يا الله شو حلوة هالغنية بدي اصرعو فيها لجوزي وعلمها لولادي البنات ههههههههههههههه
الله يسلم ايديكي

ساجدة فرطتيني ضحك على الاغنية ..مالها نغمة ولا ننغمها من عنا ؟؟

عروس مظبوط حكيك بس هذا ابني الله يهديه طالع لابوه هههه ...مابشيل حتى بوطه وبحطه بحزانة الكنادر انا بقول له شي يوم رح تجيب لي جلطة لا سمح الله ....لك هذاك اليوم قلت له شيل بوطك فقال لي هلا اختي بتشيلوه.... متعود المسكينة اخته اصغر منه بسنة كتبر بتساعدني وهي بتشيل الي اخواتها بينكتوه فاخذوا عليها وهي ملت وما عاد تشيل شي

اوقات بصرخ وبزعوط وبتوصل صواتي لاخر بيت بالحارة ولا بيتحرك ..فصرت هلا بكل بساطة اطفي له التلفزيون بنص الحلقة الي عم يشوفها واحلف يمين ما بينفتح التلفزيون ليشيل اغراضه ووقتها بتحرك ...زوجي قال لي لازم مو بس هيك لازم ما عاد تخليه يرجع يفتح التلفزيون لان اغراضه كانت على الارض ...بس ابني بقول لي ايش معنى بابا ما بشيل اغراضه ...... يو لعيت كتير خليني روح ....

سلام

مرررررررررررحبا
دانيه بالنسبه للولاده في اكتر من سبب لرغبتي بالولاده بسوريا
1- ان لما كنت بحماه صار معايي العفو منكم اسهال مزمن وماعاد شي وقف ببطني سواء استفراغ او اسهال فلما رحت عالدكتوره طلبت مني تحليل براز وطلع معايي زنطاريه مزمنه عطتني دواء مهدا الها وقالتلي ضروري بعد الولاده نعالجها بشكل كامل والا بتتازم معاك اكتر
والظاهر لحقتني هالزنطاريه من ماء او اكله ملوثه ومابعرف صارت معايي هون بتركيا ولا بسوريا
2- مشان زوجي يظبط وضعه بالعسكريه وان شاء الله بيمشي الحال وبنخلص من هالشغله
3- الوحده منا ما بتعرف شو مكتوب لها وانا ماني خايفه من الولاده خايفه من بعد الولاده زوجي ماله خبره ابدا بهالامور اذا لما بتعب بتلاقيه بحوص ما بيعرف شو بده يعملي فكيف بكره انا بجهه والبيبي بجهه يمكن بيفتح هالباب وبهج وماعد بشوفه واصلا شغله لفوق راسه ونوم ماعم يشبعه فشغلة ان زوجي يقوم فيني مستحيل بعرف شو عندي ههههههههههه
4- في حال ولدت هون واذا حبيت انزل لسوريا مارح اغضر لان باسبور البيبي ما بيطلع باقل من 3 او 4 شهور بينما بسوريا شغلة يوم بكون خالص واذا ولدت بتركيا ما بياخد البيبي لاجنسيه ولا منسيه يعني بصراحه مافي شي بشجع
بعرف لعيت قلبكم بس مشكلتكم اني بحبكم وانتو الوحيدين اللي بقدر فشلكم قلبي واصلا دايقه خلاقي زوجي نايم والتلفزيون بده كب مافيه شي
دعواتكن

مرحبا ياأمامير
شاي ياميت أهلا وسهلا فيكي شو عم تدرسي ان شاء الله رب العالمين بيكتبلك الخير وطوال مالك قاعدة قولي ياهادي تهدي جوزي الرجال بدو مسايرة مشان هيك حاولي قد مابتقدري تطولي بالك وتسايري جوزك
ساجدة شلونها بنوتك طمنينا عنها وهالأغنية سمعتها بالشام النسوان طاير عقلهن فيها وخاصة الوحدة يلي مابيسمع كلمتها جوزها بتقولها بصوت واطي بتتفشش بدون ماحدا يسمعها
صبايا ساويت اليوم شوربة وطلعت طيبة وهي مقاديرها
دجاج مسلوق ومقطع مكعبات صغيرة
بصلة مفرومة .جزر مقطع مكعبات . فطرمقطع مكعبات .زبدة .مرقة دجاج.2أو3ملاعق طحين,كوب كريمة خفق ,طرخون ,زعتر أخضر,ملح ,وفلفل,شوية بقدونس,عصير ليمون
بنقلي البصلة بعدين الجزر والفطر بنحط الطحين فوقهن حتى يتحمص ويصير زهرفاتح بنضيف المرقة والزعتر والطرخون وتترك حتى تغلي وبالأخير بنضيف الدجاج والكريمة والليمون والملح والفلفل والبقدونس
يمكن طويل شوي شغلها بس طيبة وبتستاهل ويلي بيعطيها الطعمة الطيبة الطرخون والزعتر
باقي علي عزيمتين ومحتارة شو بدي ساوي اذا مجربين آكلات طيبة ومضمونة النتائج قلولي عليها
هنودة لاتنسيني من الدعاء أنا وأولادي وجوزي
أهلين بطة أنا وياكي عالخط الله يكتبلك الخير اذا حاسة حالك بترتاحي بولادتك بالشام الله يهونها عليكي وتقومي بالسلامة أنا بتدلل يوم واحد فقط بعد الولادة وبعدين بيمشي البيت وجربت الولادة بالشام وجربتها لحالي لقيت الولادة لحالي أريح وأهدى وخاصة اذا أجت أمي لعندي لأن ماحدا بيدلل متل الأم الله يديمهن فوق راسنا

نور الدرب وينك ياقمر مو مبينة طمنينا عنك