بطه151 :

اتصلت بزوجي قلتله عاللي صار معايي وقلتله تبقا اذا شاف شي جار وهو طالع عالبيت وقله ترى هيك صار مع الحرمه طلعت لتشوف مرتك ما فتحتلها الباب بقا قلتله يقوله ان بكره يجو لعنا الله يكون بعوني اي شو بدهم فيني انا حالي عيفانتها واصلا نوم ماعم نام متل الخلق هنن اتراك وان شاء الله افهم عليهم واعرف جاوب حاكم الزمن الحاضر بقوله ماضي واذا بدي اشرح جمله وزمنها بالمستقبل باشر بايدي وبشلفها عشر متار لقدام مشان يفهم اللي قدامي ان الجمله للمستقبل وحااااااااله الله يعينا وياقلبي يافتاه مافي عرب هون غير طلاب هاد على حد علمي ونتائج ابحاثي بس من قبل قلتلكم اني تعرفت ع جماعه الاب تركي بس الام ليبيه والحمدلله جماعه قوادم وحبابيين ساكنين بنفس حارتنا بس مو جيراني بالنسبه للحلو اليوم عملت بودينغ بالشوغولاته والبندق هههههههه حلوه شوغولاته مو يالله دعواتكم

اتصلت بزوجي قلتله عاللي صار معايي وقلتله تبقا اذا شاف شي جار وهو طالع عالبيت وقله ترى هيك صار مع...

عروس الشام :

فتاة دعاؤك حلو كتير.. عجبني رح الطشو بعد اذنك :) و شو هالتسقية يا منظومة؟ و الله ما اتعرفت عليها.. انو التسقية طايبتها بمرقة الحمص و انتي حاطة تحتها محرمة!! شلون حطيتي المرقة لكن؟؟ و وين البدوة؟؟ و هيئتك حاطة على الوش كزبرة بدال البقدونس و الله أعلم.. مدري ليش هيك حسيت.. حاسة حالي عم العب ايجاد الأخطاء العشرة بالصورة ضحكتيني يا بطة على اسلوب الحكي :) ذكرتيني كيف منحكي مع الهنود هون :) شام.. ما شاء الله عليكي.. هيك الهمة و لا بلا.. و يا ستي شوي شوي بترجعي بتتعودي.. أنا سجلت السنة الماضية بالجامعة على أساس كمل دراسة.. طبعاً بعد اسبوع اعتلت صيحات الاحتجاج و ابني صار يشتقلي و جوزي اشتاق لطبخة متل العالم لأن ما عاد عندي وقت.. فتركت.. بس أحلى شي اني من أول يوم بلشت بالجامعة ركضت على المكتبة و اشتريت دفتر عليه ورد و قلوب (متل أيام المدرسة) و جبت أقلام ملونة و كلاسور و تفننت.. حسيت حالي بنت صغيرة رايحة على أول يوم بالمدرسة و بدها تجيب اغراض المدرسة.. احساس بياخد العقل.. آهه.. عن جد اشتقت للدراسة. بس ادرس بحس حالي ALIVE غسونة صرلو كم يوم صاير عصبي و خلقه براس مناخيره.. بيقول مي ما بسمعه بيعيدها بصريخ ميييييييييييي لحتى يسمع الحارة كلها.. و ما شاء الله صوته مو جعران إلا شوي.. قده قد الفارة و صوته ملات الحارة.. و أحلى شي بس يعصب علي بيبطل يناديني ماما.. بيناديني باسمي بعصبية.. ما بلاقيه إلا عم يشدني من أواعيي و عم يقول (مايا تعي) طبعاً بصريخ مو بصوت عادي.. خربت أخلاقه للولد.. نحن منصوم و هو بيعصب...

فتاة دعاؤك حلو كتير.. عجبني رح الطشو بعد اذنك :) و شو هالتسقية يا منظومة؟ و الله ما اتعرفت...