لك والله مبين عليكم مافي منكن بس حبيت أتحركش فيكم بتعرفو الإنسان من أول ما بيولد ولسان حالو بيقول نحن هنا
فيعني
نحن هنا
الله يجمعنا عند حبيبو المصطفى صلى الله عليه وسلم ومن بعد في مقعد صدق عند مليك مقتدر
ويقوينا على طاعته

مرحبا بنات ... كيفكم .... اشتقتلكم كتير ... نسيتوني و لا لسا متذكرين؟؟؟؟
أنا الحمدلله رجعت على بيتي السبت الماضي ......
بدي اكتبلكم رد ... بس بحب بالأول اقرا كل اللي راح علي و فكرت رح لاقي بس كم صفحة بما انه رمضان بس ما شاء الله الكل متنشط و عم يكتب .... الله يديم هالجمعة الحلوة ,,,,
أول شي كل سنة و انتو سالمين و الله يعيده علينا .... صح صرنا بالعشر الاخير بس انا ما عايدتكم برمضان .... و تاني شي الله يقدرنا على القيام و العبادة بهالعشر الأخير و الله يتقبل منا و يقبلنا .....
تاني شي ..... بدي قول لهنودة الحمدلله على السلامة .... و ما على قلبك شر ... و الله زعلت عليكي كتير ...كيف صرتي هلأ إنشاالله أحسن و اتحسنو الثقوب .... بتذكر لما عملها زوجي يقلي شوفي كم فتحة عاملين ....هههه .....
الله يديم الصحة و العافية و يقويكي ... و مشان الكريب ديري بالك .... انا اجاني كريب قوي كتير بالشام و أجلت السفرة حتى اتحسن ..... بقى ديري بالك .... و اشربي فيتامين سي .... و انتبهي ع حالك ....
و بعدين إنشا الله ألف مبروك عالاشراف و الله بتستاهلي و انت مافي منك ....
و مشان الخطبة القديمة متل ما قلتي هي تجربة الله راد انه تمري فيها و إنشاالله الله بيبعتلك ابن حلال مرضي و بيعرف الله منيح ....
بس متل ما قالت ساجدة بتعزمينا عالعرس.....
باقي البنات كيفكم ... و الله مو عرفانة من وين بدي ابدا و على مين بدي رد....
اول شي بدي رحب بالبنات اللي انضموا جدد....
مية اهلا و سهلا بشاي و نجاح و سارة ....
شاي كتير حسيتك قريبة مني بطباعك ... الله يختر لك اللي فيه الخير .... ادعي بهالايام الفضيلة و إنشاالله بتتيسر امورك ... انا كمان حبيت احكي معك شوي اذا بتحبي...
مايا يا مايا .... شو هالاسم الحلو؟؟؟
بس عن جد يوم بعد يوم بحسك بتشبهيني .... بس شكلك اشطر مني بشغل البيت و الطبخ ....
متل ما قالت هنودة انا كمان بحسك قريبة عليي ... بالذات لما بتحكي عنك و عن زوجك بحسك عم تحكي عننا ....ههههههه...
شو أخبار العقارات .؟؟؟يعني اذا بدنا شي معلش نسألك؟؟؟
بدي اسألك عالجمعيات اللي حطيتي مواقعهم بس نشوفهم انا و زوجي ببعتلك رسالة معلش؟؟

سوسو كيفك ... و كيف البنوتات الحلوين .... و كيف الطبخ و النفخ برمضان ... انت متلي عم تشوفي منال على ابوظبي؟؟؟
بتعرف انا متلك شفت نفس المقطع من حلقة عمر خالد تبع الام لما قال انه كل الوقت اللي بتمضيه سهرانة على ابنك و ما بتنامي و بتتعبي كله بثواب العبادة .... هو حلو برنامجه بس يمكن متل ما قلتي بده بعد رمضان ... بس هو ما عم يقصر عم يحكي ع رمضان ... مع انه مو كل يوم بشوفه بحط عليه بكون بدي فوت عالمطبخ .... و بالشام كنت شوف لقطات لقطات ما صحلي اكتر ....
بس شو شايفة الكل عم يتابع باب الحارة ... تاري مو بس زوجي.... هلكني و بقلي ولا كلمة بلش المسلسل ... بقله من ايمتى كنا ....

دندون كيفك ..... الله ييسر لك امورك و يقومك بالسلامة و الله يهون عليكي ..... معلش اتوكلي على الله بعرف انها صعبة تكوني لحالك بس الله معك .... و إن شاء الله بتكون مهونة ....
ابقي طمنينا عنك ....

آية كيفك يا جارتي .... بس انا ما عدت جارتك ....
كيف بنوتاتك و كيف المدرسة مع آية ... و كيف عزايمك....و رمضان....

نور الدرب كيفك و كيف البنات و الحمل؟؟؟
و الله انت كمان شطورة عم تصومي و تطبخي كل هالاكلات الطيبة .....
طمنينا عنك...

فتاة ماشاء الله حولك الله يسلملك ولادك و سلاتمة زوجك .... و إنشاالله الله بييسرلك تكملي الجامعة ....

بس شو مشان كم وحدة طلعتو بعدين اختصاص لغة ... و الله صرنا بدنا نفكر قبل ما نكتب الكلمة .....:)
نايس كيفك .... و كيف الحمل و الصغيرة ... مو عندك بنوتة و لا انا نسيانة .... كمان انت حتولدي لحالك بدون حدا من اهلك مو؟؟؟
الله يهون عليكي ... و يقومك بالسلامة ....

سما كيفك و كيف الدراسة الله يوفقك ......

بطة .... انتبهي ع حالك بالحمل و الله يقومك بالسلامة ... شو بدنا نعمل بالغربة كلنا هيك ... الحمدلله ....
الله يهون عليكي....

