرة بس ان شاء الله بعد يومين رايحة لانو ضرلي زمان ما رحت من وقت كنت باخر الرابع وكمان بدي روح لانو كتير عم يدفش الولد لتحت حموت لما بيعمل هيك بحس روحي حتطلع ايه المهم صحي مبروك مشان ايه والله يفرحك فيها ويقر عينك فيها يا رب وبدي قلك انو مو بس جوزك اللي بتعيدي الكلمة 10 مرات قدامو هي الشغلة بالوراثة عند الرجال هههههههههههههههه انا مو بعيد الكلمة بعيد السيرة اللي كنت عم احكيها كلها ولما هو يحكي بانصت وبسمع بكل ادب واحترام لانو بيتضايق اذا قاطعتو او ما اسمعتو ههههههههههههه يا ريتني رجال \
بدي قوم لانو عندي مية شغلة ومالي حسنانة ساويهون بدي انشر الغسيل واطوي اللي قمتو وضبضب البيت واجلي الجليات وكنس الارض واكوي تخيلو من 6 ايام كويت هلق رجع كل الكوي لح موت
واطبخ بدي ساوي شوربةعدس وقدامها بطاطا مقليه وحابة ساوي شغلة تانية بس مو خاطر ببالي شي ياريت اللي عندها شي وصفة لشي اكلة وتكون اهم شي سهلة تقلي ياها طبعا بين كل هالشغلات لازم طعمي ابني وساويلي حليب وكل ما بكي شوفو شبو والعب معو مشان ما يديق خلقو وطبعا كل شوي لما حس حالي تعبانة بتمدد لانو الولد مدري شلون نايم ببطني اوتيل 5 نجوم يا بعدي ههههههههههههه
يلا لعيت كتير سلام بنات