أهلين نايس..دراستي الحمد لله ربي بيعين عليها أنا هلأ بالماستر اختصاص دراسات لغوية ادعولي بالنجاح والتوفيق والتيسير والله لايشمت حدا فيني..الله يكون بعونك يارب وينتعك بالسلامة
بطة كيفك ياقلبي إن شاء الله أحسن الله يهون عليكي وعلى نايس وعلى كل الحوامل الغربة والحمل يارب

شام بسم الله عليكي شبكي شوقصة الكريب مو مخلي حدا من شرو
الله يعافيكي ريحي حالك واشربي زنجبيل فورا بتطيبي ان شاء الله
الله يعينك

مرحبا يا حلوات.. عم اكتب و أنا عم اسمع آذان الصبح.. ريتو صباحكم عسل و قشطة :)
فتاة سلامة جوزك و عملي متل ما قالوا البنات و فيكي كمان تسألي الدكتورات يللي بالمنتدى..
و شو أخبار ابنك هلأ؟؟ بس يصحلي وقت حاجي اكتبلك عن طفولتي.. ابنك ذكرني بحالي لأني كنت متله اذا مو أضرب منه..

دندون, كتير انبسطت انك طلعتي أخيراً.. مبروك. و الهريسة بدها فرن ما في كلام.. طريقتها كتير سهلة و بس تجيبي فرن تعي لأعطيكي طريقتي..

سوسو.. أبشري يا أخت العرب :) متل ما قلتي ما حدا إلو عنا شي.. بس على فكرة نحنا السوريات عن جد غير.. يعني جوزي رفيقه متجوز وحدة **** ما بدي قول جنسيتها.. المهم كل ما يشوف جوزي تربايتها لبناتها بيرتعب و بيقلي ما عاد تحاكيها و لا تخلي ولادها يختلطوا بإبننا.. لأنو بناتها دائماً بالأراضي عم يمسحوا أواعيهم فيها.. و مخطتهم شارة و بيمسحوا ايديهم بتياب العالم.. هذا غير انو معلمتهم يكونوا مصلحجيات.. يعني أبوهم للبنات قايل يللي بيصلي إلو عندي مكافأة.. فلما بنتها الكبيرة ما بتصلي شو بتعلمها امها يا حزرك؟؟ بتقلها صلي مشان تاخدي فلوس من أبوك و تجمعي مصاري كتير و ما تحتاجي حدا بس تكبري!! شو عم تصلي لربها و لا مشان المصاري!
مشان هيك جوزي بيقول يللي ما بيتجوز سورية ما بيعيش عيشة هنية :)
و شو هالنكت الحلوة؟؟ أنا كمان سني عم يجعني.. بركي بنتقم منه بنفس طريقة النكتة :)

شامو.. تسلميلي يا حق.. و هاه ليكك ما شاء الله حولك صرتي انت تعطينا معلومات :)
الله يكتبلنا كلنا الخير و يجمعنا ببيت ابن حلال هيك و ظريف يكون من نصيبنا..هه..
و سلامتك ان شاء الله.. هيك هالويك اند مو اتفقنا ترتاحي؟؟ أكيد ما سمعتي الكلمة و تعبتي حالك مشان هيك هجم عليكي الكريب..

هنودة.. لك يسلم هالتم.. و الله معك حق, هي الدعوة يللي عم تدعيها ان شاء الله بتبعد عنك كل واحد (توووووووت) ما بدنا نفسد صيامنا..
و طلعتي كنت خاطبة من قبل و الله نجاكي لكن.. يا ستي ان شاء الله بتتوفقي بواحد كامل مكمل يحبك و يموت فيكي و يتمنى رضاكي... هي أحلى دعوة, اسأليني أنا :) لأن المرة عن جد بتنبسط بس يكون جوزها بيحبها و مو شايف غيرها.. و متى ما حست انو ما قايمها من أرضها و عم يفكر بغيرها, بتصير عيشتها هم و غم..
و ان شاء الله بيكون ابن حلال و بيعرف ربه.. الله يهنيكي يا حق..

شاي و مزاج.. شو طبختي بعدين؟

نجاح.. شو أخبارك؟ ما شاء الله متنشطة..

سارة, يا مرحبا بكل التوانسة معنا..

نايس.. كيف الحمل معك يا حلوة؟؟ و ليش كلكم بتطبخوا الملوخية مع رز؟؟ أنا باكلها مع الخبز و عصرة ليمون..

بطة.. شو أخبارك؟ مشان الافطار و الكفارة.. رأيي اسألي شيخ أحسن.. لأني أنا مرق علي رمضان و كنت عم رضع و اضطريت افطر لأني كنت كل ما ضوم ينشف حليبي و دوخ.. فرحت بعد رمضان على هيئة الزكاة و سألت إذا في علي كفارة و طلع في, فدفعتها لهيئة الزكاة و تصرفوا فيها بمعرفتهم..

