كيفكون يابنات إن شاء لله تكونو بألف خير

هنودة
الله يسلم إيديكي على هالصور الحلوة ما قلتيلي إمتى نازلة عالشام الله ييسرلك

الساجدة لله
الحمد لله على سلامتك أنتي وزوجك وولادك ويلا بانتظارك لنعرف باقي الأخبار

زنزون
كيف الجو بالشام أنتي إمتى راجعة الله ييسرلك وطلاتك كتير حلوة بتونسنا ومنحس حالنا عم نحكي مع حدا من الشام

عروس الشام
سلامتك إن شاء الله وماعلى قلبك شر وارتاحي هالفترة مشان تتحسني تمام

كيفكون يا بنات ان شاء الله بخير انا ما حدا يسالني كيفك لانو على وشك الموت بس اقرؤا على روحيالفاتحة وكم ختمة
هاد يا حبيبات قلبي (((بلشنا لعي )))
اول شي سامحوني مالح اقدر رد عليكون بالتفصيل بس بقول الحمد لله على السلامة لساجدة خير شو صاير معك ؟والله خوفتيني
وزنزون كيفك ان شاء الله مبسوطة بالشام؟؟؟
عروس الله يعينك يا رب ريحي حالك ولا تعصبي لانو ابن عمتي يا حرام عمل العملية ومن كتر مو عصبي بدو يبنفس وما يقدر الا من تمو لح يموت ما في الا يقتل بحالو الله يعينك امانة طولي بالك ولا تعصبي اهم شي واذكري الله بتهدي باذن الله
هنودة صور حلوة الله يسلم هالديات
بس بتعرفو بدي قلكون شغلة ولاا تضحكو عليي
اول مرة بسمع انو بالشام في مغارة اسمها مغارة موسى هههههههههههههههههههه نكتة حلوة ما .؟هههههههههههههههه
اية الله يعينك والله صعبة روحة المدرسة وخصوصي اذا الولد مو متشجع وحاببها الله يعينك وطولي بالك عليها
نور الدرب كيفك ان شاء الله بخير عودي سمعينا خبارك ماشي ((فضولية الاخت ))
وبقايا البنات كيفكون والله مو متذكرة الاسماء منيح سما وشام ونايس والبقية يلا وينكون شو اخباركون؟
هلق بقا حاجة فرح بدي نكد عليكون شوي وقلكون اخباري الله وكيلكون يا بنات الحلال اجتو ابني حالة متل ما قلتلكون انتفخ اليوم رحنا على المشفى قعد الدكتور يتحزر اخر شي قلو زوجي ممكن يكون فتاق قام قلو ما بعرف يمكن على كل اذا فتاق بدو عملية طبعا ما في غير الفتاق
عم دور على شي دكتور عربي مشان افهم عليه احسن من هالحمير اللي هون الله ياخدون المهم 4 تيام وابني عم ينتفخ المكان ويروح طبعا مع وجع يبعتلي حمى واستفراغ ووهن والله تمنينت تكون الي ولا لابني اعد ابكي بدموع العين من حرقة قلبي وانا ما بعرف شي وامي بعيدة عني واول ولد كيف بس يجي الولد التاني والله بموت المهم طبعا نوم بالليل مافي لانو الانتفاخ يجي بالليل ويضل للصبح والصبح بتجيني المترجمة وشغل وبيت طبعا طبخ نسيتو هالالسبوع وتحت عيوني والله جوزي قلي ليش هيك تحت عيونك اسود والله بدي حط شي يخفي السواد بس ما بحط شي ع وشي لما اطلع لاني بالحجاب يعني مو لابسة خمار او شي يستر
وحالتي حالة لا نوم ولا اكل ولا راحة بس بدي ارتااااااااااااااااااااااااح وخلص من هم الولادة وهالصبي الموجوع الله يعافيه يا رب
مشان الله ادعولي والله خجلانة من رب العالمين بركي بيستجاب دعاكن
لا تنسوني امانة
يلا بدي روح نيم ابني اسمو كن عليه الوجع سلام

ساجدة
اهلين عزيزتي الله ييسرلك معلش كلو بيهون ولا تحطي ببالك وبالانتظار ,,,,
عروس
الحمد لله ع سلامتك وديري بالك على حالك كلها يومين وبعدين ما أحلاكي بتصيري
آية
الله يعينك والله الزحمة كتير غليظة بس متل ما قلتي أحسن من القعدة بالبيت ,,,
مزون
كيف البيبي؟ طمنينا عنه ,, الله يقومك بالسلامة
دانية
سلامته ابنك إن شاء الله ما على قلبه شر ,, وطمنينا عنه وديري بالك على حالك والله يعينك ,,,

مرحبا صبايا كيفكن أنا اليوم حاسه حالي كتير تعبانه وبالزور لقدرت افتح المنتدى لك يضرب النت شو بطيء هون امبارح كتير تعبنا بالسفر بس الحمدلله شوفة الشام روَّحت كل هالتعب
الله يديم الشام ويحميها هي وأهلها إلاهي
حاسه كل جسمي موجوع يلا بدي روح نام بس حبيت طل وسلم عليكن وقلكن لاتنسونا بالدعاء
يلا سلاااااااااااام

مرحبا يا حلوات... شكراً لكل وحدة سألت عني و قالتلي الحمد الله على السلامة.. و الله انتو ما في منكم.. أحسن رفقات :)
الحمدلله أنا اليوم أحسن.. رحت الصبح قمت القطن يللي كان سادد أنفي و هلأ عم اتنفس بس لسى في شوية وجع و شوية دم كل شوي.. ماشي الحال.. بس ان شاء الله تكون العملية لخير.. انا كنت مترددة ساويها بس الصراحة أنفي كان يضايقني كتير و ماما ساوتها فتشجعت.. بس الدكتور ضحك على عقلي.. رحت بس ليكشف علي قام قالي شو عندك بعد ساعة؟؟ و ضغري حدد موعد للعملية و ما خلالي مجال احكي..ما لقيت حالي إلا لبست لبس العمليات و صرت جوا..
بس بدي قول شغلة لدانية.. لك مو لقيتي مستشفى فيها دكاترة عرب؟؟ شو ناطرة؟ روحي خدي ابنك لعندهم .. و الله قلبي عندك.. الله يعينك و يشفيلك ابنك يا حق..
هنودة, ما تشوفي شر يا قلبي.. ان شاء الله بسيطة.. هي تغييرات الجو..
أيوش تسلمي يا قلبي.. و الله معك حق لازم نظف غسان بقى.. و الله شي بيطقق..
مزون و نور , الله يخليكم.. شكراً على سؤالكم..
سوسو.. لك هدا في منه كتير.. انا كمان صارت معي مطبات هوائية فوق الشام و قلبي صار بين رجلي.. ما قعدت ادعي الا لابني.. و الله خفت عليه و لسه ما شاف شي من الدنيا يقبر قلبي.. بس عن جد كل مرة هيك عم يصير معي.. الجو صاير خبيصة بكل العالم و المطبات صايرة ما في مفر منها..
يللا منشوفكم يا حلوين..