مساء الخير صبايا ما قدرت فوت لهلق لان بنتي التانية انعدت من اختها وما نيمتني الليل :icon33:
المهم شو اخباركن ان شاء الله كلو تمام
شام يسلموا ايدكي على هالمعلومات ان شاء الله ربي ييسر ونشتري بيت منيح يا رب ......
وتسلم ايدك على طريقة المانونيز ههههه وبدي اسالك دورة البرمجة اللغوية وين عملتيها بالضبط وهلق ولا قبل لاني بموت بهيك شغلات بتعرفي اشتريت مجموعة كتب لـــ ابراهيم الفقي استاذ البرمجة اللغوية الاول في العالم وبيطلع على قناة النجاح من محبتي بهالاختصاص ..... والله ييسر لك دراستك ....

ام غسان مايا خانم ان شاء الله تنبسطي بهالعزيمة ومنشان بنتي عملت لها تحليل والحمد لله ما فيها شئ يعني ما انمنعت عن شئ وحتى هي استغربت ليش صار معها هيك لانو بيعملوا هاد التحليل وقت الولادة وطلع الحمد لله ما فيها شئ ..... مبارح طبخت فاصوليا ورز وتذكرت هون يا ستي في رز اشكال والوان يا ريان هههههه واولهم انكل بنز بس زوجي ما بيحبو والباقي صيني وهندي واكيد كل واحد الوو طريقة ما بعرفها منشان هيك بتعذب فيه ...... :icon33:

ام صفوان انا سالتك ام شو والله حلو اسمو الله يخلي لك ياه ومنشان الخوف كل الصغار هيك لانو بيصير عندن بداية تشكيل لامور بهالحياة ومنها الموت انت فهميه انو لا يفكر كل الوقت بالموت قول لو انو حاول تكتسب هالوقت بشئ مفيد يعمل لك حسنات لانو صغير شو ما شرحتي لو ما رح يفهم وان شاء الله مع الوقت بيمشي الحال ...... بعدين لازم تعرفي ابنك خجول مو جريئ ما بيقرب لعند حدا بما انك شفتي صفو ولا تنسي العنصرية يلي بيزرعوها بقلب ولادهم تجاه العرب والمسلمين بقا انت علميه كيف يختار رفقاتو ولا تنسي الصاحب ساحب والله ييسر لو كل امر

لوليا شو اخبارك يا قمر واخبار قطاقيطك وان شاء الله ماشي حالك بدورة العنكليزي ههههههه


ايه لو ما ذكرناك انت بالقلب ديري بالك على حالك ومتل ما قالت شام انها بتفرط كل النهار الحال من بعضو وكلو كوم وبعد الفطور كوم تاني بينهد حيلي اخ خليها على الله ...



بطةديري بالك على حالك انا صار معي متللك بس ما انقضت لرحت على الدكتورة :angry2:الاكل من برا مو كل الوقت نضيف وشرطك انا قال يعني اكلت من مطعم محترم بنص الشانزيليزيه ومن وقتها ما عدتها الله يعافيكي ....


دانيا ان شاء الله تقومي بالسلامة انت وكل الحوامل ودخلك كلو الا يوجعك لسانك والله مو حلوة قدام الاجانب ههههههههههههههههه حلو البرامج يلي متعلمتيها قعدتي دورة كمبيوتر ولا كيف اتعلمتي ؟؟؟؟؟؟؟؟


هيلين ( ام شو ) كيفك يا حلوة وان شاء الله الف مبروك مشتراتك للبيت


سما ام يمان يسلمو ايدك على عالوصفة ان شاء الله بجربها وديري بالك على حالك وعلى يمان


سارة اهلا وسهلا فيكي ***** شاي ومزاج انا وقت سالتك اذا زوجك بيعرف او لا لانو اذا كان عندو علم صدقيني اذا كان بدو يتحسن ما عد يعمل شئ هادا غير حياتك يلي بيحولها لعذاب كرمال هالقرار من منطلق عزة النفس .... بعدين اذا كنت حاطة وناوية بكل حسم انو تطلقي كلامنا لا رح يقدم او ياخر ..... لانو هالفكرة شاغلة بالك ورح تعمي عيونك عن شوفة الخصل المنيحة بجوزك لانو ما حدا كامل واكيد كل انسان فيه جانب خير وجانب شر ومين بيغلب الله اعلم ..... طيب بالخطبة ما بين لك طريقة تفكيرو ؟؟؟؟ على الاقل اكيد ولازم تكوني كونت فكرة ...... بعدين سنتان رح تعيشي معو مو طايقتيه ما بتخافي يمنعك من الدراسة ..... انا مو من حقي اتدخل بس حبيت نبهك من منطلق اخوتنا بالاسلام انو اذا اخدت هالقرار لازم تحسبي عواقبه لا تنسي وضع المطلقة بالشام كتيرررررررررر صعب لاني شايفة هيك حالات الناس بتراقبك على الفوتة والطلعة هادا غير الحكي والقال والقلنا والمشاكل والزواج التاني رح يكون مفروض عليكي والله اعلم متزوج ومع كم ولد لانو متل ما بتعرفي المطلقة بياخدها اما مطلق او متزوج وعندو اولاد وخدي بقا لعية قلب ومشاكل ( كانت معي واحدة بالجامعة تطلقت نتيجة زواج من الاساس خطا صدقيني حياتها جحيم )بقا انت لا تنسي تدعي لو بالهداية بهالشهر الفضيل وانو الله يختر لك الخير ... واذا تضايقت من كلامي بحذفو ....

