كيفكن بنات ان شاء الله بخير شام كيفك وشو اخبارك ان شاء الله بخير
زنزون كيفك ان شاء الله بخير والله لقينا دكتور عربي بس قلنا والله تركت الطب عم اشتغل بالتجارة والدكتور التاني جوالو دايما مغلق يمكن مسروق والله اعلم
عروس الشام شو اخبارك طمنيني عنك كيفك هلق ان شاء الله تحسنتي الله يبعد عنكون كل مرض وعن ولادكون ويعافيكون والله مافي اصعب من مرض الولد والله الام بيحترق البها على ابنها وبتتمنى الموت بس يطيب ابنها الله يعافينا ويعافي اولادنا يا رب
اية كيفك تقبريني ان شاء الله بخير وكيف المدرسة مع بنتك الله يخليلك ياها يا حق وتشوفيها عروس متخرجة قد الدنية نصيحة لا تجوزيها خلليها عندك هههههههههههههههههههه
هنودة شبكي الله يعافيكي طمنينا عنك ولا تتعبي حالك والله قلبي عندك متل ما قلتلك ريحي حالك واشربي زنجبيل ممتاااااااااااااااااز والله يعافيكي يا رب\
هلق بقا بدي بلش بساجدة عن جد الله يعينك يعني ما بيكفي شوب ومرضك وتعبك وشنطتك وكمان موض اولادك بعدين تعي لقلك ان شاء الله اذا حماتك ساكنة فوق معناتها مالك مرتاحة طولي بالك وحاولي تبني كيانك الخاص ولا تخلي حدا يدخل فيكي
بعدين والله لح موت منك كيف بتخليها تطعمي بنتك فوووووووووووووووووووووووول لك فول فول ؟؟؟؟
والله بعمل مشكلة وبتخانق ولا انو تمرض بتني الله يصلحك
على كل بعرف لما الحماية بتدخل بالكنة ولما الكنة ما بيطلع بأيدها تعمل شي هيك كانت ستي الله يصلحها بس
ومشان المطبات الهوائية اللي صارت بالطيارة انا ولا مرة صار هيك معي يمكن لانو هالمرة اليتيمة اللي نزلتها كانت باول الصيف الله يحميكي انتي وولادك
بس نصيحة انا لو كنت محلك بعد انا وولادي عند اهلي حتى لو عندي بيت وبروح ع بيت حمايي زيارة لما بدك تستقري بتعدي ببيتك لكن هيك لا تركنتي ع اهلك ولا شي
والله حرقة قلب لا وبكرة شوفي اذا قلتي لجوزك طلعني بيقلك ما كنتي بالشام يعني بتنحسب عليكي مشوار فوق الهم والنكد والمرض اللي كنتي فيهون
على كل الحمد لله على السلامة وان شاء الله سلامات لبناتك كلهون ويلا يا ستي بتتعوض المهم كلكون بخير وسلامة يلا حاجتي لعيت كتير بدي قوم البس مشان نروح ع المشفى مشان ابني ما كان نخلص من قصة الفتاق وخايفة اعملو عملية بنات بدي اسالكون يا ترى فيها شي اذا طهرتو ومعو فتاق ؟؟؟
يا ريت تجاوبوني
يلا سلام

كيفكم يا بنات
دخلت على موضوعكم لفش قلبي
مالي مرتاحة هون يا بنات بالشام وبدي هاجر شو رايكم؟؟
انتوا جربتوا السفر والغربة شو بتنصحوني....ابقى هون حتماً ما بدي ...فشو تنصحوني باي بلد دور على شغل تكون جيدة ومعيشتها مقبولة ... حتقولي اهلك وبيتك وعيلتك....مهما كان انا مصممة عالهجرة فشو رايكم ؟؟؟

مساء الخير على الحلوين.. حابة طمنكم.. أنا الحمدلله كتير أحسن هلأ.. لسه في بلاستيكات و قطب بأنفي بدي روح لعند الدكتور يوم الثلاثاء ليفكهم.. بس ارتحت كتير عن أول كم يوم..

