كيفكن بنات ان شاء الله بخير انا الحمد لله ماشي حالي
كليوبترا شوفي انا كنت متلك بدي سافرطقيت وجنيت لحد ما سافرت وتغربت المهم الغربة صعبة لانك لح تبعدي عن اهلك واحبابك بس غير هيك لا لانو البلاد كلها متل بعضها بقا لا تقولي شام وما شام
شوفي نصيحة مني روحي ع جدة العيشةحلوة بس كتير شوب وقريبةاذا بدك تنزلي عند اهلك
وبجدة كل شي ماشي بتعرفي انا بتمنى نستقر فيها احسن من الصين القرف بس جوزي مو رضيان قال بالصين الفرص اكبر بكتير من السعودية والله ييسرلك والله الحالة بالشام صعبة ماما عم تقلي كل شي غليان الاكل واللبس والمعيشة الحمد لله والله خايفة انزل
المهم سما كيفك يا سلالة انتي مرتاحة مقردفة ابنك ع الحضانة ومروقة مع جوزك هههههههههههه
عروس الحمد لله عسلامتك ان شاء الله ما بتشوفي شر
شام كيفك شو اخبارك انا لسا ما ولدت على هوى حسابي المفشكل انا 7 شهور وتلات اسابيع ويوم
يعني اسبوع تاني وبفوت بشهري
اية ع سلامتك ديريلي بالك على حالك ولا تعصبي
نايس كيفك وين كل هالغيبة يلا سمعينا اخبارك
عروس الشام احزوي شو كل النسوان هيك بتعمل يعني انتي بتتابعي اخبار العقارات انا مشان جوزي لما يحكي افهم عليه وشاركو وما اطلع متل الاطرش بالزفة ولانو كل بيت حمايي مختصين بمجالات قريبة من هالمجال بعد بتابع اخبار التكنلوجيا والكمبيوتر والتجارة واسعار الشحن والعملات من الدولار لعملة الصين والشركات الصينية ييييييييييييع وقطع الكمبيوتر واسعارها وتركيب الكمبيوتر وتعليم الصيانة بقطع الكمبيوتر هاد عير متابعة المعارض والاوتيلات واسعارهن مشان اي زبون اجا فجأة ما ننصدم بقا اللي بدي قولو انو شوفو حتى بالغربة مضطرين نمشي حياتنايعني لازم ننبسط مو نعد نعت البنا بالدراسة لا واذا حكينا سيرة غير الشغل وبدنا نتفائل منندار على الاخبار والجزيرة والسنة والشيعة والعراق والحرب واللي منو شفتو بقا اللي بدها تتغرب خليها بسورية على المقلي اذا راحت عند اهلها بتعد بفتحسيرة وقصة يعني حكي نسوان هههههههههههه هي اطلقت وهي اتجوزت وهي متخانقة مع جوزها والصراحة مافي احلى من حكي النسوان ههههههههههههههههههههههههههههههههههههههههههههه يلا سلا ابني قرفني من النق

والله حيرتوني اكتر يا بنات بكلامكم
يعني كنت متحمسة للهجرة 99% لعبتوا بعقلي هلا وصارت النسبة 98,9999999999
بشو بذكركم هالرقم يا بنات هههههه

هلا المهم اية عمتقولي انه برة غالي ...ما بعرف اذا وصلتكم الاخبار انه عنا صارت ارتفاع اسعار فالبنزين صار ب800 بدل 600 والغاز صار 250 والمازوت وكيلو الكهربا صار ب7 ليرات...يعني هون مالي ملاقية احسن ...بتصدقي انه دخلنا بالشهر فوق ال60 الف وبنهاية الشهر ما بزيد معنا ولا ليرة...نحن فعلا عميكفونا بشكل مرتاحين وبسسسس يعني ما منقدر نصمد ولا ليرة وانا بحب الطلعة والفوتة كتير :) واولادي متلي ما بتصير الساعة 8 الا بقلولي نزلينا الحديقة فمننزل الحديقة ومنشتري اللوازم بيلعبوا وبيخلصوا منطلع صار وقت العشا منشتري العشا ومنرجع ...فبتلاقي اي شي بتساويه عمتدفعي بشكل متواصل ...وبالنهاية بتحسي انه مو مقابل رفاهية كل هالمصاريف ...مقابل امور طبيعية....فبتطلع ليش ما نسافر ويشتغل وعلى الاقل بتنزلي حديقة متل العالم والناس ...هلا مننزل الحديقة يلي عند بنايات برج الروس الناس متل النمل...رحنا قاسيون مافي مكان نصف السيارة فتخانق زوجي مع الشرطي ورجعنا ...هون عمتدفعي كتير بس مو مقابل رفاهية انما بس مقابل اساسيات وضروريات بحياتك....

لعيت كتير ..بس والله من حرقة قلبي...بتصدقوا بابا عنا ارض على طريق المطار فتنظمت وقرر يفرزها ...بتصدقوا الارض كلفتنا فرز لتصير باسمنا 300 الف ليرة ...والله لو الارض لمال ابوهم مو هيك..بس شو يحكي الواحد ...يلا بلا ما العي اكتر سلام يا صبايا

مرحبا حبيبات قلبي كيفكن يارب يكون الكل بخير والله اشتقتلكن
فايته سلم عالسريع واطلب منكن تدعولي لأنو من وقت ما اجيت وأنا كتير مرضانه وما عم اترك الفرشه بتعرفوا قبل يوم يومين اجاني وجع رهيب وكنت رح موت منه وأخدني البابا عالمشفى بسرعه لأنو لو تشوفوا كيف كانت حالتي والله بتبكي والوجع كل ماله عم يزيد أخدني البابا يقبر قلبي لنشوف شو القصه طلع معي التهاب بالمرارة ومارقت لعطوني ابرتين وحطولي سيروم مشان يوقف الوجع وضليت بالمشفى شي ساعتين والله وكيلكن كنت حاسه إنو روحي عم تطلع مني والدكتور قال إذا اتكرر هالوجع لازمني عمليه !!!
والله كتير خايفه ومالي عرفانه شو سبب هالإلتهاب (الحمدلله يارب ))،، كل شي بيجي من رب العالمين يامحلاه بس أهم شي يكون رب العالمين رضيان عليي ويسامحني ويغفرلي
أمانه حبيبات قلبي ادعولي معكن بهالإيام والله مالي غيركن وسامحوني إذا طولت عليكن
يلا بخاطركن

سلامة قلبك هنودة.. ان شاء الله بتقومي بالسلامة و ما بتحتاجي عملية..
لازم تسألي شو يللي ما بيعمل التهاب بالمرارة.. هالدنيا صايرة بتفقع المرارة!!
ديري بالك على حالك يا قلبي و طمنينا عنك أول بأول..

وش دعوه مافيه سوريه ساكنه بالرياض...................