الاخت نجاح ..... انا لما حكيت عل علي الجفري ما اخدت كلام من منتديات وعملت قص ولزق او سمعتو من بيت الجيران واجيت كتبتو هون .... بعدين الزلمة ما في بيني وبينو شئ وانا من الاساس ما بسمع لو حتى حبو او لا ؟؟؟؟؟بعدين هادا كلام مشايخ مو من عندي بقا لا فتن ولا شئ هو القى محاضرة اهان فيا النبي ومشايخ الشام .... البوطي ... النابلسي .... الشيخ كريم راجح ..... اذا بتفتحوامصاحفكن اذا جايبينها من الشام بتلاقوا انو هو شيخ قراء الشام وما في مصحف ينطبع اذا هو ما دققوا بقى كلامو عندي ثقة وعلى فكرة يلي قال لي هالخبر واحد كان حاضر معهم وثقة هو التاني هنن المشايخ عاتبوه ونصحوه وكتبوا بتذكر متل الرسالة الو لتنبيهه ووقعوا عليها انا ما جبت شي من عندي وبالنسبة الي هدول المشايخ كلامهم طابو عندي ....... وبحياتي ما جبت سيرة حدا بشئ مو منيح واكيد قريت ردودي !!!! بقا الله يهديه ويهدينا


ان شاء الله ما كون نسيت حدا متل العادة


مو جاية على بالي اكتب نكت :42::angry2:

يا حلوات اعذروني اذا غبت عنكن هاليومين بس جاية لعندي ناس من مونتريال فعم افكر اعملهن اول يوم يبرق وبرياني بس مو عرفانة شو اعمل تاني يوم انصحوني وشو ممكن ساوي عالسحور
يا بنات مو ملاحظين انو هنودة مو مبينة ان شاء الله المانع خير

سوسو تسلميلي انت القمر وبنوتاتك النجمات

سلام يا حلوين

مرحبا صبايا كيفكن إنشالله بخير مية أهلا وسهلا بكل البنات يللي انضموا لمجلسنا
بنات ،، دخيلكن ادعولي معكن من أول اليوم وأنا على نشوقه وبكي
من بعد ما حسيت حالي اتحسنت وقلت خلص!!
اليوم من أولته وأنا عم أتوجع وجع موطبيعي وحاسة كأنو الجروحات رجعوا انفتحوا من أول وجديد
قام رحنا لعند الدكتور قام قللي لازمني راحة تامة وقللي لا تدقري شي منوب بالبيت
أي أنا أصلا ماعم بعمل شي والله اشتهيت أقوم اطبخ شي طبخة أجليلي كم صحن
الله وكيلكن كرهتوا لهتخت ومالي عرفانه لإمتى بدي ضل على هالحاله!!!!!!!!!
والله ماعم اعترض على حكم رب العالمين بس والله طق قلبي من قعدة البيت وجاي عبالي اطلعلي شي مشوار
لك اتخيلوا أهلي قاعدين بجنبي لاعم يطلعوا ولاعم يفوتوا بس كرمال ما اتأثر إنن عم يطلعوا ويتركوني والله حاسه حالي مالي قدرانه !!خلص ماعاد فيني اتحمل
ادعولي معكن أمانه إنو الله يخفف عني أنا وكل مريض
والله عم صبر حالي وعم أحمد رب العالمين بس والله مو بإيدي
يا الله شو كنت مخططه إنو اطلع وقضي إجازة مافي متلها ( كلو طاااااااااااااااااااااار بالهوا )
وعواض ما اطلع واتهنى بشوفة الشام قاعده بالبيت ومو بس هيك هلأ بدي ما اترك تختي مشان طيب بأسرع وقت

