مراحب للجميع شو شايفتكم بلشتو تنسوني والله معكم حق بس واللع الكريب ما عم يروح وفوقها اجت الخانم وشغل البيت والاولاد وفوقها عزيمة بكرة والله رجلي صايرة لما بعقد بيصيرو يتحركو وينقزو لا اراديا من كتر التعب والارهاق والتعصيب
حبيبتي شاي ومزاج اهلين فيك وانشالله مزاجك دايما رايق ومالله يخليك فكري شوي بموضوع الطلاق ومعليش ولو بدي اتدخل .............لازم تقولي لاهلك انو عم تفكري بهالموضوع وهنن بيساعدوك باتخاذ القرار لا تاخذي القرار لحالك اتبعي التدرج القراني بحل المشاكل يعني جيب حدا من عيلتك ومن عيلتو وحاولو تتفاهمو ............عسى ان يحدث الله بعد ذلك امرا وهي مذكولرة بالقران اما انك تاخذي القرار لوحدك مابتوقع رح تكوني موضوعية لانك جوات المشكلة ويلي عم يشوف الشغلة من جواتها غير يلي بيشوفها من براتها ............اسفة اذا ازعجتك واذا بدك خدي اشترك الماسينجر من دندونة وانا جاهزة لندردش قد ما بدك..........
نجاح اهلين فكرت حالي بعرفك انا بعرف وحدة بفرنسا اسمها نجاح بس دكتورة وعندها صبي صغير لتكوني لاطشة منها الاسم ههههههههههههههه عم امزح...............
نور الدرب شو ما عجبك التدليعة الجديدة .................
فتاة كيفو ابنك ذكرتيني بحالي انا وقت كنت صغيرة اجتني هيك حالة وصرت خاف كتير من الموت وكل يوم نام بين اهلي بالتخت بنصحك اذا كتير اتازم الموقف شوفيلك شي اخصائي نفسي .............عروس كيفك تمام يا حمصاني القعدة ...............وانا الحلاق ابو عصام
سوسو كيفها بنوتك الله يحميها ................شام والله الحال من بعضو جسمي تعبان عالاخر وعم افرط...............بطة كيفو البيبي وشو قررتو تسموه...............دانية كيفك حياتي مو على اساس كنت بدك تسمي حمزة والله حمزة احلى من معاوية.............مين كمان نايس الله يقومك بالسلامة وامانة تدعيلي لوليا وهنودة كيفكم والمزة كمان.......وهيلين ...........يلا سلام هلا بس لا تطنشوني ابقو اذكروني بردودكم والا بكتئب ............يلا سلام

أهلين آية الله يعافيكي يارب شكرا لنصيحتك تقبشوني كلكم الله لا يحرمني من لهفتكم ولامن محبيتكم
أحبكن في الله

أهلا آية خانم

نورتي , ولو انت بالقلب والله بس ما شاء الله شو بدنا نكتب لنكتب

أنا احيانا بهكل هم الرد لأن بستحي ما اذكر اسم حدا ويزعلوا مني
بس صعبة ما شاءا لله الرد على الكل

الله يعينك يا رب
باين عليك تعبت من الحمل الأخير

ما بقلك غير ديري بالك على حالك وخففي شغل وريحي حالك قد ما بتقدري

حاكم ما حدا بيحمل عنك شي ولا حدا بينوجع عنك

الله يقويك ويخليلك هالصغار يا رب

شاي ومزاج ما شاء الله كمان انت خريجة لغة عربية ودراسات اسلامية كتير منيح صرنا أربعة يعني رح نعمل لجنة تمحيصية أي خطأ باللغة أو غيره الله يعينكم

صحيح فتاة كمان على ما اعتقد عم تكمل بالجامعة المفتوحة للدراسات الإسلامية إذا ما خاب ظني

