لك تسلميلي يارايقة مشكورة على الرد
وأنت وين عم تدرسي بجنيف ؟؟إذا كان بجنيف ممكن تعطيني معلومات لو الواحد حابب يدرس وخاصة أنا فرنسيتي مو صفر.... واحد
هههههههه وسمعت أنه دراسة باللغة العربية بجنيف
أتو تالوغ

مرحبا يا حلوات..
شلونكم؟؟ أحمر؟ أخضر؟؟
أول شي مين سألني اذا عملت العوامة؟؟؟ بطة ما هيك؟
لك مو عملتها و طلعت بتاخد العقل.. يسلمو ايديك يا فتاة على هالوصفة.. و طبعاً يسلمو ايدين كل وحدة دلتني على أي وصفة..
هي الوصفة يللي جربتها
http://forum.hawaaworld.com/showthre...322089#Scene_1
بس عندي ملاحظة انو كاسة مي طلعت كتير.. ندمت و الله, قلت يا ريتني حطيت نص كاسة و زدتها شوي شوي لأن بعد ما زدت المي طلعت مريقة و صرت زيد طحين لزبطت..
المهم صورتها لعيونكم.. بس ما حدا يضحك لأن كل وحدة شكل.. ما زبطوا معي طابات :( لساتني جديدة على الكار.. ههه

بمين بدي بلش ؟؟
هنودة حبيبة قلبي.. ما على قلبك شر.. شو أخبار الجرح؟ ان شاء الله عم يطيب بسرعة؟ و ما قلتيلنا شلون الاشراف معك؟ عم ينرفزوكي البنات بمواضيع غليظة و عم تحذفي شي؟ عم تجيكي شكاوي؟؟ تعي لهون نحنا مو صحاب؟؟ اذا بتسمعي شكوى علي, عملي حالك سمعان مو هون هاه :) صار عنا هلأ واسطتين تقال بالمنتدى.. شامو و انتي.. يا ويلها يا سواد ليلها يللي بتفكر تقرب ناحي... آكلة مقلب مرتب بحالي..
و أنا وياك مرينا بنفس التجربة.. أنا كمان قبل ما اتجوز كنت مخطوبة لغير واحد و صارت مشاكل غريبة عجيبة فوتتني بحالة اكتئاب فترة منيحة لبين ما اتعرفت على جوزي حالياً و حبينا بعض و عوضني.. فان شاء الله بكرة بتلاقي مين يعوضك و بتصيري تقولي سبحان الله, مرقت بهالتجربة خصوصي مشان اعرف قيمة جوزي.. الله يهنيكي..

دندون.. بلشتي تعلمي ابنك جدو.. و الله برافو.. ابني ما قالها للسنة و نص.. اي ابني طلع عيوني لقال ماما.. ضل يقول بابا من وقت ما صار عمره ست أشهر لحد ما صار سنة.. و ما في على لسانه غير بابا.. طبعاً بيقول انبو و هم و هالقصص.. بس ماما كان مقاطعها للسنة :( كان حتى يحب ابوه أكتر مني.. اذا باخده من ايد أبوه بيبكي و بيعمل مناحاة.. ما تعلق فيني إلا بعد ما سافر أبوه على الحج و قعد معي اسبوعين لحالنا.. ينام بحضني يعانقني طول النهار من دون ما يجي جوزي و يلطشوا مني.. بس بتعرفي, بنبسط كتير انو جوزي و ابني صحبة.. هيك بس يكبر بيحس أبوه قريب منه.. خصوصي انو صبي بيحتاج أبوه أكتر من أمه..
و ان شاء الله بيصير يللي ببالك و بتروحي على السعودية..

شاي و مزاج.. ذكرتيني بحالي لما كنت بالاعدادي تركت آنستي يللي بحبها المدرسة.. و عملت مناحة و وقفتلها على باب الادارة اترجاها ما تترك المدرسة و ابكيلها.. و كتبتلها رسالة.. و حالة.. و بعدين رحت اترجى ماما تنقلني على المدرسة يللي انتقلتلها آنستي.. بس طبعاً ماما ما وافقت لأن هديك المدرسة كانت مشهورة انو البنات فيها فلتانات..

نجاح.. شو غريبة ما غريبة؟؟ شو هالحكي؟؟ ليش فكرك كلنا سوا من أول الملف؟؟ أنا اجيت يمكن بعد شي 100 صفحة.. و الله ما بتذكر منيح..
بس بتعرفي فتنا بالثلث الأخير من رمضان و الكل مشغول.. الله يغفر لنا جميعاً..

لوليا.. لك وينك من زمان؟؟ اشتقنالك.. تعي بسرعة خبرينا شو صار معك.. الله يعينك, صعبة برمضان ينزلوا عندك ضيوف... بتلتهي فيهم و بضيافتهم..

المزة.. مبروك رجعة النت لعندك.. ما قلتيلنا شلون صار معك الحادث بالشام.. على العموم سلامتك ألف سلامة..

بطة ما تزعلي و لا يهمك.. ان شاء الله بتعيدي العيد الجاية مع أهلك.. مو نازلة تولدي هنيك؟ بتلحقي العيد الكبير ان شاء الله.. الله يقومك بالسلامة..

فتاة.. سلامتك.. شو قصة الحصوة؟ انتي معك حصوة من قبل؟ اذا هيك ما لازم تهملي حالك خصوصي برمضان.. نحنا هلأ شباب منقول يللا منتحمل شوية وجع.. بس بكرة مع الوقت بيصير بيزيد.. كل شي هلأ عم نهمله بيطلع بكبرتنا.. الله يهون علينا كبرتنا..