يللا ديروا بالكم على حالكم و كل وحدة غايبة تفوت تطمنا عن حالها.. آية, زنزون, مزون, المزة, هيلين, سما, شام يا ذا السيف, نور... كل البنات تعوا بس اكتبوا نحنا مناح, ما بدنا أكتر من هيك.. دانيا بتنوب بالحكي عنكم :)
سلااااام

صباح الخيرات والليرات على أحلى صحبه وأغلى بنات

كيفكون حبيبات قلبي ،، الله يصبحكن بأنوار النبي محمد

دندون كلك ذوق حبيبتي ويسلمو لأنك رديتي على هالبنت والله يجبر بخاطرك إلاهي

شامو بسم الله عليك شبك ياقلبي سلامة قلبك والله هالكريب مو تارك حدا من شره
الله يجعله بميزانك ويقويك إن شالله لأنو والله صعبه الكريب مع الصيام
مشان الله قد ما بتقدري ريحي حالك وإن شالله بإذن الله معافايه

نايس الحبابه كيفك يا عمري أي ريتو تقبشي قلبي إنشالله
يسلملي هالتم إلاهي كلك ذوق والله يا أحلى نايس الله يفرحنا بقيامك سالمه إلاهي

بنات في حدا بيعرف رقمها لمزون بالشام؟؟ إذا هيك ياريت تبعتولي ياه عالخاص لأنو بدي اطمن عليها تقبر قلبي إنشالله تكون بخير وفرحانه بشوفة أهلها
أي والله شوفة الأهل بتسوى الدنيا ومافيها

شاي ومزاج أهلين وسهلين حبيبتي كتير بنبسط بطلتك يا حبابه خبرينا شو عملتي بفطورك

وهلأ بجي لأحلى مايا أهلين حبيبتي كيفك وكيفو غسون أفندي يقبش قلبي إنشالله تمام
الله يجبر بخاطرك إلاهي يا ستي أنا كنت كاتبه كتابي وقبل عرسي بشي شهر زمان عملت مخالعة والحمدلله يارب على كل حال

باقي الصبايا كيفكون حبيباتي إنشالله يارب الكل بخير أيوش و لوليا و هلين وعاشقة وفتاه وبطوط وسوسو وسارة ونجاح إنشالله يارب ما كون نسيت حدا

صحي بنات **نوارة وينها ماعاد طلت علينا متل أول والمزة وسما وميس كمان،، وبتعرفوا بنات لمين مستفقده لزنزون الله يسمعنا عنها كل خير

السلام عليكم

كيفكم يا حلوات ...انا بتشكر وحدة وحدة الي كتبوا لي عن زوجي او عن ابني ....

شام الف الف سلامة عليه وما تشوفي شر ان شاء الله ...الله يعافييكي يارب

ساجدة بعرف زوجي دكتور بس ما حبيت اساله لان ما بحب يحس اني عم اتحكم فيه " يعني اذا اهتميت فيه وباكله بيفهمها عم اتحكم فيه ... الله يهديه " ...واليوم اكلتها بهدلة على الفطور لان مقللة الملح بس انا ما قلته مقللة الملح مشانه قلت له اذا شايفه قليل زيد انا هيك شايفته منيح وجبت له شكولاته بس ما اكلها .... الله يهديه ويعافيه يارب ...

هنودة ليش تبكي الله يهديكي ...الظاهر نفسيتك تعبانة خاصة بعد العملية الله يعينك ويقويك يارب ...انا كانت تجي في بالي هيك افكار بس بالعكس كنت اخاف انا اموت وافكر باولادي لا بيعرفوا خالة ولا عمة وما حدا بيفهم على لغتهم وحكيهم غيري ومرة حكيت هيك لحبيبتي اختي نبع الحب فقالت لي كلمة ريحتني كتير والحمد لله ..قالت لي ربك الي خلقهم ارحم عليهم منك .. ونعم بالله ...من بعدها ارتحت وماعاد خفت كتير خاصة بعد ما سافرت على السعودية والحمد لله شافوهم واتعرفوا عليهم كلهم

اليوم اجا ابني وقال لي ان خايف يموت وقال لي لو متت اتذكري اني بحبك وبحب البابا ..يالله شو اثرت فيني كلماته ..بس بعدين حكينا عن الجنة وانبسط ونسي قصة الخوف من الموت والحمد لله


يلا انا رح قوم هلا ومشان الله سامحوني اني ما رديت على كل وحدة لان نعسانة واخذه حبه مسكن ...فجأة صار يوجعني جنبي وظهري ..ان شاء الله بس ما تكون حصوة لان انا كل رمضان هيك بصير فيني ..لازم كتر شرب المي ....يلا سلام وسامحونا


هنودة..ليش نضحك عليك بالعكس ..دعائك كتير حلو ماشاء الله ..والله يستجيبه لك وبرزقك الزوج الصالح التقي ويجعل ازواجنا كذلك يارب