سوسو الغالية يبعتلك الهنا إنشالله أي تكرم عينك بدعيلك من كل قلبي ( والله أنا ماعم انساكي بنوب وطول الوقت متذكرتك ) يسلملي هالتم إنشالله لك تقبري قلبي شو حكياتك ظراف بيتنعنش قلبي وقت بقراهن الله ينولك يللي ببالك ياحق

عروس خزية العين مو تاركة حدا إلا وسألانه عنه ما شالله ملاحقه عالكل الله يجبرك وينولك يللي ببالك ويهديه لأخوك ويصلحلو حالو هو وكل شباب أمة محمد وربي يحميه من كل مكروه بجاه حبيبو محمد حاكم الصحبه بزمانا هاد كتير مهمه الله يرزقه الصحبه الصالحة هو وكل يللي متله

شامو حبيبتي الله يوفقك يارب ويقويك ماشالله عم تدرسي ؟؟ الله يحمل معك يا رب

لوليا حبيبتي الله يوفقك وييسرلك أمرك ويطلع البريزينتيشن متل مابدك وأحسن إنشالله
أنت بس قولي ( اللهم دبر لي أمري فإني لا أحسن التدبير ) وإنشالله ما بتلاقي حالك إلا توفقتي للي بدك ياه وأحسن

سوسو حبيبتي مشان الفطور نحنا اليوم عنا كبه مقليه وتبوله وشوربة عدس وتسقيه اتفضلو معنا
والحلو سلطة فواكه

ومشان الدعاء بدعي لأبي وأمي يقبروني إنشالله ولأختي وأبنها ولأخي ولولاده ولمرته ولكل إخواتي ورفقاتي وبدعي لحالي طبعا(هههههههه) وبدعيلكن معي وحده وحده حاكم كاتبه كل اسمائكن بورقه وكاتبه قدام كل وحده شو بدها وبضل ادعي طول اليوم
وبدعي لستي تقبر قلبي الله يشافيها ويعافيها ويديمها فوق راسنا ولايحرمنا منها رب العالمين أبدا لأنو تقبش قلبي كتير طيوبه وحبوبه

يلا حاجتي كترت حكي ،، بخاطركن
ولا تنسوني بالدعاء أمانه هه!!

كيفكم بطبوطات
اليوم فقت عم ارجف من هالفصل اللي صار معايي
انا بالعاده بنام للساعه 1 او 2 الظهر فاليوم الصبح الساعه 11 مالقيت غير باب البيت عم يدق 3 دقات ورا بعض رحت فزيت من التخت بسرعه واجتني هديك الدوخه وماعد اقدر طس قدامي وبعد ما رجعلي نظري رحت تطلعت من العين الساحره هي اللي بتكون بباب البيت واذ جاراتي جايين لعندي شي 5 او 6 نسوان وهي اول مره بيجو لعندي وانا مالي خبر بجيتهم بجد كلي تكركبت ماعد اعرف شو بدي اعمل غرفة القعده كانت قايمه قيامتها وانا دايخه وهنن لسه عم يدقو الباب جد قلت نكايه فيهن ماني فاتحتلهم وضلو يدقو شي 5 او 6 دقات تانيات وبالاخر حملو حالهن وميشو
القريضه ماتقل دمهم يعني الدنيا رمضان ولسه الصبح ومالي خبر بجايتهم ولسه قويان قلبهم وعم يدقو الباب اي شو هالعالم هي بدها كت بانزين وحرق هههههههههه ارهابيه مو

اليوم زوجي عازم رفيقه عالافطار هو سوري عزابي وعم يدرس هون بتركيا بدي اعمل شوربة عدس ونزل كبه مشويه من الفريزر ورح اعمل باميه وجنبها برغل بشعيريه ومابعرف شو بعمل كمان

شايفه شوربة العدس كل مين اله طريقته فيها انا بالاول بحط العدس عالنار وشوية ملح ولما تغلي المي بشيل الرغوه من عالوجه وبحطله بصل ولما يستوي العدس والبصل بحطهم بالخلاط وبرجع برجعهم للطنجره وبضيف لهم فليفله حمراء ناشفه وكمون وبكترهم وبظبط الملح واذا بدي حطلها لحمه بقلي بالطوايه لحمه ناعمه ولما تستوي بضيفها للشوربه واذا ما بدي حط لحمه بحط اصبع زبده بالشوربه والحمدلله كل مين داقها حبها
المزه الف الحمدلله ع سلامتك وان شاء الله ما بتشوفي شر يارب وعم نستنى اخبارك دائما
هنوده لولولولولولوليش مبروك الاشراف والله يوفقك وينور دربك يارب وان شاء الله بنشوفك دائما باعلى المراتب
مزون ان شاء الله بتروحي وبترجعي بالسلامه يارب وتقضي وقت حلو ان شاء الله
في امان الله

سلام لكم يا حلوات ...والله دخت من هالصبح مالي عرفانة على مين رد ماشاء الله عليكم والله يديم عليكم هالنشاط

اول شي هنودة الف الف مبروك الاشراف والله بتستاهليه والله يعينك عليه

ست الحسن مية اهلا وسهلا والله كل ما بقرأ اسمك بتذكر ايام جالفستون الله لا يعيدها من ايام ... انت شو اخبارك ؟؟ ترى انا اذا بنتي عملت شي عملة مرتبة بدل ما سبها بقول لها ست الحسن ..يعني قالبة الاسم مع ان معناها حلو هههههه

