كيفكم ...انا اليوم مدري شبي حيلي مهدود وبطاريتي فضيانة من الصبح ...الله يقويني

شو كنت بدي اكتب ...نسيت ...مشان الله سامحوني مارح رد على الكل راسي واجعني ...

بس كنت بدي قول المزة لا تاخذينا الواحد احيانا ما بينتبه لرد او بينشغل بشي رد ...بس حقك علينا

نايس الساعة كم بيطلع برنامج الجنة في بيوتنا على ابو ظبي؟؟

دانية نسيت اقول لك الله ييسر لزوجك وزوجي شغل بالسعودية بجدة ونصير صحبة هنيك كمان

فتاة البرنامج بيطلع الساعة 9 الصبح على ابو ظبي يعني على وقتك 8 الصبح والبالليل بيطلع 1 بالليل عندي وعندك 12 متأخر والله الله يعينا بس الحلقات رهيييييية وممتازة الله يجزيه الخير فيها تعليم التعامل مع الأولاد والازواج والحب المفقود والعاطفة القوية والطاعة المشتركة بين افراد الأسرة

كلامه يوزن بماء الذهب

الله يعلمنا ما ينفعنا يا رب


دانية ..... يخزي العين حولك عندك قريحة بالكتابة

يا ستي انا داق خلقي من المسلسل نبارح وانهز بدني وضليت طول الوقت عم فكر فيه وزعلت
بعدين رحت دورت على احداثه بالنت ولقيت احداثه الكاملة ولقيتها بتفرح القلب وبتهدي

بس ما روحت بهجة المسلسل لا يعني منشوفه ونحن مرتاحين

انا عملت هيك مشان ما يضل بالي مشغول فيه حتى بالصلاة استغفر الله العظيم صرت فكر فيه مو بايدي ,

هيك أريح وخلص امته من بالي

نايس حقك على شواربنا ووالله ما شفت انو بدك ادعية على كل حال رح اكتب لك كم دعاء مو هلق بس لتولدي ههههههههههههه وربي يسلم ايديكي على هالموقع كل واحدة فتحتو واستفادت منو كلو بميزان حسناتك ................بس بدي اعرف كيف بتنكشي هالمواقع ؟؟؟؟؟؟؟؟؟؟؟؟
فتاة سلامة راسك ......
هنودة يسلم لي قلبك على هالدعوة الحلوة متلك الله يجبر بخاطرك يا رب ......
شامو بتعرفي انا حسيت انو برنامجو الجنة في بيوتنا مو خرج رمضان هلق برمضان لازمنا متل برنامجو باسمك نحيا حتى بقية الفضائيات مو كل هالقد برامجها الدينية اي صحيح في برنامج الدكتور عمر عبد الكافي بيطلع على قناة الشارقة الساعة واحدة بتوقيت غرينيتش بعد الظهر يوميا كتيررررررررررررررررررررررر حلوتابعوه ....
وكنت بدي قولكم من زمان انو لا تسمعو لهادا يلي اسمو على الجفري شئ ليششششششششششششش (لانوو كان بالشام ) ؟؟؟؟؟ لانو مشايخ الشام واولهم الشيخ كريم وجه لو رسالة بعد ما القى محاضرة سب فيها الرسول عليه الصلاة والسلام بحضرة كل مشايخ الشام عينك كنت عينك ومدح بسيدنا علي قام وجه لو رسالة ينبهه فيها لغلطو وعلى قولة واحد كان موجود معهم انو الشيخ البوطي كتيرررررررررررر تنرفز وقام ترك القعدة كلها بعد ما وجهه لو كلمتين .... بقا شو ديانتو ولمين ولائه الله اعلم .....
كنت بدي اسالكم اذا بتعرفوا شي موقع فيه مناجاة للشعراوي كلمات احيانا بيحطولوا ياه بالتلفزيون بعد الاذان مناجاة بتجنن انا قلت يمكن هي الحكم العطائية ودورت بالموقع يلي حطتو نايس ما لقيت اذا بتعرفوا عطوني الله يرضي عليكم .....
دانية يحرق حريشك ما بتعرفي بنت ولا صبي !!!! يلا هيك المفاجاة احلى وكيف نفسيتك هلق منيحة ولا ...... الله يقومك بالسلامة انت وكل الحوامل .....
المزة يا ست الكل انا والله كتبت وسالت عنك وقلت لك طمنينا ان شاء الله ما تاذيت من هالحادث الله يشفيكي ويعافيكي يا رب .....
سلام لروح حضر الفطور ...

