مرحبا حبيبات قلبي مالي عرفانه شو قلكن صباح الخيرات لما مسا الخيرات لأنو نحنا هلأ وقت مابعد الفجر والنور لسه ما طلع فمشان هيك قلت مرحبا ههههههههههههه

شاي ومزاج كلك ذوق ياعمري،، الله يجبر بخاطرك إلاهي ويبعتلك يللي بيسر قلبك وخاطرك بجاه هالشهر الفضيل
والله يا شاي مالك غير هالإستخارة هي يللي رح تعملي الشي بعدها وبالك مرتاح لأنك بدك تكوني عملتي يللي عليك واستخرتي رب العالمين والله يخترلك الخير والله امبارح قلتلها للماما تدعيلك وأنا عليم الله ماعم انساكي منوب

شامو الحبابه ،، الله يجزيك ألف خير ويجبر بخاطرك متل ماجبرتي خاطري بكلامك يللي بينحط عالجرح يطيب
لك إنشالله بتقبروني كلياتكن شو حنونات وحبابات إنشالله ما بحترمكون ياحق
والله يجزيها ألف خير أيوته امبارح كنت عم احكي معها والدمعه لساتها على خدي قامت تقبر قلبي كتير خففت عني الله يروق بالها ويرضيها ويجبر بخاطرها ويخفف عنها
ولهلأ عم اتذكر قالتلي جمله كتير أثرت فيني ( إنو في كتير ناس الله يعافينا يارب بيقضوا طول عمرن نايمين مسطحين هدول ياحرام كيف حالتن بجنب حالتي) بظن أنا بجنبن ولا شي
والله يا بنات خجلت من حالي واتمنيت ما يديق خلقي ولا أعد واتشكى مشان مايضيع ثوابي بس يلا الحمدلله بتمنى من رب العالمين إنو يسامحني ويرضى عليي ولايحرمن الأجر والثواب
وإنشالله متل ماقلت ياشام رح حاول اشغل حالي بالقرآن وأقرألي كم كتاب والله يهون عليي وعلى كل مريض يارب

مرحبا يا بنات.. معليشي ما عم يصحلي فوت احكي متل العادة.. بريحون شوي من كركرتي :)
بس عن جد اشتقتلكم كلكم..
هنودة لك ان شاء الله هالمرضة بتنكتبلك يوم القيامة و بتفوتي فيها الجنة.. و اسمعي كلام شام, ما شاء الله عليها كلامها من دهب.. الله يشفيك ..

المهم.. بدي اسألكم سؤال يا حلوين.. في شي وحدة بتعرف تعمل عوامة غير شكل؟؟ انو دائماً عم تطلع من جوا معجنة و أنا بدي ياها تقرش من جوا و برا.. لو حدا عنده طريقة يسعفني فيها..
قريت طريقة لأم عزيزان حاطة فيها بطاطا و الصراحة ما فهمت لأني بعمري ما سمعت عن عوامة بالبطاطا..
جوزي كتير خاطرة على باله و ما عم يفشله قلبه شغل السوق. حاكم شغل هنود مو شوام :)
سلام للكل و ديروا بالكم على حالكم يا أمامير..

