ما شاء الله عليكن يا بنات اي شو هالنشاط الله يديم هالجمعة عامرة بذكرو يارب حبيت رحب بسارة ونجاح وقلهن يامية اهلا وسهلا فيكن بتشرفو الموضوع وحبيت قلها لشاي ومزاج اعملي استخارة ومتل ما قالتلك وحدة من البنات اذا كان بيصلي وبيصوم وما بيعمل كبائر لا سمح الله ففكري مليون مرة قبل اتخاذ هيك قرار اسفة للتدخل بس والله الطلاق صعب انا بعرف كذا حالة والله وضعهن صعب والله يخترلك الخير يارب

باقي البنات هي بوسة لكل وحدة منكن اسفة انو ماذكرت كل الاسماء بس والله انتو بالبال وهي احلى وردة الكن:26:

سلاااااااااام

بسم الله ماشاء الله شو هالنشاط والحيويه
ساره مية اهلا وسهلا فيك بيناتنا بس بدنا معلومات اكتر عنك بعد اذنك يعني >>>>>>>>>>>> ماشاء الله شو مؤدبه
ياستي انا بطه وبالفعل صايره اسم ع مسمى سمنانه ومدعبله عالحمل متزوجه من سنتين وشهر وحامل باول الشهر السادس وهاد اول حمل الي مغتربه بتركيا وعمري رح يصير 21 سنه وانا من حماه بسوريا
للي سالت عن حملي فهو منيح بس وجع الظهر ماعم يفارقني ولا لحظه وهاليومين باذن الله رايحه عالدكتوره شوف كيف وضع الحمل واتاكد بشو حامل >>>>>>> يعني شو رح يكون ياولد يا بنت
بس ع قول الدكتوره بسوريا ان صبي وباعتبار ان زوجي اكبر اخواته الشباب فرح نسمي اذا كان صبي على اسم عمي ابو زوجي عبد المعين باذن الله بس مو تروحو تقولولي ام عبدو ترى بزعل ها واذا بنت ترى لهلا ما بعرف بس في كتير اسماء ببالي
مبارح جاب زوجي اكل من السوق وبعد ما اكلت وعين الله عليي مالقيت غير جسمي انهد فرد هده وماعد لي حيل شيل ايدي والعفو منكم فورا عالحمام استفراغ والله ما بكذب اذا بقلكم اكتر من 10 مرات استفرغت قلت اكيد روحي عم تطلع راحت عليك يا ابو الشباب تتارمل ع بكير بالاخر زوجي لبس قلي قومي على المستشفى قلتله بتجي سيارة الاسعاف لعنا عالبيت والممرضين بشيلوني ترى مالي حيل امشي ابدا وبيتي رابع طابق ومافي اصنصور والدرج حلزوني يعني اذا مانك دايخه بدوخي منه بالاخر دفالي مية الشرب وصرت اشرب على مهلي لحتى الحمدلله ارتاحت معدتي بس معدتي ارتاحت من هون بلش العفو منكم الاسهال من هون والله مرقت عليي انا وزوجي ليله ليلاء واليوم راح ع شغله دايخ مانه نايم طول الليل قاعد معايي وانا نمت عالقاعد راسي عم يتلولح يمين وشمال لاني كلما اتسطح تقلب نفسي عليي
قلت لزوجي التوبه وهي باتجاه القبله اذا عاد اكل من برا البيت لو رح موت من جوعي واليوم ماني صايمه ومضيتها فواكه وسفن اب وبطاطا مسلوقه
طمنينا فتاه شو صار مع ابنك بالمدرسه ؟؟
هنوده كيفك هلا ان شاء الله احسن من اول
وباقي البنات بسلم ع كل وحده فيكم وبحبكم بالله

مرحبا يا بنات.. حاكتب عالسريع لأن معزومة على الفطور و لهلأ ما لبست و لا لبست ابني!! صايرة كسلانة..
المهم.. شام برجعلك مشان موضوع الوسيط و الدليل..
و أحسن شي توصي أهلك يشوفولك الجرايد و يخبروكي اذا في حدا بدو يبيع بسعر معقول و يكون التسليم على بكير.. يعني غالياً دوري بالمراحل الأولى اذا مستعجلة..
و على فكرة كل يوم بيحطوا اعلان بالجرايد جديد لشي جمعية.. بس ما تثقي بأي حدا.. لازم تروحي و تتأكدي انهم بدأوا بالبناء.. مشان هيك أنا عم احكي عن الشيخ زايد و الولاء لأن شفتهم بدأوا بالبناء.. و درة الشام كمان سمعت انهم صادقين بس ما شفت شي للأمانة..

مرحباً بالبنات الجداد كلهم..
و اشتقت للضرسانات كلهم كمان :)
آية حمد لله على السلامة
دانيا, معاوية حلو.. بحب الاسماء العربية التقيلة
نور و فتاة و سما و هنودة و سوسو و بطة و نايس و لوليا و كل البنات.. راجعتلكم
يللا دوبي لحق مو صفيان وقت.. شكلي حالبس علاسريع و اطلع متل الشراشيح
سلاااااااااااام

ماشاء الله صايرين نشيطات كتير ما عم لحق عليكم

اول شي عروس يمكن سالتني ام شو ...انا ام صفوان

وشام مزبوط انا عم ادرس شريعة بالجماعة الامريكية المفتوحة صار لي 6 سنين ولهلا ما خلصت ...لان كل سنة يا حامل يا ولدانة ...الحمد لله

مشان ابني انا رحت على صفه كان عندهم القاء بحث كل واحد بيطلع بيحكي عن بحث هو كتبه ... بقى شفت بصفه اشكال والوان ...بس سبحان الله وانا هنيك اجا لعندي واحد باين امريكي اصلي ابيض اشقر بعيون ملونة وسالني انت ام صفوان قلت له اي وانت مين فقال لي مايك " بكل جأر وقلب وجهه بخلقتي ومشي " مع انه طفل بس والله قهرني ... وبعد شوي اجا واحد شكله حبوب وطيوب افريكان امريكان سالني انت ام صفوان قلت له اي فصار ياهل ويسهل فيني .... يعني حسيت ان في اولاد بصفه ممكن يكونوا اصدقائه بس ما صح لي شوف هالزلمة الي ابني مصر يرافقه

انا ما حكيت شي للتيتشر قلت خليه يتعود يعمل صداقات مع التانيين ولشوف شو بيكون وضعه اول


يلا مشكورين كلكم على الرد والله يعيطك الف عافية على دعواتكم

سارة مية اهلا وسهلا ذكرتيني برفيقة عمري ضلينا رفقة من اول ابتدائي لثالث ثانوي كانت سورية واسمها سارة

لوليا شكرا لنصيحتك يعني والله موحابة صير مطلقة بس فعلا ما رح إقدر إتحمل بعض الأمور ولا رح إقدر جيب ولاد يربطوني فيه طول ماهو هيك
الله يفرج عن الجميع