هنوده الحبوبه :

نايس لك تقبري قلبي إنشالله كيفك يا قلبي إنشالله بخير والله عم ادعيلك من كل قلبي ربي يقومك بالسلامة مجبورة القلب والخاطر ومشان الأدعية لعيونك والله ،، إنشالله رح اكتبلك كم دعوة على كيفك لا يكنلك فكر بس أنت أهم شي لا تنسينا بالدعاء أمانه هه،، ___________________ قال جبرائيل عليه السلام يا محمد والذي بعثك بالحق لا يدعو احد بهذا الدعاء إلا غفرت ذنوبه واشتاقت اليه الجنه اللهم اني اسألك ايمانا دائما و اسألك قلبا خاشعا و اسألك علما نافعا و اسألك تمام العافية و اسألك دوام العافية و اسألك الشكر على العافية و اسألك الغنى عن الناس __________________________ دعاء فك الكرب ((لا اله الا الله الحليم الكريم لا اله الا الله العلى العظيم لا اله الا الله رب السماوات السبع ورب العرش العظيم )) _________________________ لا إله إلا أنت سبحانك إني كنت من الظالمين (لم يدعُ بها مسلم في شيء إلا قد استجاب الله له) ________________________ ورد في الأثر عن الإمام محمد بن واسع أنه كان يدعوا الله كل يوم بدعاء خاص ، فجاءه شيطان وقال له : يا إمام أعاهدك أنى لن أوسوس لك أبدا ولن آتيك ولن آمـرك بمعصية ولكن بشرط أن لا تدعوا الله بهذا الدعاء ولا تعلمه لأحد ، فقال له الإمام : كلا سأعلمه لكل من قابلت وافعل ما شئت . هل تريد معرفه هذا الدعاء ؟؟؟؟ كان يدعوا فيقـــول : اللهـــم انك سلطت علينا عدوا عليما بعيوبنا - يرانا هو وقبيلته من حيث لا نراهم - اللهـــم آيسه منا كما آيستـه من رحمتك .. وقنطــه منا كما قنطـته من عـفوك .. وباعــد بيننا وبينه كما باعـدت بينه وبين رحمتك وجنتك .. آميــــن يا رب العالمين _______________________ دعاء عظيم قد يكون سبباً في دخولك الجنة قال ابن مسعود: سمعت رسول الله صلى الله عليه وسلم يقول لأصحابه: أيعجز أحدكم أن يتخذ كل صباح ومساء عند الله عهدا؟ قيل: يا رسول الله وما ذاك؟ قال: يقول عند كل صباح ومساء ((اللهم فاطر السماوات والأرض عالم الغيب والشهادة إني أعهد إليك في هذه الحياة بأني أشهد أن لا إله إلا أنت وحدك لا شريك لك وأن محمداً عبدك ورسولك فلا تكلني إلى نفسي فإنك إن تكلني إلى نفسي تباعدني من الخير وتقربني من الشر وإني لا أثق إلا برحمتك فاجعل لي عندك عهدا توفينيه يوم القيامة إنك لا تخلف الميعاد)) فإذا قال ذلك طبع الله عليها طابعاً ووضعها تحت العرش فإذا كان يوم القيامة نادى مناد أين الذين لهم عند الله عهد؟ فيقوم فيدخل الجنة _______________________

نايس لك تقبري قلبي إنشالله كيفك يا قلبي إنشالله بخير والله عم ادعيلك من كل قلبي ربي يقومك...

الساجدة لله وحده :

