صباحو بنات .....
كيفكن كلكم ان شاء الله بخير ....
اول شئ بدي قول لاية منشان الله لا تواخذيني نسيتك والله سهوا >>>> طيب احلفي :icon33:
وثانيا نايس لسا ما ولدت حكيت معها مبارح بس مشغولة بترتيب بيتها واغراضها على ولادتها >>>وشوية كسل :42: اي الله يقومكن بالسلامة يارب ....

فتاة تسلم ايدك على الوصفة وان شاء الله بدي طبقها عن قريب بتعرفي ليش طلبت وصفات مجربة لانو متل ما بتعرفوا احيانا الشئ الجديد صعب الواحد يحبو مرة من المرات واحدة كتبت وصفة قال عنها غربية ومن كتر ما مدحت فيها رح يطق لها عرق قلت خلص رح جرب هالوصفة الفلجة تبعها بعد ما طبخت وخلصت دقت طعمها :icon33: طلع متل الشيشبرك مو متل هو نفسو قلت يا ربي ليش تحلف وتتعظم والطعمة نفسها ليش عم قول هيك لانو الخانم سورية يعني بتعرف طعمة الشيشبرك من وقتها حرمت <<<< بتعرفوا جاية على بالي هالاكلة لولا شغلها يلي بيهد الحيل ,,,, كسلانة خانم هههههههههههههههههه


دانية طولي بالك حبيبتي واذا بدك بوصيلي من سوق تفضلي على كم متر قماش :22:لا بجد ليش معصبة يا بنتي حلك تتاقلمي مع هالوضع لانك عارفة ومتاكدة انو شغل جوزك ثابت هنيك وما رح يغيرو بعدين متل ما بيقولوا ,,,, اذا لم يكن ما تريد فارد ما يكون ,,,,, يعني اذا انت ما بسطتي حالك ما في مين يبسطك بعدين فكرك انو المغتربات كلهن بيفوتوا وبيطلعوا لا تنسي الغربة صعبة مو متل بلدك امان فيكي تمشي لوحدك نحنا عايشين ببلاد بتكره الاسلام و المسلمين بقا لهيك الحال من بعضو انا قبل ما يرزقني ربي بالاولاد كنت متلك ما بعرف حدا ولا بعرف لغة ولا ضراب السخن وكل الوقت بكا ووالله ووالله ووالله لو تعرفي قديش ندمانة على هديك الايام يلي روحتها بالبكا والنق والسق كنت اغتنمتها وراجعت القران يلي حافظتو قبل ما انشغل متل هلق كنت قويت لغتي كنت ,,, وكنت ,,,, وكنت ,,,,, بعدين لقيت الغربة حلوة من ناحية انو بتقربك كتير من رب العالمين لا تنسي يلي بتكون علاقتو برب العالمين منيحة بحياتو ما بيفوت على قلبو لا هم ولا حزن بعدين تعالي لهون عندك ولد وعلى وش ولادة و
ايقة خلاقك لو كنت قدامي كنت نيشنتك :42:انا قبل ما احبل اول مرة كنت قول لزوجي يا لطيف النهار هون شو طويل بيساوي 2 من نهارات الشام كان يضحك علي ويقول لي لانو ما في شي يشغلك بتحسيه طويل ,,,, تعي شوفيني هلق لو النهار بينوصل معو شئ نهار تاني ما بقول لاء :icon33:من شغلة لشغلة كل النهار وحالفة مية يمين ما في ولاد حتى اجل مسمى ليكبروا يلي عندي الله يسلمهم وتفوت تقى على المدرسة اما جيبهم ورا بعض دق دق وراء بعض ما افضى لعلم كل ولد وربيه منيح الله ما قالها ابنك ما بعرف كم شهر عمرو لا تقولي صغير ما بيفهم صدقيني كل شئ بيسمعوا منك بيخزنوا بعقلو وبعدين بيطالعلك ياه عدي علميه الحكي كيف يمسك الشغلات لو كان عندي وقت كنت كتبت كم شغلة كتبت لي ياهن اختي عن كل مرحلة بيمرق فيها الطفل لان هلق عم اكتب تهريب وسرقة من ولادي وهلق شهر رمضان قوي علاقتك برب العالمين بيصلح حالك وبيسخرلك جوزك وبيخليه خاتم باصبعك .... لا تفكريني ولية انا كمان الي اخطاي وذنوبي الله يعفو عنا بعدين اقعدي اقراي لك ختمة انو الله ييسر لك ولادتك ولا يعزيك لحدا والله بولادتي بتقى كانت من ايسر الولادات لانو عملت شغلات كنت غافلة عنها بولادتي الاولانية منها قراية القران كتيررررررررررررررررر .....بعدين بما انك ما بتعرفي لسا تطبخي منيح عدي على النت وحاولي تتعلمي صدقيني بتتسلي وبيمرق الوقت وبتروقي ومنشان جوزك انو ما بيساعدك لك ستي بلالك هالمساعدة الرجا ل مو فالحين الا ليوسخوا اولهم وبكل فخر جوزي :icon33: الله وكيكل اذا بتركو وبغيب يومين على البيت البيت بيزحل من وساختو لعند الجيران بتمنى انو يكون يساعدني وما يوسخ وبما انو مو هيك ما بزعل حالي ولا بنقهر ان شاء الله اعداءي ويلي بيكرهوني هههههه بس بدعي دائما وابدا وانت ادعي وانتو يا بنات ادعو بهالشهر الفضيل انو الله يسخر لنا ازواجنا .... الله يصلح حالك ويفرج عنك واذا اعتبرتيني ضايقتك وتدخلت بشئ مو من اختصاصي يا ستي لامسح الكلام واعتبريه ما انكتب .....