مراحب يا حريم حطو على راسكم لا تخلو حدا يشوفكم بالقرعة ههههههههههههههه عم حاكينكم من بين الاف علب المحارم ليش لانو مكربة كريب بيسطح سطح وفوقها اليوم شرفت الخانم .................وعلي لسا 3عزايم وكلن بدن يوم الجمعة حلوها بقى...............وانشالله نازلة بالشام عالعيد ولسا علي كومة لف وفتل بالاسواق ...............كيفكن انتو .............بنبلش عروس حبيبتي كيفك وكيفو ابنك .................الله يحميه وعلى سيرة لبينج انا عملت 3عمليات ب3سنين 2قيصرية ووحدة استصال الغدة الدرقية الله وكيلك كل سنة بنزل على الشام اجازة بفوت على دار الشفاء حفظوني والنهفة انو نفس دكتور التخدير اخر مرة قلي روحي ولا بقى تورجيني وجهك بنوب هههههههههههههههههوانا لما بفيق بحس حال كانو متت ورجعت عشت وجوزي بيقلي اني صحيت وحكيت قصص وسير بس انا سلامتك ما بتذكر شي ابدا................
هنودة خانم مبروك الاشراف بيضتيلنا وجهنا .............
نايس الله يقومك بالسلامة انت ومزون ولا تنسو تدعولنا وتطمنونا عنكم
نور كيفك حياتي ام النورو كتير امورو هيك بدلع بنتي ههههههههههههه
لوليا كيفك وكيف الامامير ................
المزة الحمدلله على سلامتك كلو اجر وعافية باذن الله
شامو والله احسن شي الدراسة بتحس الوحدة حالها عايشة
فتاة سورية يعني هالفتة بتشبه كلشي الا التسقية هههههههههههههههههههههههههه انشالله صحة وهنا
بطة يا بطة الله يعينك على هالجيران والحكي التركي ..............ز
سوسو خانم بيجننو النكت هاتي كمان .................وانا كمان عندي مشاكل بالغدة لاني عصبية كتير وبحبس جواتي ......................
هيلين كيفك ضحكتيني على ابنك انو بيمشي متل معتز ههههههههههه الله يحميه
دندونة لا تواخذيني ما رديت عليك بس والله كتير تعبانة كيفك وكيفو ابنك .............الله يقومك بالسلامة................وشو اخبار الطبخ والنفخ ومبروك الدش والله بيفش القلب ............
سما خانم وينك غاطة بهالجامعة حاكينا وخدي الغلة................
يتصور ما نسيت حدا ...............مو واذا حدا سقط اسمو سهوا لا يزعل لانو اسمي صاير عم يسقط سهوا كتييييييييييييييييييير ههههههههههه الحكي الك يا كنة اسمعي يا جارة معليش كانو ضاربة فيوزاتي يلا سلملم ولا تنسونا من الدعاء ..........

تسلملي عينك المزة اذا كنت مسافرة مابننساكي شلون وأنت معنا والله ببالنا وان شاء الله صرتي أحسن بعد الحادث حكينا شو صار معك
نايس عيوني الله يرضى عليكي كل يوم صلي ركعتين على نية تهوين الولادة واختيار الخير وان شاء الله بتقومي مجبورة الخاطر
دانية وفتاة الله يكتبلكن السفر عالسعودية والله أنا بحبها ومرتاحة فيها عموما الغربة بالبلاد المسلمة مو غربة بيكفي أنك بتسمعي صوت الآذان وبتحسي بطعم رمضان وبتروحي بتساوي عمرة وأنت مرتاحة أنا حجيت من عشر سنين وهلأ ناوية حج هالسنة الله يكتبلي ياها بس العمرة كل سنة بروح بعتمر
بطة ان شاء الله بتقومي بالسلامة بتعرفي أنا بسمع أنو بتركيا في دين قوي بس مو ظاهر والفساد فيها كتير
عروس الشام طلعنا جيران نحنا أخدنا بيت بمشروع قرى الشيخ زايد بس مابعرف كل تفاصيل المشروع مشان هيك سألتك عنه وعم يقولوا أنو الدوحة سيتي حيطلع حلو بس غالي مابعرف اذا هالمعلومات صح
وهي أحلى سوكسية لأحلى غسون وبدون بيض
قالب زبدة صغير بحرارة الغرفة ,علبة قشطة ,3أو 4ملاعق كاكاو ,سكر حسب الرغبة ,نص كاسة حليب.توضع جميع المقادير مع بعض على نار خفيفة حتى يذوب السكر وتمتزج المقادير مع بعضها تترك لتبرد بتضيفي البسكويت المكسر وبتحطيها بكيس نايلون أوورق قصدير وبتلفيها متل الرول وحطيها بالفريزر وألف صحة وهنا يعني متل طريقة والدتك بدل البيض حطي علبة قشطة
آية ياميت أهلين وسهلين وين القمر مو مبين الله يعينك عالكريب علقني أول أسبوع من رمضان ولهلأ لصرت أحسن ان شاء الله بتروحي وترجعي بالسلامة وبدون تخدير