هلا ساجدة

له له له

خير ان شاءا لله

من ناحية الشوب فعلا كان مو طبيعي

أول مرة بحياة سوري ةبتصير هيك درجات الحرارة وصار معها مشكلة بالكهربا يعني صار الكهرباء مقطوعة والدنيا حمى لا مروحة ولا مكيف ولا نسمة هوا إلا شوفاج سخن ....والعياذ بالله


والله طقينا من الشوب والدبق والعبوء


كملي الله يرضى عليك

مساء الخير صبايا :::
الظاهر بس شام متابعتني :angry2: مو مشكلة رح كمل وامري لله <<<<< شحادة ومشارطة هههههههههههههههه
المهم لسا ما خلصت انا الا بنتي الكبيرة مرضت مرضة مرتبة صار معها التهاب لوزات وبلعوم ودغري على الدكتور هاني مرتضى وبقيت يعلا قلبي شي اسبوعين وحرارتها تطلع للاربعين وتنزل خلصت هي انعديت اختها بس هديك كريب :icon33:وردي روحة لعند الدكتور وعطي الدواء وروحي مدري لانو صيدلية لتلاقيه وحالة ما بيعلم فيها الا رب العالمين ..........
وكنت بهالفترة روح لعند اهلي البسط يلي يبسطوني ياه والدلال ياي اتدللوا بتمنى لو انكم معي بس لما ارجع لبيتي كل ضحكة ضحكتها تنزل بدالها عشر دموع فوق القهر والغيظ ..........
انا مشكلتي يا بنات الابدية والازلية اني ساكنة فوق بيت حماي وطبعا لاني ما بقدر احكي كل شي فما في اشرح لكم بالتفصيل الممل ......
مع العلم اني ببيت لوحدي مستقل ورغم هيك مالي مبسوطة بالمرة ليش كنت عم قول لكم انو ادعو لي بيع بيتي وزوجي يوافق :icon33: ويلي زادها وكملها اني قعدت قريب الشهرين وكل ما المدة بتطول المشاكل بتكتر اكتر .........
والله وحده بيعلم شو انا وكيف معاملتي مع اي واحدة بتعرفني وهو كمان اعلم بيلي كان يصير معي هنيك :( والله يا بنات تمنيت رغم اني ما كان صار لي زمان بالشام تمنيت ارجع لباريس بسرعة من القرف يلي شفتو هنيك )
لهيك نصيحتي لكل واحدة على وش زواج او بدها تشتري بيت انو تشتريه بالمريخ :22:
لا تفكروا اني اعوذ بالله انو كلامي اني معترضة على قضاء رب العالمين لاء بس يلي بيقهر مرض والواحدة ما لها حسنانة وفوقها لافي راحة بال ولا ركونة ........
الله وكيكلن لا وعيت لا على اهل امي ولا على اهل ابي لك في من قرايبني يتصلوا على اهلي ويعتبوا ويقولوا وينها سوسو هيك نزلت وما شفناها ولا حتى على رفقاتي :confused:
حسيت حالي مشتتة مالي عارفة راسي من رجلي :icon33: وانا بس غرقانة بهالمشاكل ..........
ويلي زادها وكملها انو زوجي حابب يطلع على اللاذقية وقبل يومين من طلعتنا حماتي العزيزة عملت مونة فول وطبخت فول مقلى وطبعا كان قلبي منخور على قولة ليش ما لك معودتيها على هالاكلة وليش ما لك معودتيها على هالشربة وخليها تتعود على اكلنا واكل بلدها وسمعت من اكل هالهوى كتير المهم قال بدها تطعمي بنتي فول انا قول لها انا ما بحب الولد بهالعمر ياكلو لانو بخاف من شغلة انحلال وما شابهها ( لانو في خميرة مالي متذكرة اسمها بدم الانسان ما بتكون قوية او بما معناه لبعد ما يصير الولد 4 او 5 سنين يعني يكبر شوي ومناعتو تقوى وهي الخميرة هي وقت الواحد بياكل فول بتحارب انحلال الدم اذا كانت ضعيفة بينحل دم الواحد وبيصير بدو نقل دم طبعا هادا يلي متذكرتو من شرح اختي ) وهي تقول لاء لازم تعوديها على اكلنا ويلي بيجاكر تركت الاكل كلو ونطت للفول :angry2: الله وكيلكن حطتها وطعمتها وقلت خلص طعمتها طعمتها .........
تاني يوم عم جهز حالي قال يعني لانبسط شوي ونروح على البحر حسيت ماسه كانة مو متل عوايدها فكرتها مشتاقة لخالاتها .... ويلي خلا قلبي يغلي عليها اكتر انها نامت اربع او خمس ساعات بفرد سحبة وبعمرها وحياتها ما عملتها وهيك حسيتها تعبانة ومصفرة شوي وحالتها حالة قلت يمكن بدها تكرب تاني يوم ضبينا غراضنا وانطلقنا لنروح على البحر ومع العلم انو تاني يوم قسما بالله يا بنات لونها ما بيفرق شي عن الليمون ..... بتصدقوا هلق دموعي على خدودي وكانو الشغلة هلق صايرة ...... لونها اصفر بشكل غريب بيرعب اتصلت باختي وقلت لها الحالة قالت لي اسبقيني على مستشفى الاطفال هنيك بشوفك ورحنا عاينتها اختي قالت تحليل الدم بيجزم اما فوال ( انحلال دم ) او ريقان وحللوا دمها قالوا فوال يمكن اكلة فول لك اه اه اه لو بقدر اصرخ وتسمعوا صوتي هلق شو كان الو لزوم اكلها للفول حسبي الله ونعم الوكيل وقالوا لي كل اربع ساعات تحليل دم وبول لنراقب حالتها ونشوف بدها دم او لا وتميت على هالحالة ثلاث ايام حتى مشي الحال والف الحمد الك يا ربي انو ما اعتازت نقل دم بقى طارت روحة اللاذقية وطار مشروع البسط المهم عندي بنتي تقبر قلبي انو ما صار لها شئ
برجع بكمل لكم الفلم الهندي وخاصة مشفى الاطفال عفوا اصطبل الاطفال لانو وقت تفوتوا عليها ما بتشموا ريحة معقم او كلو بتشموا ريحة زريبة لا تاخذوني بهالكلمة ;) وامنيتي انو ينهد مشفى الاطفال بس على الموظفين يلي فيه وخاصة يلي بيحكوا بالقاف يا رب .....
يلا سلام

