مرحبا بنات كيفكم.. شو أخباركم ...
اشتقتلكم كتير بس صرلي كم يوم عم حاول ادخل عالموقع ماعم يفتح من الشام ... ما بعرف شو قصته و اليوم لفتح بس الله لا يورجيكم شو بطيء.... يعني بألف زور لهلأ قدرت شوف الصور تبع هنودة ... كتير حلوين يسلمو ايديكي .... اما صور عروس الشام ما طلعوا و لا بطريقة .... اشتهيت شوفهم و شوف هالمغارة اللي حكيتي لنا عنها ...
شو أخباركم ... شايفة البنات رجعوا من الاجازات ... الحمدلله عالسلامة عروس ... و ساجدة اتفاجأت ما اتخيلتك ترجعي هلأ بس شكلك مالك مصدقة ايمتى ترجعي و تخلص الاجازة ....
الاسبوع الماضي كتبتلكم رد بس طبعا بسبب الانترنيت من هون ما قدرت ابعته... و هو انه كتير كنت متجاكرة .. كان موبايلي بعيد جوا بغرفتي و ما سمعته و لقيت رقم غريب متصل مرتين و حسني قلبي انه ساجدة ... مابعرف ليه ... يمكن لاني عم استنى اتصالها بس شو اتجاكرت و قلت دايما بايدي الموبايل ووقت تركته اتصلت ... مشان هيك اتفاجأت انها رجعت من الاجازة و ما بعرف اذا احساسي صح و لا لأ.....
الحمدلله عالسلامة سوسو ... و عم نستنى ردك مشان تحكي لنا شو اللي عامل فيك هيك.... الله يفرج عالكل...
هنودة كيف العمرة ؟؟؟ الله يطعمنا ... و انشالله تبقي للعيد و تمضي رمضان بالشام ... و عنجد انت مافي منك انت و بكل سفراتك ما نسيتينا و دايما بتدخلي و بتسلمي عالكل .... الله يسعدك و يهنيكي و برافو عليكي انك دايما باسطة حالك..... و ياريت نتعلم منك... حاكم انا زوجي بقلي انت بتدوري على اللي بدايقك و بتفكري فيه و بتبكي...
لوليا كيفك و كيف البنوتات.... و سما الحمدلله ع سلامة زوجك و الله حكيك صحيح بس احيانا بنعرف كل هاتلمشاكل و القصص اللي حتصير بس ما بنقدر ما ننزل عالشام مو هيك؟؟؟
نور الدرب كيفك و كيف بنوتاتك الحلوين و ماشاء الله صرتي بالسادس .... الله يتمملك على خير ...و مزون كيفك يلا قربت الاجازة .... و الله يعينك على ترتيب قبل السفر و انت حامل ... إن شاء الله مو تعبانة و معك حق هالشوب كتير ظريف عندكم مو ؟؟؟ ليه انت بأي مدينة ؟؟؟
شام ياذا السيف كيفك و كيف شوبات ابو ظبي؟؟؟ و الولاد كيفهم بلشت مدارسهم؟؟
آية كيفك و كيف الحلوين عم يعذبوكي؟؟ بلشت مدرسة آية؟؟؟
مين نسيت من البنات؟؟؟
دانية كيفك؟؟ طمنينا عن ابنك ... و الله يكون معك انت هلأ بالشهر التاسع يعني
؟؟؟
الله يهون عليكي و يبعتلك مين يعينك.... شو بدنا نعمل عن جد متل ما قالوا البنات الغربة احيانا بتكون ابتلاء و لازم نصبر... الله يفرج عليكي...
شام كيفك شو قال نزلتي ترانزيت عنا بدبي؟؟؟ ياريت كنت هنيك..... بس فعلا متل ما قلتي هاد كان احساسي اول ما عشت فيها انه بيتهيأ لك انه اي بلد الا عربي بس بعدين بتبدي بتشوفي فيها الاشياء اللي بتحسسك انك ببلد عربي بكفي الجوامع و الدروس و العرب الموجودين....
شكرا مرة تانية عالصور و انشاالله اقدر شوف صور عروس الشام ... و الله حكياتك كتير حلوين و مافي منك و ما بعرف ليه بحسك بتشبهيني كتير ... بس انت ماشاء الله عليكي اروق مو متلي مكتئبة ....ههههه
كملي لنا عن اجازتك بالشام... عم نستناكي....
و شكرا كمان لنايس سميل على المعاني الحلوة و فعلا متل ما قالت نور الدرب كتير منهم ما بعرفهم...
يلا حاجتي لعي ...داق خلقكم مني اكيد....
بس عم نسنتاكي سوسو لاتطولي علينا...
يلا سلام

كيفك هنودة عم نستنى صور انتاليا انا كتير حبيتها بتاخد العقل طبيعتها سبحان الله ...
و طبعا عم نستنى نشوف صور مكة و المدينة .... و الله يرجعكم بالسلامة .. ادعيلنا

أهلين والله بأحلى زنزون ما بتتصوري قديش بيتفرفح قلبي بطلاتك إنشالله دوم عمتطلي علينا
اشتقنالك والله ،، كيف الشام إنشالله راق الجو؟؟
لأمتى بدك تضلي بالشام بركدن منلتقى ؟؟

وتكرم عينك حبابه هي بعض الصور لأنتاليا وفي كمان بس المنتدى ماعم يقبل يرفع بعضن لأنو حجمن أكبر من المسموح بقى قلت برفعن بغير محل وبعدين بحاول حطن لأنو عن جد بياخدوا ضبنات العقل

أنتـــــاليــــا

وهي صور لكونيا بتركيا البلد يلي ولدانه فيها ستي الله يديمها فوق راسنا ( شايفين ما أحلاها)

أحلى الصور لأسطنبول
جامع السلطان أحمد ’’





الأياصوفيا





صورة بتجنن لأسطنبول