الله يمضي هالإيام عكل خير ويسامحني ويرضى عليي

يلا بخاطركن ولا تنسوني بالدعاء

السلام عليكم
الله يعافيك ياهنودة ويشفيكي بجاه الحبيب محمد والله انقهرت على وجعك كلو بثوابو إن شاء الله
ساجدة يسلم تمك لاتمحي شي والله كلامك كلو صحيح ماشاء الله عنك
بالنسبة لدراستي بالذات مابيقدر يمنعني منها لإنو اتزوجني على أساس هالشرط ومو هو اللي متحمل المصاريف
والله عم إدعي بالهداية وماعم قصر وأنا اتخذت هالقرار مؤخرا صدقوني ماعم إقدر إتحمل ..يعني بعد معاناة طويلة من أول زواجي التعى قلبي بالكلام والنقاش الهادي والمسايرة بس مو بإيدو الطيع غلب التطبع أحلف بالله والله شاهد على كلامي إني بذلت جهود جبارة لصبر نفسي ولسايره ولخليه يتغير بس دق المي وهيي مي وكمان مرة الطبع غلب التطبع وأنا بصراحة مااتخذت هالقرار إلا بعد ماحسيت حالي موقادرة إتحمل وتعبت نفسيا وجسديا وهو ولا سائل متل التمثال ما بيحس أنا موت وانحرق وهو أبرد من التلج بيقللي إنت منيحة ومافي أحسن منك طيب ليش عم بتعاملني هيك ليش مومقدر ؟؟؟ مافي رحمة مافي انسانية مافي حس بالمسؤولية بيعاملني كإني هم على قلبه ومحملني جميلة ومنية إذا أكلت إذا شربت إذا اشتريت شي ...هوماعم بيسئ معاملتي من منطلق عزة النفس ولا أنا من اللي بيستخدموا التهديد بالطلاق كسلاح بس اشتهيت إنو يحاول يغير حالو يبين بس إنو خايف يفقدني أبدا ولا حدا هون...خطبتي كانت قصيرة كتير ماشفتو فيها غير كم مرة وأهلي مو من الناس اللي بيخلو الوحدة تاخد راحتها مع خطيبها يعني خطبة شهرين ونص مسموح يزورني مرة بالأسبوع صعب كتير خلال هالفترة القصيرة ..عالعموم الله يختار الخير ويصلح حالي وصدقيني الأيام اللي عشتها ما بتمناها لعدوي .....الله معي ومارح ينساني ومنضل نقول الله يصلح الحال ويهدي البال ويختار الخير
شكرا كتير كتير لنصيحتك واهتمامك ؟؟؟؟؟؟؟مانزلتي سكايبي

الله يحميك يا هنودة ويشفيك شفاء تاما لا يغادر سقما عاجلا غير آجل ...

طولي بالك الله يرضى عليك , بعرفها قعدة التخت ووجع الجرح بالفعل مو قليلة بس انت هوني على حالك
يعني ما بدي اعد اتفلسف بس بالفعل لو بتطلعي من منظار تاني لأعدتك بالتخت بتلاقيها فرصة لعمل كتير أشياء ما حتقدري تعمليها وانت بحالتك العادية

يعني مثلا : فيك تقري كتب كتيرة وتلخصيها وتحضري مثلا للتدريس أو لوظيفتك

فيك تقري قرآن وتختمي أسرع منا كلنا
فيك تذكري الله سبحانه وتعالى وتعملي دعاء طالما انك قاعدة ما فيك تحركي ...

يعني انا قضيت فترة حملي الاخيرة كلها راحة تامة وكان عندي ولد عم يفعي الله يسلمه وما بيعد

شو كان بدي اعمل غير انو كوم قدامي الكتب والمسبحة والمصحف وجبت شغلات لابني الوان وكتب ودفاتر ولوحة بيرسم عليها وعلمته كتيييييييير شغلات علمته سور من القرآن والاحرف العربية والإنلكيزية وغيرها , غير أيام ما كنت قدرت اعمل هيك

يعني قولي : اعدتي بتختي فرصة ذهبية لاعمل شغلات كتير حلوة ومفيدة
وما رح اسمح لخلقي يديق ولا رح اتململ , رح اتسلى وانبسط واتذكر هي الأيام والفائدة اللي اخدتها فيها


وكمان هي فرصة لتشوفي اهلك اللي حيكونوا مشغولين بالأيام العادية

وهو شهر رمضان مو خرج روحات وجيات فلذلك هونيها بتهون يا غالية

ومع هيك طبعا ما بتمنى إلا تقومي بأسرع وقت وأنت بأحسن حال إن شاءا لله تعالى

سماء ايجبت .. سامحينا آخد علينا الصيام
الله يفتح عليك يا رب