لوليا تسلم ايدك على الموقع انا والف الحمد والشكر لله بتطلع عندي على الدش قناة اقرا والمجد الاولى والمجد تبع القران والهدي والرسالة والعفاسي بس المشكلة ما بعرف ايمتى مواعيد البرامج الحلوة انتو خبروني عمرو خالد هي السنة يا ريتو عامل متل السنة الماضية برنامجو الجنة في بيوتنا خرج يكون بعد رمضان هلق لازمنا دروس روحانيات لو اخد راي كنت نصحتو بس يصطفل مالو بالطيب نصيب :42:مبارح كتير انقهرت لما كنت على النت طلع معي الـــ عادل امام عم بيسب عمرو خالد والشيخ خالد الجندي الله ×××××× ..... متل ما قلت تعالوا ندعي لبعض بهالشهر الفضيل اولا نحنا بغربة ا دعاؤنا مستجاب لحتى نرجع لبلدنا ( دعاء المسافر ) وتانيا دعوة المسلم لاخيه بظهر الغيب مستجابة وثالثا شهر فضيل ادعولي يا بنات انو الله يفرج عني وينولني مرادي الله يرضى عليكم ......




كليو بترا نغمش قلبي ابعتي ياها على الخاص هنن يصطفلوا :42: وابقى لا تقطعينا ..... مستنيتك هه



منتديات....... قطنا تعبر من ريف دمشق لانها باطراف مدينة دمشق اهلها بسطاء ومنهم بيعتمدوا اعتماد كلي على الزراعة يعني دخلهم منها ..... انا هذا يلي بعرفوا عنها واخوكي اكيد سئل قبل ما يتزوج ..



مزون تروحي وترجعي بالسلامة ..

هيلين تسلم عينك شو مذوقة ومعك حق الله ستر احسن ما اتكل ههههههه.....



زنزون وينك يا بنت الحلال رجعتي على الشارقة ولا لسا طمنينا عنك والله انت التانية نسيتك سهوا سامحيني .....



عروس الشام شو اختصاك بالتفصيل الممل لانو عاجبني وخارط مشطي وحرام تروحيه من ايدك ..... الله يخلي لك غسون وتشوفيه عريس وتجيبي لو اخوات كتار ان شاء الله ....




هنودة ما على قلبك شر وان شاء الله تكوني روقتي هلق ومعها حق امك منشان التلفزيون بس نحنا بغربة ما حوالينا جو اسلامي لهيك بنعوضوا بالتلفزيون ...... بعدين تعالي لهون ليش اخدتي سلملم مني ماشي الحال بشوفوك وبنتحاسب ههههههههههههههههههههه



نور الدرب نسيت تردي علي ولا شو :icon33: ومنشان الاسم ماشي الحال بخليه لابني ههههههههههههههههههههههههه

شام وينك يا بنت الحلال .....