شام... تسلمي يا قلبي و الله يسلمك.. يا ستي يعفور قابة قبة غير شكل.. و الله الهيئة المستقبل حيكون بمنطقة يعفور.. هلأ أنا حكيت عن مشروع شركة إعمار و إذا ما بتعرفيها فإعمار من أكبر شركات العقار بالعالم حالياً و مركزها بدبي.. مشروع إعمار أخذوا الأرض يللي مواجه جسر يعفور.. كتير قريب من شارع ال 14 إذا بتعرفيه.. يعني باختصار أخذوا أحلى أرض بيعفور كلها..
و إذا بدك هذا الموقع
http://www.emaarsyria.co.sy
بس مثل ما قلت من قبل أسعارهم خيالية.. و بالنسبة للسكني, لسه ما طرحوا هالمرحلة من المشروع.. عم يبيعوا هلأ التجاري بس بما إن المنطقة أساساً مستقبلها تجاري بسبب وجود سوق الأوراق المالية السوري بقلب المشروع..
بس عندي خبر حلو.. في شركة عاملة مشروع اسمه يعفور جاردن.. الصراحة حاسة هالمشروع حيطلع أحلى من مشروع إعمار.. لأنه أول شي موقعه رائع.. صاير بوش جسر يعفور أول شارع ال 14 و المدرسة الباكستانية صايرة بلزقه.. و فيه عمارات سكنية أكثر من مشروع إعمار.. بس بالنسبة للأسعار ما بعرف و الله.. أنا نفسي بدي إسأل عن الأسعار لأني عم فكر فيه جدياً بس مو هلأ.. شوي تانية.. و هذا الموقع تبعهم إذا بدك
http://www.yafourgardens.com
و في أرض كمان بلزق مشروع إعمار إشتراها ماجد الفطيم.. طبعاً ما بدو تعريف لأنه من أغنى أغنياء الإمارات.. و حيعمل عليها مشروع بس لسه ما أعلنوا شو المشروع..
و على فكرة حيعملوا مدينة طبية متكاملة بيعفور عن قريب.. و في كذا فندق حيفتح هنيك كمان.. متل ما قلت المستقبل كله حيصير بيعفور..
و معظم المشاريع على قولهم بتتسلم بخلال خمس سنين..

سوسو... زحل عقلي بس قريت قصتك بالشام.. يا حرام عن جد الله يعينك و أنا مفكرة حالي الوحيدة يللي قرفانة.. تاري متلي متايل..
الحمدالله على السلامة و الله يحفظلك أولادك.. بس استغربت من شغلة.. معقول ما عملوا لبنتك فحص لإنزيم G6PD بس ولدت؟؟ ليش ما ولدت بفرنسا؟؟ هون بقطر روتينياً بيفحصوا كل المولودين لأن مرض التفول مرض وراثي منتشر أكثر شي بالشرق الأوسط.. بالشام بعرف انهم ما بيفحصوا ضغري و هذا غلط.. جوزي عند مرض التفول و لولا رحمة رب العالمين كان راح فيها هو و صغير لأنه اصفر و الدكاترة ما كانوا يفهموا فيه.. ربك حميد في دكتور فهم بالآخر عليه و من وقتها صارت حماتي كل ما تحبل و تولد ضغري تفحص ولادها لتشوف إذا عندهم هالمرض..بما إن بنتك عندها ياه روحي افحصي كل ولادك و تأكدي مين عنده و مين ما عنده.. مشان تريحي بالك..
الله يحميهم..
و على فكرة الله نجاكي من روحة اللاذقية.. لك اسمعيها مني اللاذقية مو للمحترمات مثلنا.. رحت يومين اندبحت من الشوب و كرهت حياتي من القرف.. بنزل مع جوزي على الشط و بشوط من البنات يللي جايين بس ليصطادوا شباب.. اشتهيت شوف وحدة عم تسبح.. كلهم لابسين هالبكيني و حاطين مكياج و مساويين شعراتهم و اكسسوارات و نظارات و حركات و عم يتفتلوا على الشط.. عن جد الله رحمك من التعصيب و الغيرة.. حمدي ربك.. و ألعن شي كل ما لمست رجلي الشط بيطلعلي رجال من الأمن بيقلي لوين؟؟؟؟؟ ممنوع.. مع ان في كذا بنت لابسين أواعيهم (سوري شورتاتهم و الميني سكيرت) على الشط.. بس أنا لأني محجبة أول ما يشوفوني قربت من الشط و لو بس بدي أعطي جوزي المنشفة, بيركضوا كلهم ممنوع ممنوع.. و الله هزولي بدني..

