كل رمضان وانتم بخيييييير
ربنا يتقبل منكم صيامكم وصالح اعمالكم

سلام لكل الحلوين


اول شي شبها هنودة ... وشو العملية ؟؟ يمكن بعينها اذا مو غلطانة صح؟؟ ...الله يطمنا عليها قريبا يارب وتكون بصحة وسلامة هي وجميع الاخوات العزيزات بنات عالم حواء

الصراحة اليوم صحيت قبل ما يروحوا الاولاد على المدرسة بشي ساعة وقلت خليني ما ارجع انام لحتى ما يروح عليهم الباص وصرت اتفتل بهالمواقع ... ... عم شوف واقرا اشياء جديدة ومواضيع مختلفة ..واعطي راي هون وهون ... سبحان الله كيف كنت حابسة حالي بهالبيت وشغل من هون لهون ...هلا حسيت اني انسانة موجودة فعلا بهالدنيا

الله يعيني وان شاء الله بعد رمضان ضروري احدد ولو ساعة باليوم للانترنيت ...على الاقل الواحد بحس ان اتعلم واستفاد بشي جديد بيومه مو كل الايام متل بعض....

بس شوية مشاعر حسيت فيها وحبيت انقلها لكم ...طمنوني عن هنودة والله معكم سلام

بالنسبة للمربى قررت خبص شي طريقة من مزاجي وان شاء الله تنجح

كيفكون بنات ان شاء الله بخير شبها هنودة يعلى امتي عليها اخر شي كانت تعبانة الله يشفيها يا رب
والتسئية الصراحة ما بعرف اعملها منيح كان بابا يساويلنا ياها وتبع السمنة والمسبحة مممممممممممممممم بتجنن بس مافي مسبحة بالصين ومالي خلق ساوي هههههههههههههههه تنبل
اي والله بعد بقرأوصفات وبيشط ريقي بس والله اوقات بحس انها مالح تزبط معي واوقات مو كل الاغراض عندي او فيي جيبها بقا بقولال خليني هيك وجوزي بيحب الاكل الشامي ع اصولو يعني عالترم وقال من وقت ما تجوزني ماداق اكلة متل العالم لانو انا بخبص شوي بس والله اوقات بحاول وما بتنجح معي بقا مليت وتعودت وعم انتظر حتى اولد واخد هالولدين وانزل ع سورية ارتاااااااااااااااااااااااااااااح وارجع حس حالي بنت صغيرة مدللة عند امي وابي مو احسن المهم يلا بدي اتسلى بشي اكلة حاكم عالحبل مفتوحة شهيتي ههههههههههههه وعالشوكولا كمان ههههههههههه يلا سلام

تسلمي يا نور.. و هاه, ليكني عم خطط للتاني.. ان شاء الله خير..
الله يسلمك يا شام.. كيف رمضان معك؟
دارين.. تسلمي يا رب.. و انت بخير..
فتاة.. هي هنودة من فترة توجعت و راحت على الدكتور طلع عندها المرارة و قالها الدكتور يمكن تحتاج عملية.. الله يشفيها يا رب.. و ان شاء الله بتطل علينا و بتطمنا عنها..و برافو عليكي بلشتي تنتبهي لحالك.. انت ما شاء الله عندك 5 أولاد على ما أذكر.. فالصراحة ما شاء الله عليكي يللي لسه عندك وقت تحاكينا.. مسؤولية الأطفال كتير كبيرة.. ما بتخيل اني اقدر اتحمل مسؤولية خمسة متلك.. ما شاء الله لا قوة إلا بالله.. أنا واحد و طلعلي قرون..
دانية.. في طبخات سهلة و بتخلص بسرعة.. مثلاً اليوم عملت فاصوليا خضرا و قدامها رز بالشعيرية.. فكرك قديش أخدت مني وقت؟؟ نص ساعة بالضبط كنت عم اسكب الأكل.. و كمان رز و بازالياء سهلة كتير.. و في جاج و بطاطا يا بمرقة البندورة يا أما هيك بلا شي.. كمان كتير طيبة و سريعة..
عم فكر أعمل موضوع بمنتدى الطبخ على أكلات سريعة و سهلة.. بس المشكلة ما في صور.. كل ما طبخت طبخة بقول بدي صورها ما بلحق إلا بتكون الطبخة خلصت..
و مشان التسقية.. ما بدها مسبحة.. اسمعي لقلك.. عندكم بالصين حمص معلب مثل هاد؟



بيكون الحمص مسلوق خالص.. بس بتحطيه على النار شوي مشان يسخن و بتحطي نص العلبة فوق الخبزات و طبعاً فوقهم ملح و مرقة الحمص.. و نص العلبة التاني بتحطيه بالخلاط و فوقه فنجان شاي لبن و عصرة نص ليمونة و معلقتين طحينة كبار و شغلي الخلاط و خلصنا.. بتحطيهم فوق الخبزات و الحمصات و رشة كمون و فلفل أحمر على وشها و بتطشي السمنة و صارت عندك تسقية.. أسهل أكلة و الله.. بيطير عقلي بس يقلي جوزي ساويلنا تسقية.. بقول اجى الفرج..
و أمانة إذا خاطر على بالك شي أكلة اسألينا و منساعدك ان شاء الله.. حرام انتي حامل لازم تتهني بالأكل..
الله يقومك بالسلامة

هلا عروس وتسلمي على حكياتك . والله يطمنا هلى هنودة ويعافيها ويشفيها يارب

عروس مشان الله قولولي كيف بتستوي الفاصوليا الخصراء معك بنص ساعة بس ..انا بجيبها طازجة وبفرمها وبحطها بكياس وعلى لفريزر وبس بدي اطبخها بطالعها بقليها مع اللحمة اي بتطلع عيني علبال ما تستوي ...فشو طريقتك انت ؟؟؟