السلام عليكم:icon33:
الله يجبر خاطرك ياهنودة
أهلا فيكي المزة إيه والله لازم نشد حيلنا
اليوم خلصت ختمة يابنات ودعيتلكن من قلبي وحدة وحدة الله يفرج همكن ويعطيكن اللي ببالكن
سلام ولاتنسونا من الدعاء:icon33:

حبيبة قلبي شاي روقي الله يرضى عليك يعلى قامتي عليك والله مالي عرفانه شبدي قلك
الله يبعتلك يللي يسر قلبك وخاطرك
وربي يفرج همك ويصلحلك كل أحوالك

كيفكون بنات ان شاء الله بخير انا الحمد لله بخير وابني بخير كمان ومنيح وعم علمو كلمة جدو مشان اذا نزلت ع الشام ههههههههههههه
المهم بنات بدي ادعولي جوزي عم حسو بدا يقتنع انو بالصين مالنا عيشة يعني عم يفكر يرجع ع السعودية والله ييسرلنا الخير ادعولي الله يجعل عيشتنا هنية وييسر امور جوزي لانو مو عرفان كيف يبلش لانو اقامتو راحت عليه يعني ما نزل جددها
والله عم ادعي من كل البي انو تزبط ونروح ع السعودية
يلا بدي روح صلي الصبح ونام
سلام

سلام للحلوين لساتني حاسة حالي غريبة بيناتكم وكأني عم أفرض حالي بس شوي شوي بتصيروا بتقتنعوا في لك والله أنا حبوبة وظريفة ؟؟؟ومين وين طلعتلتنا هي كمان أي مو ناقصنا ؟؟ لك والله صرلي كم شهر عم تابعكم بس مالي عم أقدر سجل كان في مشكلة بالموقع
المهم ولا على بالكم المهم أنا حبيتكم
دانية الله يكتبلك الخير وشاي الله يعوضك خير وهنودة أجر وعافية مسكينة على هالرمضان قضيتيه بحالة صحية غير جيدة إن شا الله أجر وعافية
صبوا على عبدي البلاء صبا فإني أحب أن أسمع صوته
وهيك بتكوني قريبة من ربك أكتر ..الله يجعلنا عبيد إحسانو
اليوم كنت معزومة عند ناس مغاربة كأني بعالم آخر هي أول مرة بنعزم برمضان
كنت مفكرة حالي معتزلة العالم
والله أول مرة بفرح بعزيمة لما كنت بالشام كنا مانلحق عزايم 30 يوم مابيكفوني برمضان
أيييييييييييه على رمضان الشام وإحياءات الشام
على الله تعود
لك آآآآآآه والله ماكنت عارفة الغربة لها الدرجة صعبة
والله اليوم بعد الصبح كنت قاعدة عم تابع مسلسل مريم العذراء وشفت الحلقة اللي ماتت فيها أمها أي والله تقطع قلبي وطقيت على أمي وأبي
وانفجرت بالبكا
والله المساكين اليوم طول النهار مشغول بالهم علي رجعت لقيتهم ناطريني على النت وشفتهم والله طار عقلي
كنت بالعادة أرجع من مكان لاقي مين حاكيه آخد وأعطي هلأ بنتي لساتنا بنحكي مع بعض بلغة العصافير وجوزي خخخخخخخخخخخخ ششششششششششش
والحمد لله
مشان هيك نازلة كر
وأحلى شي أني اليوم ماحضرت أكل ولانقلب المطبخ فوقاني تحتاني
نضفت بيتي على رواق وقعدت على قرآني وعبادتي تذكرت أيام العزوبية ياريت كل يوم معزومة
هههههههه
أي حاجتكم اليوم رايحة قلكم تصبحوا على خير ولاتنسوني من دعاكم في هذه الساعات والليالي الفضيلة المباركة
اللهم إنك عفو كريم حليم عظيم تحب العفو فاعف عنا

دانية الله ييسر لجوزك
هنودة الله يجبر خاطرك
نجاح ياميت أهلا وسهلا فيكي شو غريبة ماغريبة ماغريب إلا الشيطان إنتي مننا وفينا وبنات مجلسنا طيوبات وحبابت وعلى قلب واحد كلنا منسأل عن بعض ومنطمن على بعض مشان هيك الله يرضى عليك لاتحسي حالك غريبة ولاعم تفرضي حالك علينا إنتي بقلبنا وعيوننا الله يصبرك على غربتك ويصبرنا على مابلانا