أهلين ياحلوات شكرا للي قدم لي وصفة وللي ماقدم لي كمان :icon33:
عملت بوصفة هنودة الحبوبة :)سلطة تونة بس بدون زيتون أسود وشوربة ماجي وبطاطا بوريه أكل خفيف وماأخد تحضيره نص ساعة والله حاسة حالي عم آاكل كتير راجعة إلي القابلية بعد العملية وللا الشهر الماضي ماكنت حط لقمة بتمي:09: بس مابدي يرجع يزيد وزني ماصدقت نحفت هلكم كيلو الله لايعيد العمليات:(
الله يعافيكي ياشام
ويافتاة إنتي وجوزك ويخلي لك ولادك إنتي وكل الأمهات
وياهنودة كمان ويجبر خاطرك ووييسر أمرك ونفرح فيكي :icon28:ويبعت لك رضي والدين يحبك ويعزك ويدللك ويطير عقلو فيكي قولي آمين أحسن لك :)
عروس أم غسان:26: ماشاء الله عنك وعلى حكياتك اللي بيطيروا العقل أحبك في الله بوسي لي ابنك وعلى رأيك السوريات غير شكل والله وين مارحنا هون وللا بسويسرا الجاليات العربية بيجنوا جنان على مايرتبطوا بسورية لإنو بتعجبهم عقليتنا وتربايتنا خصوصا إنو قسم كبير من جاليتنا بالغرب بيحرصوا على تربية ولادهم بشكل إسلامي بيقولوا العالم مو غريب على السوريات إنو يزرعوا بولادهم القيم الإسلامية حتى لو عاشوا بأوروربا ..إحم إحم رز بلحم:42: وش صايم
لا تنسوني من الدعاء:icon33::icon33:

سلااااااام لاحلى بنات اي الله يديم هالجمعة الحلوة يارب من غير شر تيسرو ضيوفي الله يوصلن بالسلامة وان شاء الله بس لارجع من المدرسة برد عليكن وبحكيلكن شو صار معنا بهاليومين حبيت قلها لشام سلامتك ان شاء الله وما عاقلبك شر
فتاة الحمد لله انو تحسن جوزك الله لا يضره هو وجميع المسلمين
يللا راجعتلكن بعد كم ساعة ان شاء الله

مساء الخير ياحلوات ان شاء الله تكونو بخير وسلامه يارب
انا الحمدلله بخير ونعمه من الله بس اليوم اخر ساعة صيام كتير تعبت وانخفض ضغطي قمت فورا تسطحت لحتى راحت الدوخه
زوجي ماعزم الشباب السوريين اليوم عالافطار قلي انت من غير شي عم تتعبي والجلي اللي عم يطلع مني ومنك عم تجليه بيومين هي غير البيت اللي بده تنظيف قبل وبعد ما يجو قلي تبقا بنعزم الشباب ان شاء الله هالكم يوم بالمطعم هيك احسن شي
ما خبرتينا عروس عملت العوامات ولا لسه وان شاء الله صحه وهنا مقدما
فتاه الله يخليلك اولادك يارب ويديمك وابو الشباب فوق راسهم يارب وتشوفوهم باعلى المراتب دائما
شام سلامة قلبك ان شاء الله وربي يجعله اجر وعافيه انتبه ع حالك وارتاحي وتغذي منيح واشربي اذا عندك فوار فيتامين سي
باقي 11 يوم بيخلص رمضان والله ما حسيت عليه الله يهدينا ويصلحنا بس ناويه ان شاء الله شد همتي اكتر بالختمه وبالدعاء والتسبيح والاستغفار والله يقوينا ع طاعته يارب
حدا منكم بين معاه شو رح يعمل بالعيد بالنسبه الي لهلا ما مبين معانا شي بس زعلانه لان اختي اللي بجده نازله لحماه عرس ابن حماها تاني يوم العيد الله يهنيهم يارب بقا رح تجتمع مع اهلي بالعيد وانا هون اااااااااااااااخ ابوك يالغربه شو انك مره وبتقرفي
ساجده باعتبار غيرتي سلملم بتشاااااااو بتسمحيلي الطش سلملم منك بس حقوق الطباعه والنشر محفوظه لصاحبتها سوسو خانم شو رايك؟؟؟؟؟
يالله خاطركن

كيفكون ان شاء الله بخير انا الحمد لله بخير بس حاسة اني لح اولد هاليومين فدعولي الله ييسرلي والله مالي ملحقة شي عندي شغل ولهلق ما بديت بشي يالله شو حاسة بغربة لانو ما حدا من اهلي معي هديك المرة كانت ماما معي بس هلق ما حدا وخايفة ع ابني وحاسة باحباط
ما بعرف شو بدي ساوي لحسن من نفسيتي عن جد كتير هيك حالة حزن سيطرة عليي للحظات ولا زالت وان شاء الله بتروح
طمنوني عنكون انتو وسلامات لكل البنات ما بدي طول عليكون وديقلكون خلاقكون يلا سلام بدي روح اتحمم ونام لانو هلق اتسحرنا
السلام عليكم

ياقلبي يا دانيه الله ييسرلك امرك ويتمم لك ع خير وتقومي بالسلامه وكل الحوامل يارب
حاولي تحطي شريط قران وتستمعي عليه اثناء يومك او حتى لما بدك تنامي بترتاح اعصابك باذن الله واشربي زهورات او لبن عيران كمان بهدي الاعصاب وحاولي تفكري ببعد الولاده ان شاء الله رح تقومي بالسلامه وتشوفي معاويه افندي وتنزلي لسوريا وتشوفي اهلك وتقضي وقت حلو ان شاء الله
ودائما حطي ببالك ان الله معاك وين ما كنت وهو احن من امك عليك حتى لو كانت جنبك بهالفتره
وان شاء الله مارح انساك من الدعاء وتوكلي ع رب العالمين