صباحو يا حلوين ....... الملكة الباكية تاحمد لله يلي رح ترجعي للشام ان شاء الله الف مبروك ...... مايا (شو حلة هالاسم ) تسلمي لي عينك شو طيوبة انا ما قلت تكروالي شو بتدعوا للعيلة وعيلة العيلة يحرق حريشك فهمتوني غلط :22:انا قصدي مين بتتذكري من اعضاوات الحارة قصدي نحنا ههههههههههههههههههه وبتدعيلها بس لا تزعلي هه هيك اكسبت اتعلم منكم كم دعوة لو بتعرفوا شو بدعي كل يوم ولمين عليم الله ببدا قبل المغرب بساعتين منشان لحق اخلص على وقت الفطور ههههههه الي لوحدي كومة طلبات من ربي يقبرني بعدين بتبدا العيلة وعيلة العيلة واول دعوة بدعيها يا بنات من انا وصغيرة لقطتها من امي تقبر قلبي هي انو يا رب تبعدعني الحكام والظلام وشر اولاد الحرام انا وجوزي وولادي واحبابي هي الدعوة ما بتفارق تمي ..... وذكرتيني بميمونة ومسعود اخ على هديك الايام ودخلك بتتذكر ي ساندي بل فلونة وهايدي وعدنان ولينة امممممممم ونسيت بتصدقي بالله من فترة سنتين حطوا على قناة عمان بضم الميم ساندي بل وصاحب الظل الطويل سجلتهم على شرايط فيديو وقلت بكرا بورجيهم لولادي شو كنت شوف >>>>> كذابة الك مو لولادك ههههههههههههههههه وجوزي كل ما شافني عم سجلها يفرط ضحك ويقول الله يثبت علينا العقل والدين قوم قول لو سبحان الله نفس دعوتي لما تشوف مباريات وتلعي قلبي فيها ......... :42: والله يخلي لك غسون حلوة هي انتي بتصومي وهو بيعصب عنك ههههههههههههههه .... ويلا عطيني طريقة البف لجربها .... انا ما قلت لكم اكتبوا شو طابخين الا لاخد الافكار لانو الله وكيلكن رزرز قلبي من الرز وبرغل قلبي من البرغل لانو كل اكلة لازم يكون جنبها رز او برغل وهون الرز الله يصطفل فيه لانو مجنني هنيك بالشام طبخة برز قصير متل ما بيقوا عنا طلع رووووووووووووووووووعة بس هون مالي عارفانتلوا طول ههههههههه قولتكم قيسوا ولا لاء انا طابخة اليوم فريكة وجنبها شوربة عدس وعملت كم كباية مقلية والطبق الصميدعي تبع كل يوم فتوووووووووووووووووووووش :icon33: لوليا بيضي وشنا هه لا تنكسي عقالنا الله يرضى عليكي :42: الله يفتح عليكي وينولك يلي بدك انت وكل واحدة هون يا رب .... شام لك اهلا بالعكيد ام محمد عم تكملي دراستك الله يفتح عليكي ... هنودة والله القلوب عند بعضها الله يجبر خاطرك وافرح فيكي عن قريب ...... بطة فررررررررررررررررررطتيني من الضحك على حكيك بالتركي وقت تشلفيه الله يعينكي بحسها لغة صعبة طيب وقت بدك تحكي بالماضي يمكن بتشلفيها لورا هههههههه بعدين شو جابهم برمضان انا كنت شوف اهلي لما بدن يوحوا لعند حدا يباركوا لو بالشهر يروحو بعد الفطور يقضوها بنص ساعة وبيجوا وهيك لما حدا بدو يجي لعنا بعد الفطور لانو بقلب النهار الواحد تعبان وحلقو ناشف وعندو طبخ ونفخ ..... دخلك بيصوموا كلهم لانو بعرف انها دولة علمانية ( استغفر الله ما بيعترفوا بوجود اله ) فبالتالي ما حدا لا بصوم ولا بيصلي يمكن هنن مو صايمين هههههه ... انا معي بكور الفرنسي كم واحدة تركية وقت يبدوا شضم ما حدا بيفهم عليهم والكل بيتجاكر منهم .... وبحس الاتراك شا يفين حالهم مدري انا هيك بحس .... معي بالبناية تبعي اكتر من عيلة تركية ( وشزية افارقة يالطيف شو بكرههم اكره شئ على قلبي الافارقة والتمييز العنصري :22: ) ووقت بيشوفوني بيسلموا او انا يلي ببدا بس بيردوا مدري كيف بالف غصب والسلام بيردوه بونجور :angry2: والله يعينك منشان جيرانك هلق ظبطت معك متل ما كانت تظبط معي بس لما يجوا الاولاد شي بيسود الوش وشرطك يلي بيدقوا غرباء لهيك بخاف ما بفتح او اصحاب دعايات ومرتين جارتي المغربية وكنت يومها قايمة قيامة البيت عم عزل وتقهرني ما تجي الا لما كون ناكتة البيت وناكتة شعراتي ههههههههه