نجاح أنا متخرجة من كلية الدعوة الإسلامية الليبية

والله يفتح عليك وتتخرجي على خير وسلامة

نور الدرب , شو رأيك نعمل لجنة وأنت المديرة التنفيذية لاعمالها

شلوني معك ؟؟


طمنينا كيف الصغار عندك ؟؟

ساجدة , الجمعيات اللي عم نحكي عليها هي لبيوت أو فلل اصطياف بالشام

بتعرفي اسعار البيوت ناااااااااااااار وشاعلة بقى مافي غير الجمعيات أسعارهم مقبولة بس مشكلتهم مو كلهم صادقين وبمطمطو بالتسليم والبناء وحالة

هي المواقع اللي قالتلي عليها عروستنا الحلوة الله يجبر بخاطرها

http://www.duoretalsham.com/

http://www.alwalaars.com/

أما جريدة الدليل والوسيط فما عم لاقيها على النت
عم يطلعلي لغير دول

في مشروع دوحة سيتي كمان ما لقيته وما عرفت شو هو

احكيلنا عنه أو إذا اله موقع الله يرضى عليك ويجبر خاطرك

سارة ميت اهلا وسهلا فيك نورتينا يا عزيزة وإن شاء الله منكون اعز من الاخوات

فتاة يمكن انت سألت عن أبو عصام شو بصير فيه
لا يا ستي ما بيتجوز ولا مرته هدول عم يألفوا من عندهم

والله بدها تعرف القصة كاملة أو رؤوس أقلام تعمل بحث على النت عن : باب الحارة جزء 2 وحتلاقي كتير مواضيع وقصص
أنا نسيت وين قريت الموقع

وشو كمان ؟؟

سما ايجبت شو عم تدرسي ؟ ؟ شو اختصاصك يعني لو ما فيها حشرية

أنا لأني محتارة شو كمل دراسة لأني هلأ عم اعمل كورسات تقوية باللغة وجاية على بالي ادخل شي فرع
بس محتارة بين الكمبيوتر بروغرامينك أو الأدب الإنكليزي .. او بالاحرى مستصعبة التاني حاكم بده شغل

شو رأيكم انتو ؟؟؟


أنا اللي جايي على بالي ومتمنية اعمله هو دراسة البرمجة العصبي ةاللغوية NLP
عملت دبلوم بالشام وعجبتني كتييييييييير وفهمت فيها شغلات ساعدتني بحياتي

بس عم اعمل سيرش هون على هالدراسة ما عم لاقي
مع انو منشأها من امريكا


يلى سلام

كيفكون بنات ان شاء الله بخير
اهلين وسهلين بالبنوتات الجداد ونورتو مطرحكون
اية انا عندي حمزة ولح سمي الولد التاني معاوية ههههههههههههههههه شو نسيتي
شاي كيفك وشو اخبارك
نور الدرب والله حاسة فيكي بس انا هلق باخر التامن بعد يومين او تلاتة بفوت بشهري ههههههههههههه لح اسبقك لا لا لا (( عم جاكرك ))
\نجاح اهلين فيكي كيفك وشو اخبارك ما شاء الله عنك حديثك شو حلو والله الحق معك بكل كلمة قلتيها والله يغفرلنا زلات لساننا والله بدو قص هههههههههههههه بس العلة كيف بدنا نعيش بلا لسان
عروس كيفك يا عمري وينك
سارة لك بدها سؤال اهلين فيكي والله بتشرفي بس بدنا معلومات عنك وان شاء الله تكوني بتحبي الحكي متلي منصير صحبة عالمزبوط ههههههههههههههه
فتاة كيفك تقبشيني طمنينا عنك
سما كيفك الله يسلمايديكي ع الوصفة ان شاء الله بجربها الهيقة طيبة بس ياترى المطبخ بيطوف بعدها ؟؟؟
شام شو اخبارك ؟؟ الله ييسرلك يا رب
وين البقايا وينكون يا صبايا ؟؟؟؟؟؟؟؟؟؟يلا عم انتظركون

شام أهلين فيكي أنا خريجة لغة عربية من الشام وحاليا عم حضر ماستر في الدراسات اللغوية ..دانية كيفك..باقي البنات وينكون :26::26::26: