المزة أهلين حبيبتي والله منورة بيناتنا الله لايحرمنا هالطلات إلاهي
ضلك عم تطلي علينا يا حلوة

دندونه يخزي العين حولك وحواليك ملاحقه عالكل ما شالله عليك ،، بتعرفي أنا كمان صايره كتارة حكي لسه الماما من يومين عم تقلي شبك شو صرلك ليش هيك صايره عم تحكي بسبب ومن دون سبب
الله وكيلك صايره عم اتفشش بالحكي وطول الوقت عم قلها للماما تعي عدي معي ومنضل أنا وياها نحكي ليطق قلبها وبعدين بتقوم وبتقلي حاجتك ما وجعك قلبك هههههههههههههههه


فتاة سلامة قلبك إنشالله ،، الله يقويك ويبعتلك كل خير

نايس يسلموووو هالإيدين يا حق الموقع بيجنن الله يجزيك الخير

بطه الله يطوي غربتك عكل خير والله ماكنت بعرف إنو الأتراك لهدرجة شايفين حالن !!!
والله أنا عندي رفقات منن كتير حبابين وطيوبين ومافي متلن وكنت حس إنن كتير قراب علينا نحنا الشوام
بس أكيد أنت بتعرفي أكتر بما إنو أنت عايشه بقلب البلد ،، الله يرزقك الصحبة الصالحة يللي بتسر قلبك وخاطرك
ودخلك جوزك بيعرف يحكي متلن؟؟

سوسو تسلملي عينك شو مذوقه الله يجبر بخاطرك

أيوته سلامة قلبك حبيبتي وإنشالله الله يوفقك بسفرتك ويجمعنا عالخير

هلين أهلين حبيبتي يا الله شو ضحكتيني على ابنك الله يحميه ويسلمووو ايديك على السوكسية
يا الله شو بحبها

طبخت اليوم شيش برك.. باركولي.. :)
انو أول مرة بطبخها و حسيت بانجاز لأني بسمع الكل عم يقولوا الشيش برك صعبة.. صحي قعدت 3 ساعات بالمطبخ, بس طلع معي شي بيبيض الوش :) انمسحت مسح..

سوسو بدك وصفة البيف ستراجونوف؟ طب يللا خلينا نقلبها هون صفحة طبخ سورية :)
أول شي بتجيبي لحمة يا أما شرحات و بتقطعيها قطع صغيرة بايدك يا أما بتقولي للحام يقطعها متل الشاورما..
بعدين بتحطي معلقة صغيرة زبدة بالطنجرة مشان النكهة بس و فوقها زيت أحسن للصحة.. بس كمان يا دوب معلقة زيت.. بتقلي بصلة مفرومة ناعمة و شي سنين ثوم.. بعدين بتحطي اللحمة فوقهم و بتقليهم لحد ما تطلع ميتهم.. بتتركيهم و بتغطهيم لبين ما تنشف ميتهم مشان يستوا منيح.. بتحطي شوية مي فوقهم يا دوب بتغطهيم و اذا بعدين لقيتي المي عم تنشف زيديها شوي.. و حطي علبة فطر مقطع و ملح و بهار و معلقة كبيرة معجون بندورة..
اتركيهم على النار لتستوي اللحمة و بالآخير حطي شي فنجان شاي كريمة (whipping cream) كريمة الطبخ يعني.. و مشان النكهة طبعاً الأجانب بيستخدموا النبيت الأبيض.. بس العرب في ناس بتحط سفن أب و خالتي بتقطع مخلل خيار قطع صغيرة يا دوبها للشوف و بتحطها بالطبخة.. بس أنا ما بحب لا هيك و لا هيك.. فبحط معلقتين خل كبار بالآخير بعد ما تخلص الطبخة و بتعطيها النكهة المطلوبة على أصولها..
مشان الرز.. ما عندكم سن وايت؟؟ معقول؟ و الرز الأمريكي كمان طبخه سهل.. شو الرز يللي عندكم بفرنسا؟
و لكن فهمتك غلط مشان الدعاء.. هههههه.. يللا مشي الحال فضحت الدعاء تبعي و حكيت قصة عيلتي كلها..
و على فكرة أنا أكتر وحدة بالعالم بتابع كرتون.. اجت فترة اسهر كل يوم للصبح شوف حلقات كرتون على يو تيوب.. اذا متذكرة ساسوكي حاطين حلقاته كاملة على يو تيوب و جريندايزر كمان...
الله يعافيكي ان شاء الله و لا تاكلي هم حدا لأن متل ما قلتي صح.. اذا انتي مبسوطة بتعرفي تديري بالك على اولادك و جوزك .. الله يديم علينا الصحة و العافية و روقان البال..