وبالحالتين ما فتحت لها بس لما شفتها وقالت لي قلت لها نفس عذرك يا مايا ههههههههههههه ...... فتاة يجرق حريشك مصورة الصحن انا كنت بدي قللك انو الخبز ما بينقلى يمكن هي الغلطة هههههه شو في الذكاء انا ما بقلي الخبر لانو لما بينحط عليه الفقسة اذا كانت بزيت او البدوة اذا كانت بسمنة رح يتشتش بعدين بحياتي ما دقتها بخبز محمص حتى الفتوش بيصير معي حرقة اذا قليته المهم منيح يلي زبطتي الوضع وما ردحلك ابو الشباب .... والله يخلي لك ابنك يا رب ... بنان ... يحرق حريشون الولاد شو حكياتهم حلوين فرطني ضحك على تفسير الاية .... والحمد لله يلي عجبوكي النكت بتعرفي امنيتي فوت الفرح على قلب كل مسلم مؤمن مقهور او مظلوم او مكسور خاطرو او لاي سبب من الاسباب ....لك افرحي وانبسطي ما حدش واخد منها حاجة هههههه وشفتي التمثيلة يشهد الله كنت رح فوت اخنقوا لهدا يلي حط القفل على باب الدكان وفضحوا لابو عصام >>>>> طولي بالك رح يطق لك عرق ههههه مبارح كانت بتهز البدن وما شاء الله حولوا عصام عبه جي دغري انحمق وخلا ابنو يطلق خطيبتو ..... على كل حال بيفور قلبي بساعتها وباقي الوقت بحاول ركز على العبادة وانتو هيك اعملوا لا تفكروا فيها الا بساعتها والله لا يلهينا عن عبادته ..... هيلين يا احلى هيلين القلوب عند بعضها اه لو تعرفي شو بهالقلب لتقولي هي لازم بحياتها ما لازم تضحك بس شو لعمل نكد حالي والعمر رح عيشو مرة واحدة انا بالنسبة الي اهم شخص بالوجود بتعرفي ليش اذا كنت منيحة وبصحة نفسية وعاطفية منيحة زوجي وولادي بخير واذا لاء هنن اكلو هوا:42: بعدين شو اجلني من الزعل الا المرض والقرف كنت بالاول كتير اخد على خاطري و و و و و و شو استفدت اجاني خمول الغدة ما اجاني الا من نفسيتي الزفت اول كم سنة وزيادة وزني طلع من خمولها وهر شعري وهي لوحدها بتعد بتلعب بالحالة النفسية للانسان خليها لربك من فترة حس حالي من لي حيل قوم من التخت وربي يشهد لولاد ولادي ما بقوم حالتي حالة اتصلت بدكتورتي قالت لي اعملي تحليل دم وتعالي لقيت بالتحليل انو لازم تعليلي الدوز منشان هيك عم تصير معي هالاعرض وعطتني محاضرة قالت لي قبل ما تنزلي على الشام كانت نتايج تحليلك كتير منيحة شو صار لك الله وكيكلكن طلعت من عندها كل عين هالقد قدها من قهري على حالي بقا خليها لله وانت ادرى بـــــــ سكوسوكو يلي بيناتنا :icon33:ادعي امانة الله يشفيني منها لانو حالتي حالة وادعي لي ينزل وزني ( قضية الساعة ههههههههههه ) صرت طنش ما بيهمني بهالحياة لا زوج ولا ولاد ولا حدا بايعتها هههههه .... مبارح قال لي زوجي ليش ماسه عم تعيط و و و و انت هي حطوا مليون خط تحتها ما عرفتي تربيها وهو قالها وانا كان ضارب اخر فيوز من تعبي وركضي كل النهار قلت لو لانو لما كتبت كتابك علي كتبو جارية مو زوجة انا احبل واولاد وربي واطبخ وانفخ و و و و و وانتو يا هالرجال هارون الرشيد بدكن كل شي لعندكم ايدي بايدك مو على الترباية لوحدي ووقت تنزعج منها حط سداد ات باذانك قال لي كلمة قلتلو جريدة هههههه( جتنا نيلة بحظنا الهباب ) >>>>> بدينكن مو قوية .... لا تغتروا مو كل الاوقات هههههه... بتعرفوا كل ما اتذكر نكتة وزير الرياضة الاردني بفرط ضحك لوحدي >>>>> مجنونة ولسا عندي كمان اكتبهم ولا لاء يلا حاجتي لعيت كتير ان شاء الله ربي يعطي كل واحدة منكن سؤلها وينور قلبها وطريقها بنور من عندو يا رب ويفرج عني يا رب ..... اللهم اني اصبحت منك في نعمة وعافية وستر فاتم نعمتك وعافيتك وسترك بالدنيا والاخرة ( 3) مرات الصبح ومتلهم المساء كان حقا على الله ان يتم عليه هي نصيحتي الدينية سلملم

صباحو يا حلوين ....... الملكة الباكية تاحمد لله يلي رح ترجعي للشام ان شاء الله الف مبروك...