حاجتي مو؟؟ يلا إنشالله بس يكونوا عجبوكن الصور
وأيا شي أنا حاضرة تكرم عيونكن والله

وحبيت أجعل ختام الصور مسك ،، صور للحرم بمكه و لمسجد حبيبي وسيدي رسول الله بالمدينة

زنزووووووووووون لك مية أهلين فيكي والله فرحت بطلتك إن شاء الله مبسوطة يا رب ولا تضايقي حالك بالعكس دوري على الشي الحلو والإيجابي والله يوفقك ، البنات بخير وكل شي تمام
هنودة يسلمو إيديكي الصور بتعقد كتييييييييييييييييير حلوييين,,,

مساء الخير صبايا ,,,,,
شو اخباركن كلكم ان شاء الله بخير ,,,,
انا الحمد لله بخير ومو ناقصني الا شوفتكم ,,,,,,,,
وبشكر كل واحدة سئلت عني او حتى بعتت لي رسالة تطمن فيها علي وان شاء الله ما بتطمن عليكن الا بكل خير .............
القصة وما فيها انو قلبي قبل ما شافر مو مشروح لكل هالسفرة مدري ليش سبحان الله وكنت قول لحالي هي من الحالة يلي بتكون فيها الواحدة فينا بعد الولادة ولخبطة الهرمونات :angry:تفائلي يا بنت وخليها على الله بس يلي خايفة منو للاسف صار؟؟؟؟؟؟؟
نزلنا لهنيك ونحنا بالطيارة مرقنا بكم مطب هوائي ما قلنا الا الطيارة حتوقع فينا انا تشاهدت ومسكت ولادي وزوجي نفس الشي وقعدت سبح واستغفر والله يا بنات ما قلنا الا انو الطيارة رح توقع فينا :09:كانت الطيارة بالجو لا مرجوحة ولا طلت طلايلها وتمينا على هالحالة فترة منيحة حتى مشي الحال وما بتصدقوا كيف الناس منهم صاروا يزلغطو ومنهم صاروا يصفقوا كانت حالتنا حالة .........
ووصلنا على دمشق بخير وسلام المسا واكره شئ على قلبي انو نوصل المساء بس لانو البخلاء الرحلة يلي بتروح من دمشق لباريس نفسها بيجيبوا فيها مسافرين منشان ما يبيتوها بمطار باريس لتاني يوم بس ويدفعوا عليها هديك الحسبة يعني الطيارة ما بترتاح ومن كتر مو طيارة محرزة مهرهرة هرهرة وحالتها يرثى لها يعني كتر خير الله يلي عم تقدر تطير ......
وبتعرفوا المطار المعفن تبعنا والتقنيات يلي فيه بتطير العقل بتوقفي لتاخدي شناتيك وطبعا بتكوني قارية على اللوحة رقم رحلتك بتكتشفي بعد ساعة انو في غلط بتروحي بتاخدي شناتيك من ارنة تانية ولوحة مكتوب عليها رحلة موسكو :icon33: بدكن احلى من هيك تطور ؟؟؟؟؟؟
المهم شفت اهلي ورحت على البيت ونمنا عندن لانو بيتي حالتو حالة بدو تعزيل وكانت ليلة بتجنن ما نمنا فيها للصبح انا واخواتي زوجي شخيرو واصل للسما وانا قاعدة عم العي انا واهلي :)
وتاني يوم بدا العذاب ....... سامحوني بكمل بعدين بنتي عم تبكي بدها ترضع برضعها وبرجع لكم ....
ملاحظة::::: زنزون انا يلي اتصلت فيكي وقلت وينها بنت هالحلال :icon33:

مرحبا يا بنات
آسفة ما حاكتب كتير لأني هلكانة.. مبارح عملت عملية بأنفي.. عندي انحراف وتيرة و زوائد لحمية.. و عينكم ما تشوف, مو قدرانة لا اتنفس و لا احكي و لا آكل.. يللا ان شاء الله على قولة الدكتور كلها يومين عذاب و بعدين برتاح..
هنودة يسلموا على الصور.. و بس صح برجع بعلق على كل شي ان شاء الله..

مرحبا يا صبايا والله ما عم طل عليكن لانو بلشت مدرسة بنتي وكل يوم فيقة الساعة 6 وخدي وجيبي بطقى الحمى والزحمة المشوار عم ياخد ساعتين مع صريخ نور وتوتر الاعصاب عم ارجع فارطة وركض من البيت للطبخ لاغراض المدرسة ..............بس يلا احسن من الفراغ عروس الله يقومك بالسلامة والله كتير صعبة وانا مجربتها وبتذكر اول يوم بالمستشفى حسيت حالي رح اختنق وما كنت اعرف نام ...................يلا كم يوم وبتتحسني ............سوسو وينك يا قلبي والله بالي عندك يلا كمليلنا شو القصة