مزون تروحي وبرجعي بالسلامة يارب والله يهينيك وتقضي ايام احلى من الي قضتها ساجدة ههههههههه

المزة الحمد لله على سلامتك ..خليكي معنا حتى ما تجيكي حالة ما بعد السفر الي صابت اغلب البنات " هلا انتي ليش هيك عم تقولي لي لها ..هذا انا عم احكي مع حالي هههه" ...يا ستي مية اهلا وسهلا فيكي بيننا مرة تاني

لوليا الله يوفقك يارب وتطلع متل ما بدك ولول ان ما فهمت شو هي ...ساويتي متل اولادي كلمة عربي كلمة انجليزي ههههه

عروس الله ...هاي صعبة كتير قصة اخوكي لان الرفقة اهم شي الله يهيده ويصلح حاله يارب

البقية مية اهلا وسهلا واعذروني اذا ما رديت عليكم وحدة وحدة ....

مشان الفطور زوجي اليوم مسافر الله يهون عليه سفره ويوفقه ويرجعه بالسلامة لذلك رح اطلب بيتزا بما ان ما حدا منكم عطاني فكرة لشي تاني

ومشان الدعاء في كتير دعوات بدعيها دائما ... اهمها ان الله يبعدنا عن الحرام عن النظر الى الحرام وعن الاستماع للحرام وعن اكل الحرام وشرب الحرام وكل ما هو حرام

وان يعيني وزوجي على تربية اولادي التربية الصالحة الي ترضي ربي عنا

وان ييسر لنا عودة قريبة الى اهالينا سالمين غانمين

وان الله يحفظنا من الكفار واعداء الدين ويورجينا فيهم غضبه وجبروته

وان يشفي مرضى المسلمين وينصر المجاهدين في كل مكان ويرحم موتى المسلمين

واهم شي ان يجمعني مع زوجي واولادي واهلي واقربائي ومعارفي واحبائي في الفردوس الاعلى ان شاء الله


سمعت على التفزيون حديث ماني عرفانة نصه لكن بما معناه ان بيجي يوم القيامة رجلين واحد عمل كتير من الصالحات والاخر عمل القليل فيدخل الي عمل القليل الفردوس الاعلى ويدخل الي عمل الصالحات الكثيرة الجنة ...فيسأل ربه عن السبب فيخبره الله تعالى بان الذي دخل الفردوس الاعلى كان دائما يدعوه ان يدخلها فاعطاه الله ما يريد وان الذي عمل الكثير من الصالحات كان يدعو الله بدخول الجنة فاعطاه الله اياها

قال الرسول صلى الله عليه وسلم: (إذا سألتم الله فسألوه الفردوس فإنها أعلى الجنة ومنها تفجر أنهار الجنة )حديث صحيح

شامو عم تكملي دراسة.. الله يوفقك.. برافو عليكي.. عقبالي تنحل عقدتي و لاقي شي جامعة كمل فيها..
لوليا.. الله يوفقك يا رب.. شو البريزنتيشن تبعك؟ مقدمة على وظيفة؟ الله ينولك يللي ببالك

هنودة ما أطيبك.. و الله ما شفت متلك بنوب.. قال كاتبة أسمائنا وحدة وحدة.. عن جد انت بتتاقلي بالدهب..
يا ستي معناتها اكتبي اسمي مو المعرف تبعي.. اسمي مايا على فكرة..
و ان شاء الله أنا كمان بدعيلك.. اتدللي انتي بس :) بتستاهلي

بطة... ههههههههههههههههههههه
ذكرتيني بحالي.. عملت هالحركة كذا مرة الله وكيلك.. أول ما اتجوزت سكنت ببناية فيها بواب.. و جوزي كان دائماً برات البيت.. فالبواب أحيانا يجي يدق الباب مشان شي شغلة طلبها منه المالك (أوراق, تصليحات...) كنت وطي صوت التلفزيون مشان ما يعرف اني بالبيت و ما افتح
و جيراني هون كمان مرة دقوا علي و كنت مو مجهزة حالي و أنا أكره ما علي الزيارات الفجائية.. منبهة على أهلي يدقولي قبل ما يجوا لعندي.. على الأقل اغسل وشي :)
قامت اتصلت جارتي فيني و قالتلي وينك يا منظومة سمعانة صوت ابنك و عم دق الباب و ما عم تفتحي !! طبعاً أسقط في يدي..هههههه
انو شو بدي قلها.. قلتلها كنت عم اتحمم و بتعرفي ما في حدا غيري ليفتح الباب.. و مو معقول نط من البانيو لافتحلك.. فيا ريت المرة الجاية تدقي قبل ما تجي.. مو مشان شي بس مشان ما فوت اتحمم...
أبوك يا الذكاء..
يللا خلوني قوم حط الفطور مو بقيان شي..سلام

بطة نسيت اقول لك الموقف تبعك رهييييب ياما صايرة معي وانا بعطي طناااااش .... بس الي عم يدقوا عليك انتي وعروس هدول عرب ولا لا؟؟


نسيت اقول لكم شغلة ..انا امبارح عملت تسقية بس في غلط ساويته مين بتقدر تكتشفه ؟؟ يلا اعتبروها فوازير رمضان ههههه

هذا الصحن صورته لكم ...