تسلمي يا زنزون على السؤال.. و غريبة لسه شوب بالشام لهلأ.. لك مشكلة الشام التلوث يللي فيها مو طبيعي.. صايرة مدينة الضباب بس الأسود من كتر المازوت.. إيمتى ربك رح يتوب علينا بقى و تلحلح الحكومة و تمنع المازوت و تدفع للعالم ليشتروا ميتورات جديدة لسيارتهم متل ما عملوا بلبنان.. لك لبنان عليها ديون الدنيا و عملت هالخطوة و نحنا الحمدلله الله كافينا و ديونا الخارجية تقريباً صفر و ما عم نزبط بلدنا!!!
لك بدي احكي شغلة من قهري على بلدي بس.. انسوا الحكومة.. الناس نفسهم عنا ما بيهتموا بمنظر البلد.. يعني العالم بتكب الوسخ وين مان كان.. و الله بيحترق قلبي بس شوف حدا عم يزت وسخ بالشارع.. كذا مرة طخيت و قمت وسخ من الأرض و كبيته بالزبالة و جوزي عم يقلي يا مجنونة شو عم تساوي؟ لك ما بقدر شوف بلدي وسخة.. و الله شي بيقهر.. و الكل بيدخن وين ما كان.. بتلاقي المطار عم يعبق بريحة الدخان و المولات و الدوائر الحكومية.. كذا مرة كذبت (الله يسامحني) و قلت انو عندي ربو مشان خلي شي واحد يطفي سيجارته.. مشتهية شوف بلدي نظيفة و مرتبة بس ليش ما حدا عم يحس ما بعرف..

أيوش... لك بما انك حطيتي بنتك بالحضانة, قومي شوفيلك شي مكان تتدربي فيه على الأقل.. تخصصك مع الوقت بيطير من الراس بلا ممارسة... صحي بالخليج دكتور الاسنان إذا مو خبرة طويلة و شهادة اختصاص ما بيلاقي شغل, بس ممكن تتدربي على الأقل.. تخيلي أخو رفيقتي درس طب أسنان بالشام و عمل اختصاص بفرنسا.. و بس اجى لهون ما حدا رضي يشغله لأن ما عنده خبرة.. رجع على الشام و الله و فتح عيادة و ريح راسه..

هنودة الله يشفيك يا حق... شو القصة طولت معك.. ريحيلي حالك هالكم يوم.. الظاهر من كتر السفر تعب جسمك..

دانية.. و الله معك حق.. الولد مرضته صعبة.. و يللي بيقهر انه مسكين ما بيعرف يعبر.. بس بيبكي.. يعني ابني كان مبارح مسلخ و عم يبكي و ما عم افهم عليه شو بده.. ضل يبكي شي ساعة بالآخر عصبت عليه و حطيته تايم آوت, تاريه يا قلبي موجوع و مو عرفان يقلي.. حسيت حالي حقيرة اني عصبت عليه.. يقبرني. ان شاء الله يسامحني بس يكبر من قد ما بعصب...
الله يشفيلك ابنك و يردك من الصين التعيسة سالمة غانمة..

سما.. الله يسلمك حبيبتي..
مبروك روحة ابنك على الحضانة.. عقبالي.. مع اني خايفة من هالخطوة.. آكلة هم ياكل أتلة من الأولاد أو يتعلم العادات السيئة منهم.. أو حتى ياكل بهادل من الآنسات.. وحيدي, شي طبيعي أهدس فيه..