ميسسسسسسسسسسسسسسسسسسسس ارجعي بقا ....



ولي لعيت كتير سامحوني
سلملم وان شاء الله ما كون نسيت حدا
سبحانك اللهم وبحمدك اشهد ان لا اله الا انت استغفرك واتوب اليك

اااااااااااااخ يابنات ماعم اعرف نام الي كم يوم وجع بالظهر كيف ما اتقلب ما ارتاح هاد شي طبيعي ياترى ؟؟؟؟؟؟؟؟؟
بلش يبرد الجو عنا واليوم في غيم الله يبعت الخير ياااااارب
والجلي من مبارح مكوم عم يستنى الملاك الحارس يجليهم اووووووووف والله داقت خلاقي وعم عد الايام لحتى انزل ع سوريا محسوبتكم تعودت عالدلال والتنبله بدي مين يقوم فيني ويخدمني ويسلني كمان
اليوم عندي عزيمه لرفيق زوجي وزوجته عالافطار بس بالمطعم
نور ياحلوه الدكتوره بسوريا قالتلي حامل بصبي بس هون لسه ما رحت عالدكتوره ان شاء الله مفكره اول الشهر الجايه بكون دخلت بشهري السادس باذن الله ومفكره اعمل تصوير رباعي ما بعرف اذا هيك اسمه بس بشوف البيبي بالالوان وان شاء الله ببين معايي عالاكيد اذا بنت او ولد وكلهم نعمه الحمدلله شو عامله لربي ليرزقني الولد سبحانه ماكرمه
دانيه طولي بالك وكلنا بالهوا سوا انا زوجي دوامه هلا برمضان من 9 الصبح لاذان المغرب بيجي بناكل بنقعد فترة اقل من ساعه مع بعض بعدين بروح عالتراويح وبعدها يا اما بيرجع عالبيت بنام يا اما بروح مع رفقاته ساعة زمان وبيرجع فباليوم كله ما بشوفه غير 3 او 4 ساعات بس بسلي حالي عالنت او عالتلفزيون او بقراءة القران نصيحه لاتعتمدي ع زوجك ان هو سبيل لانك تنبسطي لا صدقيني انت سلي حالك
انا برايي مافي رجال بحب يقصر مع زوجته وعيلته بس كمان الوحده لازم تقدر ظروف زوجها وتاكدي لو بلاقي وقت فاضي ما بقصر ابدا
الله يهدي سرنا ويقوينا ع طاعته ويعينا ع غربتنا
في امان الله

أهلين سوسو ،، كيفك حبيبتي هادا يا ستي لأني بحبك أخدت (سلملم) منك بس لا تخافي حقوق الطبع محفوظه ههههههههههههههههه :)
كيفك حبيبتي وكيف البنوتات الله يحميهن بوسيلي ياهن وتسلمي لأنك طمنتينا على نايس والله يقومها بالسلامة يارب

بطوط حبيبتي سلامة قلبك ياعمري بتذكر هيك كانت أختي ماتعرف تنام بأول حبلها يمكن لأنو البوبو بيكون بوضع ما بيريحك!! والله مابعرف بس إنشالله ربي يكتبلك التمام علخير ويفرحنا بقيامك سالمة مجبورة القلب والخاطر إنشالله يارب أنت وكل الحوامل
وربي يبعتلك ملائكة تعينك وتحمل معك وإنشالله تجتمعي بأهلك عكل خير

اية تقبشيني والله سقط اسمك سهوا لا تاخذيني طمنينا عنك وعن بنوتاتك الله يسلمهن

لك تقبشوني انتو وحكياتكن شو بيروحنوني يا بنات اليوم عندي عزيمة ومحتارة شو اطبخ عم فكر ساوي فريكة وكبة
بالصينية وشوربة وتبولة وعندي سبرينغ رول عم فكر اقليهن كمان شو رايكن منيح هيك ولا غير العزيمة لشخصين والله يبارك فيكن يا بنات ويجبر بخاطركن والله فرحت بمباركتكن لاختي وهي جابت بنوتة سمتها راما

يلا سلام

السلام عليكم خواتي ولا وحده منكم ردت علي بتعرفوا المحل او عنوانه او بتعرفوا حد في بلودان اعطوني رقمه وانا راح اتصل
وشكرا