فتاة الله يعينك.. و الله مسؤولياتك كبيرة.. ما قلتينا قديش عمر أكبر أولادك؟

نايس سميل يسلمو ايديك.. بس افضى ان شاء الله ببقى بشوفوا..

دانية.. و الله فكرتك ولدت يا منظومة.. تاريك لسه صامدة.. و ليش بدك ولادتك تتأخر؟ أنا كنت ادعي أولد بأول التاسع مشان ارتاح من التقل و ضيقة النفس و الحمضة العجيبة يللي ما بتطلع الا بالليل و ما بعود بعرف نام.. الله يقومك بالسلامة.. و ان شاء جوزك بيتوفق بشغل بالسعودية متل ما بدك انتي و فتاة..

هنودة يسلمو ايديك على الأدعية.. حفظت كم واحد عندي مشان بلش احفظهم.. صايرة ذاكرتي بالباي باي..

بطة كلامك صح.. العلمانية هي فصل الدين عن الدولة.. بس تركيا متحسنة كتير.. شفتي شلون مرت رئيس الوزراء فاتت على مجلس الوزراء بالحجاب؟ الناس طار عقلها هونيك انو شلون خلوها تفوت بالحجاب.. صايرة نهضة دينية مو بس بتركيا بالعالم كله.. الحمدلله.. الله يديم علينا نعمة عبادته.. بس على فكرة الشام صارت مو متل زمان.. أصغر مثال عم شوف أولاد خالاتي الصغار يللي هلأ 14 و 15... المجتمع حواليهم خلاهم يفكروا بطريقة غريبة.. ما بدي فصل بالموضوع, بس الشام صاير فيها الفلتان و الفياعة على أبو موزة..

المزة.. آسفين.. و الله بتذكر اني رديت عليكي, إلا إذا مخي متل العادة كربج و فات بالحيط..
يا ستي لا تواخذينا.. ألف سلام مربع للمزة يا جدع...

شام معقول لهالدرجة آخد تفكيرك باب الحارة؟؟ يللا منيح يللي لقيتي قصته الكاملة مشان ترتاحي.. مشكلته هالمسلسل انو بيهز البدن.. بيعملوا قصة كبيرة على شغلات ما بتسوى.. بس لما تفكري فيها بتلاقي انو الشوام القدماء عن جد كانوا يفكروا هيك.. بتذكر مرة وحدة ختيارة حكتلي أنو كانت بس بدها تطلع مشوار مع جوزها يطلع قبلها و بعدين تطلع وراه مشان العالم ما تحكي على عرضه لجوزها و يعرفوا انها مرته!!

آيوش... لك سلامتك يا عسل.. الله يعينك على الجريب برمضان.. فوق الدوخة دوخة.. جوزي مسكين صرلو يومين مرضان كمان و مو رضيان يفطر مع انه تعبان كتير و ما راح على الشغل.. هيك أحسن.. ( و ان تصوموا خير لكم)
الله يشفيكي و يهون عليكي.. و معقول جبتي أولادك بقيصرية؟؟ الله يعينك.. و المشكلة بما انك ولدت مرتين قيصري ما عاد تقدري تولدي طبيعي.. يا ستي كلو بثوابه.. الله كاتبلك تاخدي حسنات أكتر منا تبعات الولادة الطبيعية..

سما طلطلي علينا..

هيلين يا أحلى جارة.. لك يسلموا دياتك على هالوصفة.. بكرة ان شاء الله بحطها قيد التنفيذ و بعطيكي النتائج :)

هنودة تسلميلي يا حق.. عيونك الحلوة و الله.. صحي بدي اسألك سؤال.. انتي اسمك هند و لا هنادة؟؟

و هي هدية مني موقع كتير حلو للقرأن عدوا اقرأوا منو برمضان.. اليوم جوزي طول النهار قاعد عليه.. بما انو ما راح على الشغل ..
http://www.quranflash.com/quranflash.html