كليوبترا.. نورتي يا عيوني :) اشتقنالك..
بتعرفي, كذا مرة بالشام كنت حدقلك بس غير رأيي بآخر لحظة.. مو كنا أنا و جوزي عم ندور على أرض و احترنا و الله حيرنا لحد ما بالآخر ما اشترينا شي و رجعنا لنصمد مصاري أكتر لأنه لقينا الدنيا كل مالها عم تغلى بالشام و يللي معنا ما بيكفي..
يا ستي إذا حاطة ببالك الهجرة فأكيد متضايقة من شي بالشام مهيك؟؟ الله بيفك الضيقة ان شاء الله..
إذا بدك رأيي, أنا ضد ان الواحد يهاجر لأوروبا أو أمريكا.. لأن الروحة لهنيك متل قلتها.. الضرايب بتاكل كل شي و يللي ما عنده شهادات عالية كتير ما بيقدر يعيش بهيك بلاد.. يعني الدكاترة يللا يللا عايشين هنيك.. بعدين ترباية الولاد بالجو تبعهم صعبة.. يعني كيف بدك تفهمي بنتك ان الحكي مع الصبيان عيب إذا كل بنات مدرستها مصاحبين و بيطلعوا مع أصحابهم عينك كنت عينك!.. و مخدرات و شرب و حالة.. ما بعرف, أنا كتير بخاف من أوروبا و أمريكا و ما بتخيل عيش فيهم أبداً.. بحس ان أولادي بكرة بيضيعوا بهيك بلاد.. الله يعين يللي عايش هنيك منكم..
بس إذا عم تفكري بالخليج فلازم تكوني بتعرفي حدا هون ليزبطلكم أموركم.. غالباً هون بيدوروا على ناس خبرة خليج.. بس إذا خبرة جوزك منيحة ممكن يمشي الحال كمان.. أنا عن حالي بعرف بلدين بس بالخليج, الامارات و قطر.. عشت هون و عشت هون.. هلأ الرواتب بقطر أحسن بكتير خصوصاً بالشركات الكبيرة و بالحكومة.. بس كمان العيشة هون أغلى.. الاجارات عالية و المدراس غالية.. و طبعاً المقيمين ممنوع يدخلوا أولادهم مدارس الحكومة.. يعني مجبورين على الخاص و أسعاره النار.. فإذا ما انعرض على جوزك راتب محرز, حتلاقي العيشة هون صعبة... يعني أنا و الله عايشة ببيت قد النملة مشان نقدر نصمد.. لأن لو بدنا نتفرفد و نعيش ببيت كبير, ما عاد نقدر نصمد و لا ريال..
إذا بدك بساعدك و بعطيك أسماء الشركات المهمة بالبلد و عنوانيها.. بس قوليلي شو المجال يللي جوزك ناوي يشتغل فيه..
الله يوفقكم..

و هيك بتكون الأخبار خلصت و الى عدد قادم من جريدة عروس الشام :42:

يسلموا ايديك عروس الشام الغالية على هالتفاصيل

وإذا استجد معك اي معلومة زكاتك خبرينا

وان شاءا لله ربي بيطعمك اللي ببالك وبيسرلك أمورك وبيكرمك يا رب .......

ساجدة .والله زعلت كتييييييير من اللي صار معك

يلى قدر الله وما شاء فعل

الحمد لله اللي هيك مو شي تاني ...... والله يقر عينك بشوفة أهلك وحبايبك وانت وهنن بأحسن حال يا رب

سماء ايجبت ميت اهلا وسهلا بهالطلة ......كيف يمان افندي .....الله يسلمه ويحميه

دانية ..... ما ولدت لسى ..؟؟ اديش باقيلك

بتقومي بالسلامة يا رب



كليوباترا ..... نورتينا يا غالية

آآآآآآآآآآآآآه وآآآآآآآآآآآآآآآه من سؤالك
يعني مافينا نجاوب هيك على السريع بدها أعدة وركونة غير شكل

وما حدا فيو يقلك سافري أو لا تسافري

لأن أنت وحدك بتعرفي بالظروف وأنت وحدك رح تتغربي وكمان غربة على غربة بتفرق سبحان الله

في ناس كانوا متغربي بنفس المدينة تبعي بس مبسوطين وطاير عقلهم وانا كنت مزعوجة ومالي متأقلمة نهائيا

وكمان قصة البلاد الاجنبية فيها خوف كبببببببير على التربية هنيك

يعني لو ما في مشكلة تربية فيها وما فيها ........ لكن الولاد هنن اللي كاسرين ضهرنا علموهم عربي وعلموه دين ولاقولهم رفقات متل العالم وفهموهم انو ليش نحنا مختلفين عن الاجانب ..........وشغلة

الله يحميهم ويسلمهم ويحميهم بحماه

مرحبا صبايا كيفكم الي رجعة مطولة بس حبيت اسالكم انا صرلي 3 ايام عم لاحظ كدمات كتيرة على رجلي وايدي يعني شي 10 طرقات برجلي ............ومالي عرفانة شو السبب هو انا صايرة كتير عم احمل بنتي بالكار سيت وامشي فيها ممكن يكون منو وكمان عم سوق وانا كتير معصبة وشادة اعصابي ...............مين صار معها متلي والله اتوسوست من هالشغلة