شو هاد يا هنودة, ما شاء الله ملحقة على الكل.. على فكرة أنا بحس انه قلبك أطيب قلب بالدنيا :) عن جد و الله.. و بتفوتي على القلب من أوسع أبوابه.. الله يديم عليك الروح الطيبة و ينولك يللي ببالك..
لوليا.. موفقة ان شاء الله بالدورة.. برافو عليك.. عقبال ما هز طولي و أعملي شي شغلة تفيد الأمة العربية..
ايه يا بنات.. لقيت هالمقال الحلو كتير عن رمضان..


فرص ذهبية.. كنوز منسية


ما أحوجنا في رمضان إلى خطوات عملية، وفرص ذهبية، وكنوز منسية، تقربنا إلى الله تعالى، يشعر الإنسان منا بعدها أنه فعل شيئًا واستفاد أشياء، وتحصل على حسنات كالجبال، من أعمال بسيطة لا تكلف الإنسان سوى جهد محدود طمعًا في طاعة الله ورحمته وجنته.


من صام يومًا في سبيل الله
باعد الله عنه جهنم 70 عامًا

من استغفر للمؤمنين والمؤمنات
كتب الله له بكل مؤمن ومؤمنة حسنة

من قال سبحان الله العظيم وبحمده
غرست له نخلة في الجنة

من توضأ فقال: أشهد أن لا إله إلا الله وحده لا شريك له وأشهد أن محمد عبده ورسوله
فتحت له أبواب الجنة الثمانية يدخل من أيها شاء

من قال: لا إله إلا الله وحده لا شريك له الملك وله الحمد وهو على كل شيء قدير في يوم 100 مرة
كانت له عدل 10 رقاب وكتبت له 100 حسنة ومحيت عنه 100 سيئة وكانت له حرزا من الشيطان ولم يأت أحد بأفضل مما جاء به إلا رجل عمل أكثر منه

من قرأ قل هو الله أحد 10 مرات
بني له بيت في الجنة

من صلى الفجر في جماعة ثم قعد يذكر الله حتى تطلع الشمس ثم صلى ركعتين
كانت له كأجر حجة وعمرة تامة تامة تامة

من قرأ قل هو الله أحد
فكأنما قرأ ثلث القرآن

من قال سبحان الله وبحمده في يوم 100 مرة
حطت عنه خطاياه وإن كانت مثل زبد البحر

من صلّى على محمد (صلى الله عليه وسلم) مرة واحدة
صلى الله عليه بها عشرًا

من توضأ فأحسن الوضوء ثم ركع ركعتين لا يحدث فيهما نفسه
غفر له ما تقدم من ذنبه

من صلى البردين (الفجر والعصر)
دخل الجنة

ما من عبد مسلم يصلي لله تعالى كل يوم اثنتي عشرة ركعة تطوعًا غير الفريضة
إلا بنى الله له بيتًا في الجنة

عمرة في رمضان
تعدل حجة أو حجة مع الرسول (صلى الله عليه وسلم)

من فطر صائمًا
كان له مثل أجره غير أنه لا ينقص من أجر الصائم شيئًا

من صام رمضان ثم أتبعه ستًّا من شوال
كان كصيام الدهر

من قال لا حول ولا قوة إلا بالله
حصل على كنز من كنوز الجنة

من قال رضيت بالله ربًا وبالإسلام دينًا وبمحمد (صلى الله عليه وسلم) نبيًا ورسولاً
وجبت له الجنة وحق على اللهِ أَنْ يُرْضِيَهُ

من شهد جنازة حتى دفن الميت
فله جبلان عظيمان من الثواب

من قرأ حرفًا واحدًا من كتاب الله
فله به حسنة والحسنة بعشر أمثالها

من مسح على شعر يتيم
نزلت الذنوب من بين أصابعه

من ستر مسلمًا أو مسلمة
ستره الله في الدنيا والآخرة

من نفس كربة عن أخيه
نفّس الله عنه كربة من كرب يوم القيامة

من قال سُبْحَانَ اللهِ وَبِحَمْدِهِ لا قُوَّةَ إِلا بِاللهِ مَا شَاءَ اللهُ كَانَ وَمَا لَمْ يَشَأْ لَمْ يَكُنْ حِينَ يُصْبِحُ وحين يُمْسِيَ
حُفِظَ حَتَّى يُمْسِيَ وحَتَّى يُصْبِحَ

من قرأ آيَةَ الْكُرْسِيِّ قبل نومه
لا يزال عَلَيْه مِنَ اللهِ حَافِظٌ حَتَّى يصْبِح.