بداية أتقدم بجزيل امتناني للواتي رحبن بوجودي أختا أختا وأتمنى أن تستمر صحبتنا في الله وتعود بالنفع علينا
بخاف إذا حكيت بالفصحى يجيكم حكيي تقيل فخلينا بالشامي وأنا بموت بالحكي الشامي وبأهلوا والله يعينا على الغربة وفرقة الحبايب ..أي والله والله مشتاقة للشام وأهل الشام وهوا الشام .مع أنك إذا طلعت على قاسيون بتشوفي طبقة التلوث الله المستعان
المهم ياحبيبات قلبي إن شا الله تكونوا مبسوطين ومرتاحين ...أيه يازمن والله مشتاقة لرفقاتي والدردشة معهم وأحاديثم اللي بتشرح الصدر وكأني ملاقية بجمعتكم تعويض وخاصة عندكم روح المرح وعندكم وعي وأغلبكم سيدات بيوت محترمات عم تسعوا لصلاح أنفسكم وصلاح بيوتكم ..والمكتوب مبين من عنوانه
وسلامتك ياهنودة خانم إن شا الله أجر وعافيه وطهور إن شا الله وخدي مني ها الدعاء واعتبري بطاقة معايدة
أذن الله في شفائك وأبدل داءك بدوائك ومسح بيد العافية عليك وأرسل وفد السلامة إليك وجعل علتك ماحية لذنوبك ومضاعفة لثوابك
والله يعينكم أجمعين فكل وحدة عندها مسؤولياتها اللي بتخلص الدنيا ومابتخلص واللي بيهون علينا أنو الله مابيحرمنا الأجر إن شا الله وطالما نوينا بأعمالنا العبادة والتقرب من الله سواء في تربية الولد أو خدمة الزوج أو أو وفوقها غربة الحمد لله على كل حال
هي هلأ عم أحكي هيك يمكن بعد فكرة بتلاقوني فايتة عم أشكي وأبكي والشغل لفوق راسي ومالي ملحقة ههههههه
أما أنتي حبيبة قلبي يا ساجدة فمحسوبتك مابتحب الجدل كتير ولاتزكي على الله أحدا بس ياستي الكلام اللي وصلك نصه افتراء وكذب وفبركة ..لك والله حضرت مدري كم مجلس بالشام اجتمع فيه الشيخ كريم راجح شيخ قراء الشام مع الحبيب علي وماكان بينهم غير الود والاحترام وهلأ بعطيك رابط وشوفي الصور والتعليقات
وبعدين في ناس جابت أشياء مفبركة من تسجيلات وأقوال وعرضتها على الشيخ كريم وهو كرجل له مكانته بين الناس وكعالم توجه بانتقاد الحبيب علي حسب الأدلة لوصلته بعدين اجتمعوا مع بعضهم وانحلت القضية وهي أشياء بين علماء مابيصير نحنا نتخذ منه طريقة لتشويه مكانتهم
لك لو كان مكذب ومفتري على حبيبي رسول الله ماكانوا استدعوه قبل أقل من سنتين لحفل تكريمي لقراء ومشايخ الشام ومن بينهم الشيخ كريم راجح وكانت كلمة الحبيب علي اللي ألقاها من أوائل الكلمات وخيرتها
شه شه
افتحي موقع صدى زيد ودوري على الحفل التكريمي الأول لقراء دمشق
وإذا مالقيتيه رديلي خبر لأبعتلك كل شي عندي
ومالي بموقف دفاع عن الحبيب علي ولاهجوم على الكلام اللي وصلك الفكرة اللي بدي وصلها ياعيوني أنو مانتخذ من الخلافات بين العلماء الأكابر اللي الله أعلم شو أصلها ومين افتراها ..ولامن الخلافات المذهبية أو الطائفية حتى لو أتأكدنا منها وشيلة لحتى نشفي غليل أعداء الإسلام فينا ..طالما أي واحد عم يقلك أنا مسلم وأؤمن بالله ورسوله
لك حتى لوكان شيعي ليكهم قاعدين ليل نهار بالعراق عم يضربوا الشيعة بالسنة
لك حبيبتي ورانا مسائل أكبر من هيك ورانا تربية جيل صالح ورانا مجتمكع بأسه عم يستنانا لنشمر عن سواعد الجد
وسامحيني ياساجدة إذا دايقتك بس مابحسن خلي شي بقلبي
ولاأزكي على الله أحدا
وسلام
وهي وقت الفجر عنا
ولو ليلة تذكرتوا بلحظة قرب تدعولنا عسى ربي يعوضنا ولا من دينو يخلينا
:26:http://www.alhabibali.org/news/news_14.asp

مجتمع بأسره ..للتصحيح ياساجدة

كيفكون بنات ان شاء الله بخير اناعم انتظر البطاطا لتستوي مشان اعمل بطاطا بالبشاميل ممممممممممم شوطيبةوبحشيها لحمة وشي بيشهي وكمان ساويت مسقعة بالبيتنجان وعصير وساويت اليوم حلو كاسترد
سما بدي اسالك دورت ع البيكنبودر ما لقيت بيمشي الحال بلاه مشان القطايف ؟؟؟
جهزت كل شي الا هاد حتى التيفال جبتلك شو طنجرة ممتازة ههههههههههههه
شاي كيفك بدك تطولي بالك ومالك الا الدعاء والله يصبرك يا رب
نجاح شواخبارك
عروس اهلين فيكي كيفك والله العوامة بالبطاطايمكن بتضيفي بطاطا للعجينة والله اعلم
هنودة الله يعافيكي ريحيلي حالك معلش كلو بيتعوض بس المهم صحتك
شام والله كلامك صحيح بس اللي ما فيها شي وما عم تطلع ولا عم تفوت !!!
لوليا لا تهكلي هم انتي بالقلب دايما روحي التهي مع ضيوفك وانا نائبة عنك بالحكي هاد اللي بيطلع بايدي ساويه ههههههههههههههه
ساجدة كيفك والله بحسك متلي ما بعرف ليش المهم والله البرامج اللي متعلمتها من جوزي حاكم طول العقدة عم يحكي عن اخر اصدارات البرامج واسعار العملات والشحن وبتعرفي بقا اذا بدي اعد متل الجدبان بيقول مرتي متخلفة فصرت تابع اخر الاخبار واتعلم منو كيف نزل برامج وكيف اكتشف الفيد منها واي خدمة لاي برنامج انا جاهزة
فتاة منيح اللي بديتي تلاقي حل لمشكلة ابنك بس الغريب انو هاد الولد كيف عاملك سبحان الله التربية الها دور
بطو ديري بالك ع حالك ولا تاكلي من برا دخيلك شو بيفرق اكلون الا انو طبخنا اطيب هههههههههههههههههه
يلا بدي روح كمل بقيان نص ساعة للاذان دوبي خلص وحط الاكل سلام