و الله مو عرفانة مين نسيت بس طولت عليكم كتير ... و اكيد مليتو من القراية و على قولة دانية نشف حلقكم و الدنيي صيام .....
يلا إن شاء الله بطمن عنكم و الله يديم هالجمعة ....
و تعوا ندعي الله يفتح علينا بالعبادة بالعشر الأخير و الله يتقبل ...
و ما بعرف مين اللي سألت عن صيغة دعاء ... يمكن نايس مو؟؟
انا في دعاء قصير كتير بس بحبه و بقوله كل يوم الصبح....
اللهم رضني بما قضيت لي حتى لا احب تعجيل ما أخرت و لا تأخير ما عجلت)

سلام

لا تواخذوني شام و لوليا اسماءكم سقطت سهوا على قول البنات ...
كيفك لوليا ... و كيف الدراسة الله يقويكي .....
و كيف كانت عزيمتك و ضيوفك .... و مبارك ما اجا لأختك و تربى بعزكم....
شام الله يقويكي و سلامتك ..... كيف صار الكريب انشاالله اتحسنتي ...؟؟

و شكرا لكل اللي سألوا عني بغيابي..... و اسفة اذا نسيت حدا ما سألت عنه ....

حبيباتي كيفكم ان شاء الله تكونوا بالف خير واسفه على التاخير النت بيعطل كتير

nicesmell شكرا لترحيبك وان شاء ربنا يسعدنا بالصحبه الطيبه ويحفظ جمعتنا من كل شر

lolia ايه أخبارك ؟اسفه حبيبتي النت بيعطل كتير .مشان هيك باكتب بعد كل فتره بس انتم بقلبي وماراح انساكم لانكم بتستاهلو كل خير.

helene طمنيني عليكي ان شاء تكون بخير وكيف أخبارك بارض الله المباركه؟

najah78 حبيبتي ايه أخبارك ؟ان شاء الله ربنا يسعدك ويخفف عليكي الغربه ويرزقك الصحبه الطيبه حتى تخفف عليكي البعد عن الاهل.وان شاء الله كل يوم تنعزمي وتكون ضيفه خفيفة الروح وتخلصي من الطبخ والجلي

عروس الشام كيفك ؟خبريني كيف راح يكون برنامجك في العشر الاواخر ؟ان شاء الله تتوفقي في كل شئ بحياتك يارب

بطة151الله يسعدك وييسر ولادتك ويجعل ابنك او بنتك من الذريه الصالحه

دانه في الصين ايه أخبارك ؟ان شاء ربنا يحقق مرادك ويسرك كل ماهو طيب وفيه الخير ليكي ولاهلك ويسر ولادتك ويقومك بالسلامه

شاي ومزاج كيفك ؟ان شاء الله ربنا يباركلك في علمك ويجعلك من المتفوقين ويحفظك من كل شر

هنودة الحمد الله على سلامتك ونورتينا وان شاء الله ربنا يكتبلك الاجر العظيم في هذا الشهر المبارك .
وان شاء الله ربنا يرزقك الزوج الصالح التقي ويحقق كل أحلامك
على فكره الدعاء يالي كتبتيه عجبني .الله يعطيك العافيه.اما بخصوص التجربه السابقه راح تقويكي أكثر لانها خبره انضافت لحياتك والحمد لله على كل حال والله رايدك الخير المهم تفكري في المستقبل وانسي الماضي وضلي دائما مستمره على الدعاء وربنا ماراح يخيبك وراح ادعيلك لانو دعاء الصديق مستجاب .
وانا فرحانه برشى لانك بتحبى تونس وان شاء الله تنورينا ببلدك الثاني ونفرح بيكي ونقوم بالواجب المهم شوية همه وزورينا
هنوده بتفهمي اللهجة التونسيه؟
ازا تفهميها راح اكتبلك على طول بالتونسي
هنوده حبيبتي وين مستقره بسوريه او بالغربه؟
انا فرحانه برشى بمعرفتك ويارب نضل على طول مع بعض

فتاة سوريه طمنيني عليكي وايه اخبار ابنك وزوجك؟

ساجده لله وحده تعرفي انا موش فرحانه انا طايرا من الفرحه بتفهمي بالتونسي واكله كسكسي
شنوا هادا ياسر عليا الاثنين لهجه واكل
اكيد باش تفهمي كلامي كلو .اما بخصوص الاكلات ولايهمك راح اختارلك اكلات سهله المهم ترضي عني حبيبتي
تعرفي انو الحب متبادل فمى برشى سوريين يحبو تونس والتوانسه وأحنا زاده نحبوا السوريين الله يحفظكم ويحفظنا وكل بلاد الله من كل شر
المهم انا عندي اثنين يفهموني بلهجتي انت وهنوده الله يسعدها والله يسعدكم مثل ماأسعدتم قلبي جميعا جمييييييييعا

zanzoon شكرا لترحيبك والله يباركلنا في صحبتنا
الله يحفظكم ويسعدكم وينور قلوبكم بنور الايمان ويبعد عنكم كل شر
واعذروني ازا بغيب فتره لانو النت بيعطل المهم اني بفكر فيكم واحد واحد وماأنساكم المهم ماتنسوني
نحبكم برشى برشى
ودعوه للجميع ياريت ياريت تزورني ببلدكم الثاني وراح تنبسطوا كتير
مين راح يجي الاول مشان انتظرو بالمطار؟

:26:

سلام لاحلى بنات حبيت طمنكن عن نور الدرب حاكيتها وهي الحمد لله تمام بس مقطوع عندها النت

سلام لاحلى هيلين لانو سقط اسمها سهوا اشتقنالك ولاتنسي تدعيلنا بهالايام المباركة (وحدة مصلحجية)


يللا سلملم