أهلين والله بمايا أي يسلملي هالتم ياحق ما شالله حولك وحواليك يا ستي أنا أسمي هند

وبيقلولي هنود والماما تقبر قلبي بتقلي هنوده بقى يللي بدك ياه!!
عملتها قصه( ههههههههههههه)

يسلمووو ايديك على وصفة البيف ستراجونوف باينتها طيبة كتير

صحي بنات أنا اليوم كان أول يوم إلي بالصيام ويا الله شو كنت حاسه حالي مبسوطه بتصدقوا والله بس اليوم لحسيت إنو نحنا برمضان ،، إن شالله رب العالمين يتقبل منا ومنكن

بنات حدا بيعرف شي عن ميس ؟؟ والله كتير استفقدتلها لهالمخلوقه الله يسمعنا عنها كل خير

أحلى هند و الله.. و النعم يا ستي.. و مبروك عليكي الصيام..ان شاء الله طاب الجرح؟

بس فايتة على السريع لاهدي سوسو هالكم مقطع للشعراوي

كيفكون بنات ان شاء الله بخير انا والله على قولة عروس لساني صامدة

فتاة الله يسمع منك والله اذا الله كتبلي عيشةبالسعودية منصير احلى صحبة وخصوصي انو انا كمان بجدة لانو بنت حمايي وبنت عمتي هونيك هههههههههههه بقا منعمل مجمع سوري تاني ههههههههههههههههههههههه ياالله الله ييسرلنا رزقنا هونيك ولكل اللي بيتمنى

شام والله خليها ع الله لو ما هالكم كلمة اللي عم اكتبن كنتي شفتيني طاقة نصين ههههههههههههه ومشان التمسيلية لح موت اليوم كيف ضرب ابن اختو يخرب بيتو فوق ما عم يدخل باختو والو عين اصلا بكرة بس يجي العقيد بيحل كل شي وبترجع الكرامة لابو عصام بس هالكلب الخضري يخرب بيتو هو وهداك تبع البليلة ولا فريال شو حقيرة وعصام الحمار والله لو كنت محلو كنت طلقت لطفية لانو معروفة امها شو هي
شام امانة قوليلي وين لقيتي احداثه حاكم لح موت ماعدلي صبر

ساجدة والله بالمشفى ما رضيو يقولولي على كل انا بقول اذا صبي حلو صحي قررت سمي اذا اجا صبي معاوية شو رأيكون بهالاسم ؟؟؟بالله مو حلو هاد قرار جوزي كلو طار عقلو بهالاسم واذا بنت حلا بسص حابة سميها ع اسم حماتي هيام بحس هالاسم كلو دلع وغنج ماهيك هههههههههههه
والله ما بعرف كيف بتستحملو تتابعو برنامج عمرو خالد ما بحبو سبحان الله بحسو غليظ وما بينهضم معي ولا بقنينتين قاجوز انا بس بتابع برنامج عمر عبد المافي والشعراوي وبس واذا طلع برنامج طارق السويدان كمان بتابعو

اية كيفك يا بنت الحلال وينك غاطة طمنينا عنك عودي احكي معي ع الماسنجر اي مو تنسي والله اشتقتلك

هيلين الله يسمع منك يا رب ويسلمو ايديكي ع الوصفة ان شاء الله بحاول ساويها الهيقة طيبة
ما شاء الله عنكون كلكون شاطرات بالطبخ وفنانات الا انا الا انا الا انا ههههههههههههه غنية احلام

هنودة والله وانا كمان بس ماما تفتح انترنت بعد بحكي معها ساعة منحكي على فلانة شو عملت وعلتانة شو ساوت والله الحكي كتير حلو بس ما حدا بيحس بحلاوتو الا اذا كان لتات متلي ههههههههههههههههههههههههههههه

عروس ما شاء الله عنك يا الله صحة وعوافي فيها سئلةاذا طبختيلي ياها وبعتيها بالدي اتش ال هههههههههههههههههههه حاكم مالي قلب للطبخ بكرة بدي اطبخ ومو عرفانة شو يمكن اعمل سمبوسك وسلطة وعندي شوربة بعدس ههههههههههه سرقتها منكون ومعكرونة بمية البندورة واللحمة حاجة ما ؟ والله شي بيهد الحيل انا جوزي ماعد خلاني صوم لانو كتير عم اتعب وعم يزيد عليي وجع الظهر

هنودة مبروك ع الصيام
عروس يسلمو ايديكي
يلا سلام بنات بدي روح نام