يللا خليني قوم احفر شوية كوسا مشان لاقيها بكرة محفورة خالصة ضغري احشيها.. مشتهية شيخ المحشي..
سلامات لكل الحلوات يللي ذكرتهم و يللي ما ذكرتهم.. كلكم على البال..
و على فكرة.. سوسووووووووو وينك يا ضرسانة اختفيتي بس سألتك عن اسمك :)

لك يا مية أهلين وسهلين بأحلى مايا
كيفك يا عمري لك والله كتير عم حسك قريبه عليي الله يديم محبتنا بجاه حبيبو محمد
ويسلملي لسانك ما شالله عم ينقط عسل الله يهني حبابك فيك إلاهي
أنا الحمدلله صايره أحسن وجروحاتي والحمدلله عم تتحسن ألف الحمد والشكر إلك يارب
بقى كنت مخطوبه متلي !! شايفه ماعم قلك كتير عم حسك قريبه عليي

والله ياستي أنا الحمدلله عندي يقين إنو رب العالمين بدو يبعتلي واحد ابن حلال يعوضني عن هديك الإيام يللي راحت لو تشوفي كيف أمي وأبي عم يدعولي من قلبهن يقبروني إلاهي
وسبحان الله كتير استفدت بحياتي من هي التجربة لأنو محسوبتك كانت جدبة مفكرة إنو كل الناس طيوبين وحبابين بس هلأ فيك تقولي إني اتفتحت عيوني على كتير شغلات ما كنت شوفها قبل وكمان حسيت حالي صرت كتير قريبه من رب العالمين الله لايبعدنا عنه ويديم علينا رضاه آمين
مشان الله لاتواخذيني لعيتلك قلبك من عند هالصبح ،، بس والله بدعيها من قلبي الله لايدوق حدا يللي دقته ويبعد عنا وعن كل بنات المسلمين ولادين الحرام يللي ما بيخافو الله

شاي حبيبتي الله يروقلك بالك ويصلحلك كل أحوالك بجاه هالشهر الفضيل ويبعتلك إلاهي كل يللي بيسر قلبك وخاطرك

نجاح ياميت أهلا وسهلا فيكي شو غريبة ماغريبة ماغريب إلا الشيطان والله نحنا هون إخوات متحابات ومتل ماقالتلك عروس بتعرفي فتنا بالثلث الأخير من رمضان و الكل مشغول.. الله يغفر لنا جميعاً
مشان هيك الله يرضى عليك لاتحسي حالك غريبة ولاعم تفرضي حالك علينا ولاشي والله يبعتلك يللي بيريح بالك ويهون عليك غربتك والله يجزيك ألف خير حبيبتي لأنك دوم عم تسألي عليي الله يجبر بخاطرك إلاهي

سلام يا بنات كيفكن وشو اخباركن ان شاء الله تكونو بخير
عروس تسلملي عينك شو مذوقة ماشاء الله عنك بتعرفي اسمك كتير حلو وحسيتو لابق لشخصيتك يا ستي الحمد لله الله يسرلي اموري مع ضيوفي وانبسطو وراحو وهنن عم يدعولنا الحمد لله من فضل الله وكرمو وبصراحة صرلي متكسلنة كم يوم عن العبادة وزادت الكسلنة عاجية الضيوف بس هلا ان شاء الله ناوية شد الهمة من جديد ادعيلنا كيفك انت وغسان الله يحميلك ياه

نجاح يا مية اهلا وسهلا بيناتنا ولالك غريبة ولا شي

هنودة سلامة قلبك ان شاء الله طمنينا عنك ان شاء الله صرتي احسن الله يعافيك ويعطيك الاجر ان شاء الله

شام سلامتك من الكريب ان شاء الله تكوني صرتي احسن

دانية الله يهون عليك هالكم يوم البقيانينلك لنشوف مين حيسبق انت ولا نايس ان شاء الله بتقومو بالسلامة انت وكل الحوامل

نور الدرب وسما اييجيبت وزنزون وينكن ما عدتو طليتو علينا ان شاء الله المانع خير

المزة طمنينا عنك ان شاء الله صرتي احسن

فتاة سلامتك شو قصة هالحصوة ان شاء الله خير يارب

شاي ومزاج شو اخبار الدراسة تمام

سوسو خانم وينك ملتهية ما عدتي طليتي عالموضوع يا حلوة

سارة واية طلتكن متل طلة القمر كل شهر مرة

بطة كيفك وكيف حملك ان شاء الله تكوني بخير

يا بنات ادعولي الله يعافيني خاصة جاييني وجع ظهر قوي مو عرفانة من شو مبارح من 9 فتت نمت

ان شاء الله ما كون نسيت حدا واذا كنت نسيانة حدا منشان الله لاتاخذوني بكون سقط سهوا وليس عمدا

صحي مايا نسيت قلك الحمدلله الإشراف مافي منو والبنات كتير حبابين ولهلأ الحمدلله ما اجتني ولا شكوة بس عم حسها مسئولية جديدة عليي بقى الله يقدرني وكون عند حسن الظن

ولا تخافي حبيبتي أصلا ماحدا بيستجري يقرب ناحك !! لك تقبشيني إلاهي شو حبابه ومافي متلك

ويسلمووو ايديك ع العوامة باينتها كتير ظريفة يممممممممممم

وصحي نسيت اسألك كيفو غسون أفندي إنشالله صاير أزعر وعلى كيفك ههههههههههه لك يقبش قلبي إلاهي بتعرفي ابن أختي يقبرني صاير أزعر ومافي منه وبيقلي( دوده ) بيقصدهنوده ههههههههه شايفة صرت دوده!!!!!!!!!!!!

يلا حاجتي لعي ،، بخاطرك