مرحبا بنات....
الف الحمدلله عالسلامة ساجدة.... و الله كتير انقهرت اني ما سمعت الموبايل .... قلبي حسني وقت شفت الرقم انه انت ... شايفة حظاتي شو قلال ....شو بدنا نعمل ... بس لهلأ متجاكرة من موبايلي ......
و الله زعلتيني على هالقصص الي عم تحكيها سلامة قلبك انت وولادك... سلامتها ماسة و الحمدلله اللي الله ستر و مشي الحال بدون نقل دم... و الله بعوضك بدل مشوار اللاذقية مشوار احسن انشاالله ... عم نستنى تكملي لنا القصة ....
نور الدرب يسلمو ع سؤالك و حكياتك الحلوين و الله يقومك بالسلامة ...
هنودة و الله انا الي بتروحن بمشاركاتك ... و يسلمو عالصور الحلوين كتير كتير حلوة الصورة اللي اخدتيها بالليل لايا صوفيا و الجامع بتعقد ... انا رحت لهنيك على ضو بس بالليل بتعقد ... و صور المدينة تبع ستك الله يديمها فوق راسكم كتير حلوين...
و الحمدلله على السلامة و منيح اللي وافق مديرك .... انا ياستي بقيان لي كم يوم بالشام و راجعة إنشاالله ... لنلاقي حجز بشي طيارة .....
و شفتي الطقس بالشام يابنات من يومين ررجع الشوب متل ما حكوالكم شام و سوسو ... بس الحمدلله شكله اليوم احسن .. بس لهلأ الصبح بالشمس ما بينطلع ..الحمدلله..
عروس سلامة قلبك و ما ع قلبك شر ...كيف صرتي هلأ إنشاالله اتحسنتي؟؟؟
و الله صعبة .... الله يشفيكي و ان شاء الله بعدها بترتاحي.... و كيفه غسون افندي؟؟؟
دانية كيفك و الله قلبي عندك الله يحمل معك ... طمنينا شو صار معك و متل ما قالت عروس الشام ما لقيتي دكتور عربي؟؟؟
طمنينا عنك و عن ابنك و طولي بالك و الله ما بيترك حدا ... اتوكلي على الله...
آية ... كيفك و الله يعينك عالشوب و الزحمة شو خلصت الصيف و رجعت الزحمة؟؟
بس مبروك انك انشغلتي احسن من القعدة و التفكير...
مزون كيفك و كيف البيبي؟؟ الله ييسرلك رمضان و استعدادات النزلة ...
بنات كانه سما صرلها زمان ما طلت و لوليا كمان....
سلام للكل و اذا نسيت حدا لا تزعلوا ...
بنات يمكن غيب عنكم هالكم يوم بتعرفوا العجقة قبل السفر و رمضان انشاالله الله ييسرلنا و نمضي كم يوم برمضان هون بالشام بس ننبسط ...هههههههههه
بس رح حاول اقرا اخباركم .... لا تنسوني....
سلام و بانتظار قصة سوسو.....

مرحبا للكل بدون ذكر اسماء مشان ما حدا يزعل المرضانين الله يعافيكم والمسافرين الله يردكم سالمين وشامو حبيبتي معناها ما عم تتابعي منيح الموضوع لانو ذكرت كذا مرة انو انا دكتورة اسنان سابقا ربة منزل حاليا.ههههههههههههههه سوسو حبيبتي متابعتك وبقوة والله اجازتك رهيبة الله لا يكتبها على حدا ................يلا كملي

مرحبا حبيبات قلبي كيفكن حبيت طل عالسريع لأنو والله كتير مرضانه وحاسه حالي مو شايفه قدامي ،،
سوسو حبيبتي لك والله انقهرت ع هالقصص يللي عم تحكيها سلامة قلبك انت وولادك... وسلامتها لماسة و الحمدلله يللي الله ستر و مشي الحال من دون نقل دم ،، وربي يعوضك عن كل يللي شفتيه بكل خير
باقي الصبايا معلش ما تواخذوني محإقدر أذكر أسماء بس أكيد بتعرفوا معزتكن بقلبي كلكن إنشالله يارب يكون الكل بخير وتسلمو حبيبات قلبي لك إنشالله بتقبشوا قلبي كلياتكن
يلا أودعناكم
يلا تنسونا بالدعاء