ام جابر.. دورتلك كتير على المحل بس للأسف ما لقيت رقمه..بس اجتني فكرة.. عارفة مطعم عقل يللي ببلودان؟ صاير قريب على معظم المحلات التجارية و بتصور لو تتصلي فيهم و تسأليهم عن المحل ممكن يعرفوه.. جربي..
هذا رقمهم 00963117128604
و ان شاء الله بتلاقيه

نور اذا بتلاقي وصفة سوكسيه بلا بيض لحقيني فيها لأني بحرم ابني من السوكسيه بسبب البيض..

منتديات متل ما قالت ساجدة قطنا منطقة ريفية.. بس من جديد في شوام عم يسكنوا هنيك لأن البيوت أرخص من الشام.. و اذا بدك تعرفي شي عن هالبنت لازم تعرفي اسم عيلتها و تسألي عنها.. اما المنطقة فما بتحدد أخلاق البنت..

هنودة.. الله يسلمك.. مشان العصبية, كان في دورة اسمها ادارة الغضب بالحياة الاسرية بتاخد العقل.. كتير استفدت منها بس مع الوقت بلشت ارجع للعصبية.. بتصور اسلوب تربيتنا نحن العرب بيخلينا عصبيين.. و بعدين منتعامل بعصبية مع ولادنا و بيصيروا متلنا.. و هلم جرا.. لازم شي جيل يكسر هالقاعدة...الله يساعدنا

سوسو شو قصدك؟ بدك تعرفي شو اختصاصي بالدراسة يعني؟؟ اذا هيك قصدك, أنا عملت بكالوريوس مختبرات طبية بيسموه بأوروبا biomedical science
و يا دوب اشتغلت كم شهر و بس طلع قرار تثبيتي انخطبت و اعتذرت و سافرت بعد الزواج.. لأني بأول زواجي عشت بالشارقة.. و هنيك بالامارات ما لقيت شغل متل العالم و الرواتب بتهوي مقارنة بيللي كان معروض علي هون بالمستشفى..
و اذا بدك معلومات عن التخصص أنا جاهزة

بطة.. الله يقومك بالسلامة.. و عادي وجع الظهر.. لسه حيزيد على آخر شهر من التقل.. اتسطحي و ارتاحي قد ما بتقدري.. و نصيحة نامي نامي.. متى ما اجى ابنك ما عاد تعرفي شو يعني نوم..

لوليا كأنوا بيكفي الطبخ يللي حتساويه.. ما شاء الله عليكي.. لحالها التبولة بتهد الحيل من تنقاية و فرم البقدونس.. و ممكن تعملي جنب هالأكلات فول مدمس.. و الله اشتهيت الفول خليني قوم اعمل صحن..
سلام يا أمامير

جزاكي الله خير حبيبتي
والله ينولك اللي بالك :26:

شو هاد ما شاء الله كل هالردود الطويلة

والله ما قدرت اقراهم كلهم سامحوني


خبروني عجبتكم المفاجأة


نورو لوليا الحمد لله انا بخير بس رمضان هالسنة مدري شلون

والله زعلانة من حالي كتبت موضوع عن رمضان اديش كنت متحمسة وهلىء ملاقية حالي مكانك راوح

بس معلش رح نصبر ونصبر بركي الروحانية بتجينا عن قريب يا رب نحنا وكل الحاضرين

دعواتكن يا غاليات

سلام بنات عروس الله يجزيك الخير اسمك معي عالخط اكتبيلي الله يخليك مقادير شوربة العدس خاصة انا ما بساويها الا من رمضان لرمضان