السلام عليكم بنات :)

اخواتي الغاليات محتاجة مساعده منكن

بهل كل يوم ان شالله جايين على دمشق

وحابة اشتري اشياء ( ملابس + اكسسوارات )

وبتعرفو اغراض البنات

في اسم لاسواق حلوة واسعارها معقولة ؟

احنا منعرف سوق الحميدية

ف ازا ممكن تساعدوني

كيفكن بنات ان شاء الله بخير كليوبترا والله الحق معك انا خايفة انزل ع سورية كتير مع انو طاقة روحي بس شو بدنا نساوي اهلي كلون بالشام الله ييسرلك وفكري منيح مشان ما تندمي
هنودة حبيبتي الله يعافيكي يا رب والله مشكلة التهاب المرارة لانو ماما عملولها عملية يعلى امتي بس ارتاحت لانو وجع فظيع وحاولي تتابعي حالك بالمشفى
عروس والله معك حق كل شي بيعمل مرارة ومو بس مرارة وفقعان قلب كمان هههههههههههه
نجمة الورد في باب توما وفي سوق لوبية مدري فاصولية والله نسيت بيصححولي البنات وفي اسواق الخير ماشي حالها هاد اللي متذكرتو وفي الصالحية مالح قلك علةسوق الحمرا لانو بدك تطلعي منو وحنكك مفتوح ع الاخر من هول الاسعار وفي سوق اسمو حارة عجم حلو.....مرة بزمناتي رحتلو اسعارو حلوة بس ما بعرف اذا بتعرفو انا بنت جيراننا دلتني عليه ان شاء الله كون فدتك واكيد البنات بيفيدوكي
يلا سلام يا بنات بدي روح ما بعرف شو بدي ساوي بس دايق خلقي كتير ومحبوسة بالبيت
يلا السلام عليكم

مرحبا بنوتات كيفكن وشو اخباركن
الي يومين راجعه من سوريا ومرشحه رشح قوي والله ماني عرفانه منين بدي بلش بتنظيف البيت خصوصا اني حامل فما عدت خفيفه بحركتي متل اول وكم يوم تانيات جايه رمضان الله يعيده علينا وعالمسلمين بالصحه والعافيه والسلام يارب
لاتنسوني من الدعاء دمتن بخير

مرحبا يا صبايا عروس كيفك حبيبتي انشالله احسن ................نايس ونور وينكم ومزون كمان طلو علينا .............سما حبيبتي اكيد بلشت دوام الله يقويك............دانية كيفك يا قلبي الله يشفباك ابنك.................هنودة حياتي والله بالا عندك الظاهر عم تتعبي حالك على كل لا تاكلي هم حتى لو اعتزت عملية صارت المرارة سهلة بيعملوها بالمنظار وكتير بسيطة بابا عملها عند د طريف العيطة كتير شاطر .............بطة لك وينك الحمدلله على سلامتك..........كيف البيبي اي شهر صرت وعرفت شو معك يا ستي كل ما بشوف مسلسل اكليل الورد بتذكرك ما بعرف اذا عم تشوفيه بس والله الاتراك شكلهم ظراف وبيشبهونا كتير............مين كمان بقيان .............شام يا ذا السيف وزنزون وساجدة وسر الورود جاراتي وين ما عدتو بينتو............
يلا يا حلوات كل وحدة تقلي شو تحضيراتها لرمضان انا السنة حابة اعمل جو لرمضان اشتري كلابيات جديدة واشعل شموع معطرة على شكل فانوس يعني مشان اية تحس انو هالشهر مختلف الله يبلغنا رمضان سنين عديدة وازمنة مدينة وهو راض عنا

كيفكون بنات
بطة الف الحمد لله ع السلامة خبرينا كيفك كانت قعدتك بالشام وبشو حامل بنوتة حلوة متلي ولا شب
الله يعينك لا تتعبي حالك بتنظيف البيت كل يوم شغلة
اية كيفك لح اعمل العملية لابني باخر هالاسبوع اذا الله راد وتحضيراتي لرمضان ولا شي دوبي اهكل هم ولادتي اللي بتكون بنص الشهر على هوى حساباتي
بنات بدي اطلب منكون طلب بدي تكتبو شو ممكن اطبخ برمضان ما عم اعرف داق خلقي من الطبخات اللي عم ساويها كل وحدة تقول شو لح تطبخ اول يوم والله هكلانة هم يالله بدي روح
سلام