صباحكم ورد كيفكون يابنات أي هيك هه رجع النشاط شوي للملف ورجع فيو ردود , لاتواخذوني عم غط بس حاسة حالي مو ملحقة وبدي خلص شغلي قبل رمضان مشان يكون البيت مركن قبل سفري وبتعرفو رمضان طوشة ودوبي ضبضب شناتيي وغراضي فيه

هنودة الحبوبة
كيفك ياقمر وكيف الجو عندكون أنا بالسعودية وبمصيف فيها وحاسة حالي حانسلق مع أنو درجة الحرارة مو أكتر من 35 بس يمكن مع الحمل بيزيد الشوب شو أخبار عمرتك إن شاء الله تكوني عم تتذكرينا وتدعيلنا
ياستي أنا نازلة بعد 25 يوم يعني بـ 26 أيلول وبيكون 13 رمضان أنتي لإمتى إجازتك؟؟

الساجدة لله
الحمد لله على سلامتك و انشغل بالي عليكي شو صاير معك وليش كل هالقد آخدة موقف طمنيني

نايس سميل
الله يسلم إيديكي على هالقاموس شي بيفرط من الضحك وفعلا مصطلحات الشوام غير شكل

آية 2006
كيفك وشو أخبار البنوتات الله يسلمون طمنينا عنك

شام
والله الحكي يلي كتبتيه مظبوط 100% والله يرجعنا لبلدنا وأهلنا سالمين غانمين

نور الدرب
كيف الحمل معك إن شاء الله مو تعبانة الله ييسرلك ويقومك بالسلامة

سما إيجبت
الحمد الله على سلامة زوجك وشو قصتكون مع نزلة الشام والله الواحد بيصير معو شغلات بتزعجو هنيك بس ما بيستغني عن النزلة بالنهاية

دانية
كيفك وكيف حملك طمنينا عن ابنك إن شاء الله أمورو تمام وكيف طهورو إن شاء الله يكون تحسن ومو متدايق وديري بالك من الانتفاخ بيجوز يكون معو فتق لاسمح الله ووقت بيبكي بيطلع وبيوجعو الله يطمنك عليه ويخليلك ياه

فتاة سورية
كيف كان مشوارك إن شاء الله تكوني انبسطتي

لوليا
الله ييسرلك وظريف الدورات بيتعبى الوقت بشي مفيد أحسن من القعدة بالبيت والملل

عروس الشام
تسلم إيديكي على يلي كتبتيه والله يجزيكي كل خير

شام ياذا السيف
شو أخبارك ماتركتني لسا من بعد السفر وكيفون أولادك الله يسلمون

وباقي البنات لاتواخذوني إذا نسيت حدا بس متل ماقلتلكون بالبداية حاسة حالي طايشة وماعم جمع كتير

سلامي للجميع كيفكن .............بدون اسامي انا بخير الحمدلله..............اما رد عاجل لعروس حبيبتي لا تتكسلني لانو كل ما اتاخرت بتصعب الشغلة وبكرة بتحبلي وبتتاجل لبعد الولادة وشوفي الفلم ولد عامل تحتو عالارض وماعط الدنيا وقاعد بالحمام عم يستناك تغسليلو والتاني مستفرغ وعم يولول بدو ياكي تحمليه ولحقي اذا بتلحقي والله لنظفت جنيت وكل البناية سمعت صوتي وصوت بنتي على كل لقيتلك انو زبدة الموضوع انك تبردي اعصابك وتستعدي للشطف والمسح والحمام وتقيميلو البامبرز نهائي نهائي لا بالليل ولا بالنهار ولا برات البيت اذا طالعة خديلو غيار معك .........احتياط المهم يفهم انو عصر البامبرز ولا حتى لو عملها مارح ترجعيلو ياه ساعتها بيفقد الامل ............واعرضي عليه كل شوي انت من اول يوم بتعرفي كل اديش ابنك بيعملها واذا شرب اعرضي عليه بعد شي نص ساعة ..............وطبعا الصور والستيكرز والمفاجات ..........والله يعينك شي بيجلط هههههههههههههههههه

مرحبا صبايا كيفكن إنشالله كلكن بخير
عروس الشام والله كلك ذوق و عم تخجليني بهالحكي يسلم هالتم إنشالله :26:

مزون أهلين ياحلوة والله فكرتك بالشام يلا مهونه مو بقيان غير القليل
نحنا إنشالله طالعين بعد بكرة عالشام ويمكن ضل للعيد حسب الظروف بقى ادعيلي الله يخترلي الخير

لوليا الحبابه أي يامية أهلين وسهلين صايرة متل القمر بتطلي يوم وبتغيبي شهر :)
الله لايحرمنا هالطله إلاهي ووالله برافو عليك حلو تعبي وقتك بش مفيد الله ييسرلك كل الخير

سما حبيبتي نسيت باركلك برجعة زوجك بالسلامة إنشالله ما بتحترميه ياحق والحمدلله يللي اطمنتي على أهلك ،، وليش كل هالقد مزعوجة من الشام لك والله الشام مافي أحلى منها

بنات صحي بيجوز اليوم حطلكن كم صورة لتركيا والشام بركي بتروقوا بس تشوفوا هالطبيعة يلي بتاخد العقل:42:

سلام خواتي الحبيبات

شكرا كتير على ردودكم الحلوة .. والحمد لله طلعت وانبسطت بس ركضت ركض ما ركضته يحياتي ههههه

عروس انا وانت بالهوى سوى بس الفرق ان ابني صار كبير ولسا بحط البامبرز والله بستحي اقول لكم كم عمره ...بس الله وكيلكم كل ما شلتها بصير شي فبضطر ارجعها ...بس بعد ما قرات رد ايه ...خلاص اتشجعت ..ان شاء الله من يوم الاثنين ليروحوا اخواته على المدرسة بدي شيلها له نهائي والله يعني على المسح والتنظيف


بس سؤال اذا صار وعمل على الكنبة ..كيف بدي طهرها؟؟