لك أنا كسلانة ما بشتري شي تازة و اقعد اغسل و افرم و فرز.. بشتري الفاصوليا مفرزة متل هي


و بقلي اللحمة و بحط مي و بحط الفاصوليا بلا تقلاية.. بس سلق.. بحسها هيك أطيب.. و ملح و بهارات و معجون بندورة و خلصنا.. أنا اختصاص الأكلات السريعة :)

السلام عليكم ورحمة الله

كل عام وانتم بخير يا بنات


انا صراحة أبحث عن صديقة سورية-لبنانية بأمريكا


اسمها دانية

واختها لمى




دانية تزوجت وسافرت أمريكا وقت ما كنت انا ولمى لسا بندرس بالرياض

فكرت اكتب هون عسى ولعل اني اجدها واتوصل عن طريقها للمى

هلا مها ما عنا فكرة إن شاء الله بنات أمريكا يفيدوكي

عروس تسلميلي شو مذوقة أنا متلك بسرعة بخلص الطبخ بس هلأ صايرة أكسل وحدة بالعالم من تعبي ما عم لحئ شي وكأني حسدت حالي صرت شو عم طول بالطبخ يا الله يمكن لأني تعبانة

فتاة سورية
أنا متل عروس كسلانة مرة وحدة جبت الفاصوليا فريش وحرمت ما لي خلق اقعد قطع وفور ووووو
شوفي عزيزتي لما جبتها فريش حطيتها أول شي على جهاز بخار بعد ما قطعتها لحتى تغير لونها وبعدين بتطبخيها بطريقتك المعتادة بتقلبيها بشوية زيت مع بصلة وبعدين بتحطي المرقة وبتتركيها لتستوي تمام
وإذا بدك في طريقة تانية امي بتعملها بتغلي مي وبتسقطي الفاصوليا فيها وبتفوريها شوي وبعدين بتصفيها وبتفرزنيها إذا بدك أو بتطبخيها ،،، لا يكون لأنك عم تفرزيها فريش؟؟؟؟؟ هيك عم تقسى ,,,
ومرة سألت رفقاتي وحدة على طول بتطبخها مع البصلة بتقلبها ووحدة قالتلي لما بتسلق اللحمة بتسلقها مع الفاصوليا مشان تستوي وجربي وقليلنا النتائج ,,,,

اخت مها للاسف مابعرفهم

عروس ونور هيك لكن ...انا كنت جيبها بكياس مثلكم بس من لما زوجي استلم الخضرة صار يجيبها لي طازجة وكيس كبير ...فشو بدي ساوي غصب عني بدي قطعها وفرزها لا وبعد اسبوعين اذا رجع طلع بيرجع بيجيب لي كيس كبير ...بالاخير جنيت صرت قول له لاااااااا تجيب فاصوليا او ابعت معه ورقة مكتوب عليها بالخط العريض لا تجيب فاصوليا .... واذا اخذ معه حدا من الاولاد قول له ضل قول للبابا فاصوليا لا

نور ... المشكلة ان فرزتهم وخلصت يلا الله يعيني على طبحهم بس فكرة اسلقهم مع اللحمة منيحة بدي جربها مع اني اول كنت اعملها بلحمة ناعمة بس يلا بنغير شوي

اما على الكسل انت حامل معزورة والله ما بلومك ابدا الله يكون بعونك ..برجع بقول لك عم تزكريني بحالي .... ما قلتي لي شو اخبار شام خانم .... معتز الحمد لله تمام وانا من اشهر كنت عم لحوسه شوي من الطبخ اما هلا الحمد لله بياكل من الطبخة عادي اذا كانت شي شغلة مريئة ...يعني الرز البخاري ما بياكله بس مرة عملت ارمان بلبن وطعميته صحن صغير ومرة عملت بامية وكمان طعميته بهرس له اللحمة مع الرز وبحط من المرقة لتصير مريقة شوي وبطعميه ياها وبشربه بعدها عصير ....

انت بلشتي تطعميها طبخ لشام ولا لسا ؟؟

صباح الخير كيفكم يابنات وكيف رمضان معكون
لاتواخذوني ماعم شارك كتير بس طوشة السفر وفوق منها جاييني وجع مستمر بحوضي ورجليي من فوق وحاسة حالي مو حسنانة أمشي رحت سألت دكتورتي قالتلي هاد تقل من الحمل , مالي عرفانة شو بدي ساوي عم ضب غراضي متل الزلحفة وسفري الأربعا الجاية ادعولي الله ييسرلي أموري

أنا كمان مشغول بالي على هنودة مالها بالعادة تغيب عنا كتير الله يطمنا عنها وتكون بألف خير

لاتواخذوني مارح أحسن رد عالكل لأني مو مركزة بس حبيت سلم واطم على هنودة